تلومني ياغالي
شفت موضوع عبدالعزيز يمكن وصل الي 20 صفحه جرب تقرأه او موضوع الاخت romh بالقسم العام
شف اللي يعجبك ونرتب لك يا غالي
ما جربت مع عوائل اخاف احوسك لكن اذا تبينا نغامر ما عندي مشكله

تكفى ثم تكفى ثم تكفى
حوس
المشكلة دوام وترتيبات وحوسه
سبق وزرت باريس 2011
لكن ماكانت الرحلة منسقة والله اني كل مااذكر اتحسف ع الفلوس

بروح اصلي وارجع لك
مغادرتك يوم 2 او يوم 3
وصولك صباح 29 هل السكن محجوز ام تنتظر يدخلونك بدري

تقبل الله
والله اني ادعيلك من كل قلبي
لا بنتظر اكيد مايدخلون
المغادرة يوم2

الخميس بما انك قريب ايفل حاول تحجز للبرج بدري وتطلع البرج ورحله قارب وتتمشي بالحديقه اللي عند ايفل حدائق الشامب واذا فيه وقت سمعت عن اكواريوم عند محطه ترياكدور قريبه مره ايفل لا صار ايفل خلفك تشوف درج كبير وفوق ساحه هناك ومرات تلقي عروض
الجمعه ديزني لاند والاوت لوت بدايه بالاوت لوت افضل ثم تضع اغراضك بمكان حفظ الامتعه وحاول انك تستخد الباس في ديزني وترتب وقت
السبت الشانز ثم مشي الي ساحه كونكور وحديقه تويلري ثم اللوفر واذا ما تبي اللوفر تروح متحف الشمع ثم جاليري لافييت
الاحد فرساي ( الدخول مجانا حسب علمي لانك اول احد من الشهر) مونمارت الحي اللاتيني

وعليكم السلام
فرساي ما يسوى تروح دامه بالمجان
راح تلقى زحمه فوق الزحمه
وانته مع عايله واطفال راح يملون بالنطره
وترى التذاكر لتحت 18 سنه مجاني
الفندق كلمهم قبل واطلب دخول مبكر
اذكر لهم انكم عائله ومعاكم اطفال وانه رحلتكم طويله بتكون
في الغالب يوافقون للعوائل
كم اعمار الاطفال ؟! اذا اقل من 8 سنوات في حديقه
Le Jardin d'Acclimation
فيها العاب وحيوانات الحديقه مب كبيره بس ممتعه

خذ كلام ام ريم
قايلك بالرحلات العائليه احوس الامور
ام ريم ما قصرتي

كلكم ماقصرتوا
اطفالي 10و8
ابغى حدائق حلوة وكمان ابغى اماكن اشوف فيها الشعب الباريسي يعني احياء مو سياحية

كل مكان ينبسطون فيه اليهال الا اذا اعيالي قنوعين زياده عن اللزوم
يعني مثلا جولة الباص السياحي جداً ممتعه خصوصا القعده في الطابق الثاني
اللوفر مع انه ما دخلناه بس الوقفه بره والتصوير كانه ميودين قمة الهرم بعد عجبتهم
حدايق فرساي انطلقوا فيها
برج ايفل اكبر وناسه لهم وخصوصا مع العروض الي في تروكاديرو
الرحله النهريه تجربه ممتعه بعد
الحديقة الي قلت لك عنها وايد عجبتهم فيها طاووس ابيض شكله عجيب سبحان الله
حتى جسر العشاق فرحوا فيه قاموا يدورون اقفال عليها حروفهم ههه
وطبعا ديزني حكايه بروحها