الجو فعلا حيكون بارد ... بس برودة معقولة .و زي ما انت ذكرت انة الجو هذا حيمنعك من زيارة كثير اماكن حلوة زي الشمال التركي , فعلى كذا مالك الا اسطنبول و ما حولها (بورصا / ابانت ) 4 ايام اسطنبول / ييومين بورصا / يومين ابنت / 4 ايام اسطنبول برأئيي حتكون حلوة .موفق

شكرا لك rani2323 وش تنصحني فيه من فنادق بالمدن الي ذكرتها خاصة اني ابي امان لان معي زوجتي ووش سالفت منطقة تقسيم سمعت انها خطره والافضل اني اسكن بعيد عنها
وينكم ياباقي الشباب نريد المزيد

اخوي الكريم
سفره موفقه ان شاء الله
انا لسي ماسفرت وان شاء الله السفره بتكون بعد اسبوعين , بالنسبه لمنطقة تقسيم , قريت عنها كثير , بس من خلال الاخوان بالمنتدي, افادوني انه اكثر الفنادق الممتازه واللي مايكون فيها لخبطه كثير تكون بتقسيم , بالاضافه الي كثرة الحراسات الامنيه فيها

يالأخوان وشفيكم مطنشينا للحين .
لكن على كل حال انا ابذكرلكم ماوصلته حتى الأن واتمنى تصححولي أخطائي وتوجهوني للجدول الأمثل
في البداية انا كنت ناوي اروح ابانت لكن يبدو ان فنادقها تكون مقفلة ذي الفترة لاني ماقدرت احجز فيها من مواقعها او إنها فل.
لذا قررت اخليها اسطنبول بورصة اسطنبول .
في البداية تكون لإسطنبول 4 ايام وفكرت بمنطقة السطان احمد لاني فهمت من الشباب انها اقرب للمناطق السياحية الي حتى ماني عارفها لكن الله يسهل.
بعدين بورصة 4 ايام وكاني بديت افهم من الشباب ان يلوا افضل وصراحة محتار ومدري وين اروح. ومؤقتا حاجز بالفندق هذا في ترمال في يلوا http://www.thermalium.com/default.aspx?dil=EN اتمنى تقيمونة لي.
بعدين اسطنبول منطقة تقسيم 4 ايام للتسوق والتمشي في منطقة تقسيم وحاجز في هذا الفندق http://www.eliteworldhotel.com.trاتمنى تقيمونه لي
وبغيت اعرف التنقل بينهم كيف هل يفضل باصات او يوجد رحلة بحرية من اسطنبول الى يلوا او بورصة
وانا حطيت المواق للي يبغى يستفيد
ولكم جزيل الشكر والتقدير

شباب ماحد لمي اعطوني شوي من وقتكم

معقولة 188 قراءه ولا رد

1. أخوي الكريم..


2. السلام عليكم ورحمة الله وبركاته

أخوي الكريم..

