اخوي جدولك يحتاج الى إعادة نظر ، بورصة فيها كثير من الأماكن وحرام تروح وترجع في نفس اليوم ، راح يشكل
ارهاق عليك ، وبعد ابانت بعيدة وتحتاج مبيت ليلة على أقل
اقترح عليك بورصة 4ايام وتشمل يلوا وكوخ شدرا
4 ايام اسطنبول
والراي لك

اولاً مشكور اخوي على دعوتي للمشاركه بموضوعك....لي عوده لأني على وشك النوم....ولكن ابي اعرف وش الفكره اللي عندك عن بورصه...
يعني كيف بتروحلها؟؟؟!!!
وكيف بتروح لأبانت وسبانجا؟؟!!!
وماهي وسيلة المواصلات اللي قررت تستخدمها بأسطنبول؟؟؟!!!
طبعاً بعض الأماكن بحاجه لترتيب مثل...بيومك الأول اللي هو يوم الوصول بيكون بجنبك جامع السلطان احمد ومضيق البسفور و السوق المصري و حديقة قولهانه لأنها كلها مجانيه ومنها تكسب يوم الوصول من ناحية التعرف على المنطقة وانك شفت كذا مكان قريب جداً منك وبكذا تكون عندك الثقه بالأنطلاق بسلسله بعد ماتكون كسرت حاجز الأنطلاق للأماكن...وتقدر تضيف وتسوي كذا شي ولكن ماادري عن نومك وارهاقك وهل انت نايم زين او لا ..وهل تقدر تطلع بعد ماترتاح بالفندق لك شوي او لا....فهذا كله يعتمد عليك....لي عوده اخوي على موضوعك وبالتوفيق...

• ملاحظه...بورصه لاتستحق تماماً اربع ايام وحقها يومين فقط..ومع برنامجك المضغوط فيوم واحد كافي جداً ولكن بيكون من بداية اليوم لنهايته وهو جداً كافي لتتعرف على أهم الأماكن ببورصه..

الطيار2323
أهلاً بك أخي :
البرنامج الفعلي هو 6 ايام ويالله يمديني على معالم اسطنبول ,, واخترت بورصة لان ما تكمل رحلة تركيا إلا بمرورها ولو ليوم واحد ..
أبانت وسابنجا , حتى الآن متردد لأنها تحتاج بالباص ساعتين طريق , بإنتظار مشورة الأعضاء الكرام ..
شاكر تفاعلك ..

ابو نايف وبس
نوماً هنيئاً أبو نايف ..
رحلة بورصة , وآبانت وسابنجا سيتم الاتفاق مع مكتب سياحي ( قروب ) .
أما في اسطنبول راح استخدم المواصلات العامة ..
في اليوم الأول سيكون وصولي للفندق حوالي الساعة 5.30 عصراً وقد نخرج في حدود الساعة 7 مساءً , فأحب أن أعرف الأماكن القريبة من الفندق وما أدري ماذا يفضل في هذا الوقت ؟؟
(( النوم عال العال وما أتوقع يكون هناك ارهاق ))
دمت بصحة وعافية ..

