نشر في دبي

جايينكم دبي ونبي مساعدة لا هنتم

لياليْ

10-11-2022 - 05:39 am

السلام عليكم ورحمة الله
جايين من السعودية لدبي في عطلة الحج
تاريخ 14 November
وبنجلس اسبوع
بس نبي نعرف فنادق او شاليهات نجلس فيها انا والعايلة وتكون اسعارها ماتتعدى 1000 بالليلة
قالولنا على الجميرة بيتش ياليت تعطونا معلومات اكثر عنها
ومعلومات عن المطاعم والأسواق والأماكن السياحية بدبي
لأننا جايينكم مانعرف شي أبد
اتمنى ماتقصرون معي

التعليقات (3)

لياليْ

10-11-2022 - 09:09 am

عفوا
4ديسمبر مش نوفمير

اليازي-UAE

10-11-2022 - 11:11 am

ياهلا حياكم الله في دار الحي
الاختيارات في دبي كثيره
تقدرون تسكنون في شارع الشيخ زايد
شارع حلو وكله مطاعم وفتادق حلوه مثل :
فندق فيرمونت و فندق شانغريلا و فندق دوست
واذا تبون شقق في نفس الشارع عندكم تشيلسي تاور ( شيكت لكم شقه بغرفتين في التاريخ اللي قلتي عنه طلعت في حدود 1400 درهم ) وممكن تشوفين اسعاره من اي مكتب سياحي عندكم بتكون ارخص
وممكن تسكنون في منطقة جميرا فنادقها عالبحر كثيره
منها مثل ماذكرتي الجميرا بيتش وميناء السلام وفندق القصر
بس فيه مشكله صغنونه اسعارها كلها تقريبا تتعدى الالف بكثير
فأذا حابه اسكني في فندق 4 نجوم بس يكون جديد ونظيف
فيه فنادق حلوه مثل فندق قمر الدين والمنزل وسعارها اقل شوي
وشوفي هالموضوع
https://artravelers.com
وياكثر اماكن الزياره والاسواق في دبي
خذي لفه في بوابة الامارات

برشاهوليك

10-11-2022 - 12:12 pm

أخي الحبيب .. دائما لما تحجز من خارج دبي .. تكون الاسعار جدا مناسبا .. على العكس من الحجز من دبي مباشرة .. أنا لاحظت هذا الشي لما حجزت في الجراند حياه ... الغرفة مع الرسوم طلعت علي حوالي 1200 درهم ... أما بالنسبة بالسياح اللي يحجزون من خلال باكجات السفر .. المبلغ ينزل للنصف تقريبا ..
و تقبل مروري

دبي المسافرون العرب

جايينكم دبي ونبي مساعدة لا هنتم