السلام عليكم ورحمة الله وبركاته

ماادري عن بقية المطلعين على موضوعك ولكن لا الومهم على عدم ردهم عليك, والسبب الله يحفطك ويخليك ويبارك فيك انك مااطلعت على شي من الي كتبوه الشباب من معلومات ولاكلفت عمرك بالبحث قبل ماتسأل اسئلتك, لأن اسئلتك سهلة جداً وواضح انها بتأخذ وقت طويل بالأستفسار والأخذ والعطاء..على كلاً ابجاوبك على الي انت تبيه وانت قرر وبكيفك..ابشرحلك عن برنامجي الشخصي وانت عاد شف برنامجي وادمج معه من قرائتك ورغباتك أو غير فيه. المهم الي يعجبك سوه..
توزيعك للأيام على حسب رأيي غير جيد.. ويما أنك أول مره تسافر فراح تكون تنقلاتك بطيئه وقراراتك نوعاً ما بطيئه, فأقترح بدال ماتكون بأسطنبول 8 ايام ابيك تخليها 4أيام و 2 يومين بورصه و2 يومين بيالوفا ويومين باابانت وأخيراً يومين بأسطنبول..
الحجوزات تكون مع مكتب الحران, ولهم رابط في منتدى تركيا تقدر تراسلهم على ايميلهم وازيدك من الشعر بيت عندهم كذا كوظف يتكلمون باللغه الي انت تبيها يعني تقدر تراسلهم بالعربي واسعارهم أفضل من المكاتب السياحيه على حسب ماقارنت بينهم وبين المواقع والمكاتب..
المواصلات: في اسطنبول استخدم فقط الباصات و الترام والميترو والسفن.. وأحذر استخدام التكاسي.. وفي بورصه تكاسي وباصات..وفي يالوفا باصات وتكاسي وأشدد على استخدام الباصات في هذه المدينه لأنها رخيصه جداً..وابانت مايحتاج تستخدم مواصلات لأن في ابانت فندقين وبحيره وبس ويوجد باص يوديك كل ساعه لمدينه بولو الصغيره للتبضع هناك وللتمشي علماً بأن اخر باص يرجع للفندق الساعه 7 مساءً..وايضاً مشاركه لأخينا علي تركي للمواصلات البحريه وللمواصلات الداخليه في اسطنبول وبشكل خاص الترام والمترو(ادعيلي إذا اعجبتك مشاركته مهوب بس هو لحاله)
أنصحك بشده بقرأت مشاركات أحد الأخوان ولقبه يمون_12 وهي موجوده ومثبته بالمواضيع المثبته وهي قثط تنحصر على مدينة اسطنبول , وايضاً معلومات مهمه لكيفية السفر لبورصه ويالوفا وابانت.. بالإضافه لتطرقه لبعض الأماكن السياحيه وكيفية الوصول اليها.. وأنصحك بموضوع مثبت اخر لأم فيصل ويحتوي على 3 ملفات وورد لأسطنبول وبورصه ويالوفا وراح تلقى هذه الملفات بالصفخات اللاحقه وليس بالصفحات الأولى فتمعن بقراءة كامل مشاركتها وردودها..
السكن: بعد اطلاعك على مسار الترام والي انت اطلعت عليه من مشاركة اخينا علي تركيaliturk راح تكتشف وتحتار أفضل منطقه للسكن وانصحك وبشده بمنطقه امينونو لأنها قريبه من الباصات والترام والسفن ومن جميع المناطق السياحيه وهي محاذية لمنطقة السلطان أحمد لدرجه انك تقدر توصلها على قدميك والمشي بين المنطقتين جميل...
توقيت سفرك: بيكون برد وأنصحك انك تأخذ ملابس شتويه وبس ولاتنسى تشتريلك مضلة من هنا على اساس انها ارخص لأني شريت وحده من البطحاء كبيره وقويه وتكفي لشخصين ب15 ريال..
الفندق الي انت اخترته بيالوفا رائع وحتى انا حجزت عندهم وطبعاً سفريتي بتاريخ 27/10/2009 من الرياض..
يجب عليك ان ترتب نفسك وتقرر اي الأماكن الي بتزوها قبل ماتروح هناك وانا شخصياً كتبت برنامجي على ورقه وكل يوم بيوم إلى وصولي لأرض الوطن..ومهوب لازمكل الأماكن بس أهم شيتزور الي يفتح النفس ويونسك ويسعدك بسم أنك يبدولي رايح شهر عسل مثلي..بالتخطيط الجيد بتقدر تزور الكثير وتستمتع مره وخل شغل الليل على مسماه , بمعنى إذا انك طلعت الصبح ترجع عبى تقريباً 2 الظهر وتصلون الظهر والعصر وإذا انك ماتتحمل تصبر لليل... المهم اطلع من فندقك على اربعالعصر وكمل جولتك إلى الساعه 10 بالليل وبكذا تكون مرتب (على حسب وجهة نظري لأني ابسوي كذا).. حط ببالك أنك بتمشي كثير وصدقني راح تستمتع بالمشي لأن منطقة امينونو وسطان احمد رائعه جداً وتفتح النفس بالمشي..
هذا ردي لك وبعتبر شكرك وصل ولكن ارجوك لاتكون كسول وتبي أحد يجاوب عليك على شي بالنسبهللأغلبيه بسيط , لأن الأغلبية يبون معلومه جديده ومهمه غير انت الي تبحث عن شي بديهي وسهل بالنسبة لهم بينما بالنسبة لك صعب جداً وانا هنا لا الومك ولكن الومك على كسلك بالقراءه..
وبالتوفيق بسفرتك

أبونايف كفيت ووفيت ..
يالغالي دور بالمنتدي وبتلقى جميع أجابة لأسألتك ..
ولوماعرفت كلنا بنخدمك ..