حياك الله اخوي...اسمحلي ادخل على موضوعك دغري...لأني متواجد الأن بماليزيا وبعد بكرا الأثنين رحلتي للسعوديه...وعندي اشغال كثيره انهيها تتعلق برسالة الماجستير وودي استغل الإجازه بالقراءه وكتابة جزء كبير من رسالة البحث....على كلاً:
1-اسطنبول مدينه رائعه وجدولك ضيق فأقترح عليك بأن تلغي ابانت وسبانجا لأنها ماتستحق بأن تضيع على نفسك يوم.
2- علشان تستغل بورصه الأستغلال الأمثل فعندك حلين: الأول إما تروح لبورصه مع قروب سياحي وهذا ماانصح فيه لأنه يروح لأماكن محدده وحركتكم ثقيله بعض الشي بسبب الكثره. الثاني تروح من اسطنبول لبورصه بسياره مع شركه سياحيه مثل الحران وتقضي يوم كامل على راحتك...واتذكر سعر الحران ب 150 دولار ليوم كامل شامل كل شي(طبعاً تأكد من هذا الشي لأني ناسي والله)..وانا اشوف بهذه الطريقه راح تفرفر كل بورصه خلال يوم واحد وبتتحرك براحتك ويتشوف اماكن القروب ماراح يأخذك لها...وانت عاد قرر اي الطريقتين تناسبك مع اني ادري بأن الطريقه الثانيه اغلى ولكنها النسب نظراً لضيق وقتك...والأماكن اللي تستحق الزياره ببورصه قليله وتقدر تخلصها بيوم واحد مثل(جبل اولدغ واطلع له بالسياره ولاتستخدم التلفريك إلى بالنزول من باب التجربه, القريه التاريخيه اللي سبق ومثلوا مسلسل تركي فيها ونسيت اسمها الحين ولكن مكتوب بتقارير بورصه, السوق المسقوف وبجنبه المسجد الأخضر وسوق الحرير و سوق زفر بلازا(هذه كلها بجنب بعض يعني على رجلينك)..وفيه حديقه نسيت اسمها وماخذه اكبر من حجمها إذا بغيت تروحلها او اتركها وممكن تفرفر فيها لنص ساعه من باب اني شفتها..وبعض الأماكن ولكن بكل امانه هذه أهم المناطق والناس يمكن تفضل شي انا مااشوفه مهم..هذا فيما يتعلق ببورصه..
بخصوص اسطنبول: بيوم الوصول عندك هذه الأماكن ...مسجد السلطان احمد وماحوله من اماكن مثل مسار سباق الخيول قديماً واللي الحين فيه 3 عمدان متفرقه وصاير شارع(خله المسجد والمنطقه اللي حوله اخر شي تزوره)...عندك ايا صوفيا والتذكره بعشرين ليره ويستحق فقط نص ساعه او اقل ولاتأخذلك مرشد سياحي بس تفرج واطلع فوق وصور...وبعدها اتجه لحديقة قولهانه وهي على بعد خطوات منك وللمعلوميه فهي مجرد حديقه جميله وكبيره ولكن مافيها شي يلفت الأنتباه وإذا دخلتها بتل سيده شويتين ومن ارجع اطلع وانت بتشوف بنفسك ولكن مااعرف شخصيتك ويمكن تعجبك الحديقه..طبعاً محطة الترام القريبه منك هي محطة سلطان احمد وهذا شي ممتاز....ولكن بما انك عند حديقه قولهانه فبجنبك محطة ترام قولهانه إلى محطة امينونو وانزل وبتلقى الجامع واسمه (ياني تشامي) بالعربي الجامع الجديد وبجنبه السوق المصري...وبتشوف مضيق البسفور وجسر غلطه وبرج غلطه ومسجد السليمانيه وانت واقف بمحطة امينونو...وبكذا راح تعرف وين انت فيه وبعد السوق المصري رح لجهة المضيق بحيث يكون على يمينك وانت متجه لجسر غلطه وبتلقى مطاعم تحت الجسر(لاتتعشى عندهم لأنهم مبالغين بالأسعار) المهم رح للجهه الثانيه من الجسر وبتلقى محطة باصات امينونو وفيها محطة انطلاق سفن امينونو لكذا جهه بجيك بالشرح لها...المقصد هنا انك تتعرف على هذه المنطقه بيوم الوصول ومنها تكون تمشيه لك مع الأهل...
مختصر يوم الوصول كالتالي:
1-ايا صوفيا.
2- حديقة قولهانه.
3- من محطة قولهانه لمحطة امينونو(المسافه قريبه وتقدر تمشي ولكن ابيك تستخدم الترام علشان تعرف تستخدمه من اول مره) وزيارة السوق المصري وهو بجانب الجامع الجديد المبني قبل 500 سنه.
4-التمشيه على مضيق البسفور والمقصد هنا المنطقه اللي قدام السوق المصري وعند جسر غلطه ومنها التعرف على المطاعم تحت الجسر وعلى منطقة الباصات والقوارب...
5- من محطة امينونو إلى محطة بايزيت(بايزيد) لزيارة السوق المسقوف (السوق كبير جداً وإذا انت راغب بالتبضع فالغ زيارتك له بهذا اليوم.
6- من محطة بايزيت إلى محطه سلطان احمد وزيارة مسجد السلطان احمد والتعرف على منطقتك..(انصح بالمشي من بايزيت إلى السلطان احمد لأن الشارع جميل والدنيا امان والشارع منور بلمبات صفر وعريض وفيه حركه وطبعاً انت راح تمشي على خط مستقيم يعني من محطة بايزيت إلى سلطان احمد على نفس الشارع المنور وهذا بسبب انك تتمشى وتستمتع بالأجواء وتتعرف على الأماكن..وبكذا ينتهي يوم الوصول على خير..
لي عوده واتمنى باني وفقت بالشرح...طبعاً سوق جواهر مول بعيد جداً عن منطقتك ولا اعتقد بأنك قادر على زيارته بهذا اليوم.

يعطيك العافية ابو نايف , وأسأل الله لك التوفيق في رسالتك ...
النقاط الست التي ذكرتها , هل يمديني الوقت لامر عليها جميعاً , فوصولي للفندق حوالي الساعة 5.30 عصراً ؟؟

ما زلت أنتظر اقتراحاتكم ...

الطيار2323
ممكن معلومات وصورعن كوخ شدرا؟؟

ابو ريان ..
كل شئ تمام في الجدول ما عدا اليوم الخامس
انا أأكد لك أنك ستكره تركيا بسبب هذه التنقلات ..
أنصحك بالغاء ابانت وسابنجا وزيادة يوم آخر في بورصه
تحياتي