ما حددتي وش نوع مواصلاتكم مع انه مبين انه قطارات ومافي سيارة
وين السكن في اي فندق؟؟؟ في اي مدينة؟؟؟ لا تقولي لي كلها في جنيف؟؟؟؟
كم عددكم؟؟؟ معكم أطفال؟؟؟ كم أعمارهم؟؟؟؟
ومتى فترة السفر؟؟؟
اليوم الأول : الوصول إلى جنيف واستكشاف المنطقه والمطاعم - حلو ممكن تضيفين عليه المرور على كشك تذاكر الرحلات وحجز المقاعد وشراء التذاكر لرحلة اليوم التالي
اليوم الثاني : جولة بحرية حول البحيره مع الذهاب إلى مجمع البلاكسيرت - لا ما يمكن البلاكسيرت يبيله يوم كامل الا اذا كنتم ناوين على باتي (السينما) اللي فيه؟؟
اليوم الثالث : الذهاب إلى يفون وقضاء اليوم هناك - اذا قصدك ديفون فما انصحك لأنه ما فيها اي شيء مهم عدا البحيرة والمشي حولها وملاعب اطفال صغيرة وبعدين كيف ناوين تروحون لها؟؟
اليوم الرابع : : golden pass الى مصنع الشوكولاته ونستله الذهاب الى قشتاد --- ممكن قطار الشوكولاته لأنه من ينطلق من جنيف الساعة 8 الصبح او حتى 7 و 45 والعودة الساعة 6 المساء
في هذا اليوم وش رايك تختمينها بعشوة محترمة في القصر الإيراني اللي على البحيرة في منترو وهنا محتاجه للحجز قبله بليلة
اليوم الخامس: الذهاب إلى يفون - لا ابدا ما ينفع
اليوم السادس: الذهاب إلى انترلاكن واستكشاف المنطقه --- لي عودة للتعليق
اليوم السابع: الذهاب الى برينز والحديقة اليابانية--- لي عودة للتعليق
اليوم الثامن: الذهاب لقرية وينجن --- لي عودة للتعليق
اليوم التاسع الذهاب لقمة Jungfraujoch --- لي عودة للتعليق
اليوم العاشر قلعة شيلليون في مونتر --- لي عودة للتعليق
اليوم الحادي عشر: الذهاب الى لوزيرن- --- لي عودة للتعليق
اليوم الثاني عشر : الذهاب إلى المطار في جنيف
وش رايكم ؟ صراحة اعطيكي 3 من 10 ههه
التخطيط يحتاج الى اعادة نظر خاصة ديفون واستكشاف انترلاكن ولوزيرن وش راح تعملين هناك؟؟ مافي قمة ريقي!!!!
بليز محتاج تجاوبيني على الأسئلة اللي فوق
ودي اعرف وين السكن لأنه من غير المنطقي تسكنون كل المدة في جنيف (((ما تجي ابد)))
ونوع المواصلات
وابشري بالخير
تحياتي

الله يهداك بوعزيز فشلتني 3 من 10 بعد كل هالتعب والدواره ؟؟؟؟؟
ههه ياللا مقبوله منك
احنا 2 كبار و طفلين 5 و 3 سنين والسكن طبعا بين جنيف وانترلاكن اللي بجنيف صنفت على bernina لأنه قريب من المحطه وانت شايف تحركاتنا كلها بالقطار يمكن الانتقال الى انترلاكن يكون بتاكسي او شي ماادري .. بانترلاكن ناويه على بيلفيو
السفر راح يكون ان شا الله من 29 جولاي الى 9 اوغست
بالنسبه للجوله البحريه يمكن اكنسلها لان زوجي يجيه دوار البحر !!! بس حاطينها احتياط
اوكي بدال ديفون وين اروح ؟؟
والمطعم الايراني ليش مااخليه لما اروح شيلليون ؟
ياللا بوعزيز صلح لي الجدول و بلغني تسلم

نابليونيه
ممكن اذا سمحتي تعطيني قسمة الأيام
كم يوم في جنيف
وكم يوم في انترلاكن
هل تعلمين ان برينينا فندق متواضع جدا وبدون تكييف ومزعج للغاية
صحيح مثل ماتفضلت اكروس المحطة و موقعه رائع
البديل يعتمد على ميزانيتكم؟؟
ديفون للأسف ما يونصل لها بالقطار او الباص
البيلفيو سكنت فيه العام الماضي
عجبني لكن لم يعجب زوجتي بسبب صوت القطار وتواضع غرفه
لكن في الشتاء الماضي تم اقفاله وتجديده
ان شاء الله بيكون افضل
مدة رحلتكم بإذن الله 11 ليله
اقترح تقسمينها 5 ليالي جنيف
و 6 ليالي انترلاكن
المواصلات في هذه الحالة راح تكون قطار
و لابد من التفكير في السويس سافير باس 8 ايام مثلا (ممكن يومين ما تستخدمونه اللي هي اول ليلتين في جنيف)
هل معاكم شنقن والا سويسرية؟؟
لأنه بتفرق كثير معاكم
الشنقن افضل لتحركاتكم
الجولة البحرية والله ممتعة والبوت ضخم ما يحس فيه الواحد ومحتاجينه خاصة في الصيف لأن جنيف تصير حاره في مثل هذا الوقت من السنة
ان شاء الله فقط تكتمل الصوره عندي راح اعمل جهدي لوضع مخطط للسفره
ليله مباركة

aboaziz
فعلا برنينا متواضع لكن لو تلاحظ ان احنا طول اليوم برا يعني للنوم فقط وبصراحه يمكن اختار فندق ثاني مدحوه لي خواتي ونفس الشي صغير
وان شا الله البيلفيو يكون زين بس بعد باحاول في فندق ثاني لحد الحين مااتضحت الرؤيه وعندنا وقت كافي ان شا الله
فعلا تقسيمك نفس التقسيم اللي نويت عليه 5 ايام في جنيف و 6 بانترلاكن والمواصلات اكثرها بالقطار الا الروحه للمطار يمكن بالتاكسي وان شا الله السويس باس اكيد شراءها
الفيزا ان شا الله شنغن
الجوله البحريه باحاول اقنع زوجي فيها وان شا الله تعجبه
تسلم اخوي على المداخله وهذا العشم باعضاء المنتدى

نابليونيه
ان شاء الله استلمت منكي المطلوب
اللحين وضحت لي الرؤية تماما
راح اصمم لكي شيء طيب بإذن الله
خاصة انكم قريب جدا لوضع عائلتي ورحلتي الصيف الماضي
ان شاء الله لي عودة
قريبا

في هذا اليوم وش رايك تختمينها بعشوة محترمة في القصر الإيراني اللي على البحيرة في منترو وهنا محتاجه للحجز قبله بليلة
سلام
صراحه aboaziz شدتني هالجملة
بس لازم الحجز المسبق بيوم؟؟
وكيف الطريقة يعني في تلفون معين او طريقة اخرى؟؟

Prestige979
والله هالمطعم عليه جلسه خياليه على البحيره .............. وترى أسعاره شوي غاليه
وبالنسبه للحجز ........... الافضل الحجز ولكن قد تشاء الصدف ويكون ما في زحمه وفي هذه الحاله يمكنك الدخول
والله العام دخلت أنا وأم العيال وأنبسطنا........ بس إعفسونا الاولاد
خيار موفق ................ من خبير لا يعلى عليه