جدول حلو ومرتب وشامل لأهم الاماكن السياحيه
انطاليا بس يوم واحد ؟؟
من وجهة نظري تكنسل بورصه وتخلي يومين لانطاليا

اهلن فيك
شكراً لأنك رديت على موضوعي بهالسرعه
انا حابة اكنسل بورصة واروح بدالها دولما باشا + حديقة يلديز + viraport outlet
بالنسبة لأنطاليا ............. > 3 ايام ان شاء الله بمنتجع تايتنك =)
والسكن باسطنبول بيكون في منطقة تقسيم =)
في عندي بعض الاستفسارات عن بعض الاماكن اذا ترحب .. ممكن اطرحها عليك =)

تفضلي اسئلي بس ماعندي علم غير باستنبول
بالنسبه للسكن افضل السلطان احمد ونيس مره
شفتك كاتبه اليوم السابع انطاليا قلت مايمدي ابد معليش اعذرين على التعجل
وفعلا بورصه قريت كثير انها ماتستاهل مافيها غير الجبل
وخصوصا بالصيفيه تنتظرين ساعتين او اكثر لركوب التلفريك

اخوي ..... بعد التحيه ...... ان كان مدتك سته ايام خلها في اسطنبول وممكن يوم تطلع بورصه او يلوا .........
وان كانت اكثر كنسل انطاليا لانها في الصيف ماتصلح حر و !!!!!!
وان كان لك رغبه في الانتقال لمدينه غير اسطنبول ... عليك بطرابزون وما حولها من جنات .......
بالنسبه للجدول حلو بس عندي ملاحظه لك وهي ان مول استينا بارك موجود بالقرب من حديقة امرجان الفاتنه ......
وارى ان ليس هناك حاجه للسائق لان الاماكن مرتبه حسب القرب وسهل الوصول لها بالمترو والترام والباصات خاصه انك ساكن في تقسيم .....

استفساراتي باسطنبول فقط
1) هل مجمع استينيا وجواهر فيهم استعراضات وناس يرقصون فيهم حركه وفاعليات ولا ؟
2) الذهاب الى جزر الاميرات هل يتطلب الحجز قبل بيوم ولا الحق لو رحت الساعه 9 الصباح ؟
3) حي اورتاكوي فيه اسواق ولا ؟
4) في السلطان احمد سمعت عن سوق اسمه جراند بازار ؟ هل هو نفسه السوق المسقوف واذا له تنصحون فيه ؟
5) لما انزل من رحلة البسفور .. اروح للكورنيش مشي على الاقدام ولا بالسيارة وهل هو الكورنيش اللي انا ابيه اللي من منطقة سرير الى ترابيا ؟
6) بالنسبة للحمامات التركية .. ايش خلفيتكم عنها ؟ وابغى اشهر 3 باسطنبول
7) تلة العرائس متى اروح لها وهل الاقي عرس هناك بيكون يوم السبت ؟
8) البالون في كادكوي يشتغل ولا ؟ وايش طريقته
9) بالنسبة لتذاكر الرحلة للبسفور متى لازم اخذها قبل بيوم ولا قبل بساعة
0- فيه اماكن مهمة ماكتبتها بالجدول ؟؟
1- اشهر المطاعم في الاستقلال وبغداد والسلطان احمد واستينيا بارك وجواهر مول وقصر كمبنسكي
^
^
^
جاوب على اللي تعرفه منهم

• _________

اخوي انطاليا حرها اخف من حرنا وجمالها يغطي على الحر صراحة يعني اللي اعرفه ان درجة الحرارة ما تزيد عن 35
وبالليل جميلة وجبلها حلو وشلالاتها احلى ومنطقة انتعاش وحيويه ... ما اتوقع اني من جنيف ولا اتحمل الحر حرنا خلانا نفقد الاحساس بأي حر صرنا ضبان وانا اختك ههه
وبالنسبة للسايق والله ما ودي فيه لكن الوالدة الله يخليها لنا ماتبي المترو والترام وهالاشيا ومانقدر نقول شي للغاليه

• ___________

يمكن اسئلتي كثيرة بس ارجو منكم الافادة بجد ابي اقفل ملف الرحلة مضغوطه كثير
شكراً لكم ويجزاكم الله كل خير ويفك حيرتكم ويريح بالكم =)

ما أدري أنا حقيقةً ماعندي علم بأي شيء
لكن أنطاليا ، أسمع دايماً .. ماتصلح للعوائل لأن الأجانب تارسينها ، وفيها شيء من " التعري العميق "
هذه نصيحة لا اكثر

لك عندي سؤال اختي لج ،
لما بتروحين لأسطنبول تقولين للتاكسي ابي الأماكن التاليه بالعربي !
ليوم الثالث : الأربعاء
1) التوجه الى منطقة السلطان احمد
المسجد الأزرق
اياصوفيا
خزان المياه
توبكابي
حديقة جولهانه
السوق المسقوف
ولا لازم ترجمه انجليزي او تركي ، ولا اقولها عربي عادي !
جميع الأماكن !
ياليت استفيد

1) هل مجمع استينيا وجواهر فيهم استعراضات وناس يرقصون فيهم حركه وفاعليات ولا ؟
والله مادري يمكن تكون بالصيف لكن وقت رحلتنا ماكان فيه شي
2) الذهاب الى جزر الاميرات هل يتطلب الحجز قبل بيوم ولا الحق لو رحت الساعه 9 الصباح ؟
تلحقين لو رحتي بتلاقين ناس متجمعين ماعليك سوى ادخال الليرات بالمكينه وراح يطلع لك الفيش
3) حي اورتاكوي فيه اسواق ولا ؟
نعم فيه سوق اسمه Ortakoy Bazzare بازار ارتاكوي
4) في السلطان احمد سمعت عن سوق اسمه جراند بازار ؟ هل هو نفسه السوق المسقوف واذا له تنصحون فيه ؟
نعم نفسه وهو سوق شعبي اذا حبيتي تروحين له وعندك وقت فاضي
5) لما انزل من رحلة البسفور .. اروح للكورنيش مشي على الاقدام ولا بالسيارة وهل هو الكورنيش اللي انا ابيه اللي من منطقة سرير الى ترابيا ؟
ماتوقع هو نفسه لان رحلة البسفور تنطلق من ميناء امينونو يعني يلزمك سياره
6) بالنسبة للحمامات التركية .. ايش خلفيتكم عنها ؟ وابغى اشهر 3 باسطنبول
والله بنفس فندقنا حمام تركي ولا استخدمته خ بس تندمت عقب
7) تلة العرائس متى اروح لها وهل الاقي عرس هناك بيكون يوم السبت ؟
انا رحت يوم الاحد ولقيت عروستين وان شاء الله تلاقي يوم السبت
8) البالون في كادكوي يشتغل ولا ؟ وايش طريقته
ماظن يشتغل لكن لعل وعسى يجي الاجابه من شخص ثاني
9) بالنسبة لتذاكر الرحلة للبسفور متى لازم اخذها قبل بيوم ولا قبل بساعة
بنفس الوقت تاخذينها ويمكن تنتظرين نص ساعه على بال مايكتمل العدد المطلوب للرحله
0- فيه اماكن مهمة ماكتبتها بالجدول ؟؟
برج غلطه اتوقع انك ماذكرتيه بالنسبه لي حسيته تجربه حلوه
1- اشهر المطاعم في الاستقلال وبغداد والسلطان احمد واستينيا بارك وجواهر مول وقصر كمبنسكي
بالنسبه للمطاعم والله ماعرف ولا مطعم اذا جعنا دخلنا اي مطعم يعجبنا المنيو
اتمنى اكون ساعدتك لو بشي قليل
بالتوفيق

bo hanan
شكراً جزيلاً =)