كلولولوش الف الصلاة و السلام عليك يا حبيب الله محمد
الف الف الف مبروك الجوري .. والله فرحت لك يا قمر
و هني مون بلندن أحلى قرار بس ما كأنو اكتوبر برد
انا رجعت من لندن من 3 اسابيع تقريبا والله يالجوري الجو برد ما كنت اطلع الا بجاكيت
و شهر العسل ودك تروحين و تجين مع بعلك و تنبسطين بالجو و التمشيات
الا اذا انتي من هواة البراد .. هذا شي ثاني ..
عموما حبيت ابارك لك و ان شاء الله الجماعة ما يقصرون .. و مره ثانية الف مبروك
و الفا اال لي و لكل البنات

الف الف مبروك وواالاخت قصايد ماقصرت كفت ووفت بالنسبة للشقق ياليت لو تزوري الرابط وان شاء الله بيفيدك
الله يهنيك يارب
http://www.presidentialapartments.co.uk/ar/index.htm?gclid=CM_egPzH0JUCFQVkswodhwUOjA

مبروك يالغالية
ولندن عجيبة وتستاهل احلى هني مون
شوفي انتم اهم شيء عندكم فيز
روحي لندن واسكني في تستل ماربل ارتش حلو ...وغرفة واسعة وزينة
ومنها احجزوا باليورو ستار على باريس روعة يومين كذا خطيرة وعندك في باريس فندق امارانتي متمييز في موضوع عنه بساحة باريس ...ومن باريس ممكن بالقطار كلها ساعتين ونص على جنيف ترى الامر سهل جدا وممكن الكونسيرج بالفندق يحجزون لك ...وانصحك بفندق بريستول (لاتطوفك الشوكلاتة السويسرية )
او اذ ودك من باريس على بلجيكا بالقطار شركة تاليز ساعة وربع وانصحك فندق الماريوت قريب جدا من ساحة الجراند هيل
واي خدمة ابشري بها ...موفقة حبيبتي

الجوري
وش رايكم بالكمبرلاند ؟
فندق مفضل للعرب
انا خبري في مواقع فنادق نحجز عندها ويعطونا الحجز بس علشان نطلع الفيزا وبعدين نكنسل ويرجعون
المبلغ ...
جربي هجري الموقع للحجز ثم لإلغاء الحجز عن طريق النت بعض ظهور الفيزا
booking.com
و هذا الموقع يعطيج أحسن الأسعار في لندن
londontown.com
لو بغينا نسير على باريس ...
وش نسوي مع الفيزا ؟؟؟؟
انتو عندكم فيزا أوروبا الشنجن ؟؟ لإن فيزا بريطانيا ما تمشي في هجري الحالة

لو بغينا نسير على باريس ...
حنا ببالنا ان اذا وصلنا لندن بنشوف لنا ذول القروبات اللي يودون ...
تنصحون فيهم والا شرايكم ؟؟
شخصيا ... ما انصح فيهم
لازم يطلبون حجز فندق ؟؟؟
في احد يعرف حجز فندق بعدين يتكنسل ويرجعون لنا المبلغ ؟؟؟؟
اذا تبون تريحون بالكم ،، خلو اي مكتب سفريات يسوي لكم حجز وهمي

هلا هلا بالغلا قصايد
الله يبارك بعمرك حبيبتي ويارب ماتجي السنه الجايه
الا انتي ببيت زوجك وبحضنك جاهل ههه
ياقلبي انا من هواة البرد..انا اموت بالبرد ومتعمده
وخبري بلندن الفصول الاربعه بيوم..وبردهم مايشل العظم مثل بردنا
ياي ونااسه برد....
ويلا يلا ان شالله تبشرينا بخبر خطوبتك قريب
حموودي مشكور وماقصرت وبزور الرابط
هلا ياقلبي قطر 2007
الله يبارك بعمرك حبيبتي....
ولندن فديتها اكيد تستاهل احلى هني مون
بالنسبه للسكن..ام تنصحيني بماربل ارتش ...بشوف موقعه
وبالنسبه لباريس...
مو هذي المشكله مشكلة الفيزا..طالبين حجز فندق..وحنا نبي حجز وهمي
بس مدري من وين ...لان المكاتب اللي رحناها قالو ماعندنا
تعرفون مكتب بالرياض او الشرقيه يطلع حجوز وهميه على باريس؟
تكفون
هلا والله راعي امريكا
مشكور ماقصرت بس اكيد هالموقع يرجع المبلغ بعد الحجز ؟
وسالفة الفيزا ...داريه ان فيزة بريطانيا ماتصلح بباريس ..وشدعوه ؟
انا فيزة بريطانيا مو مشكله عندي مطلعتها وجاهزه...بس فيزة باريس
هم طالبين حجز الفندق....
وحنا نبي موقع عالنت او مكتب سياحي يطلع حجز وهمي بس للفيزه لان تدري
فيزة باريس تطول غير بريطانيا....
وبس
ربي يعطيك العافيه
هلا اخوي كويتي لندني
اجل ماتنصح بالقروبات ..ام نفكر فيها بعدين
وعندك هالمكتب اللي يحجز لنا وهمي...لان دار راسنا وحنا ندور بهالصيام
على مكاتب تحجز وهمي ومافي....
اذا تعرفون مكاتب بالرياض او الشرقيه ....
وفي سؤؤؤؤال...
انا اللي بطلعها فيزا لفرنسا؟
لو بطلع فيزة الشنجل ...
بعد بيسألون عن السكن بكل بلد نروح له ؟

الجوري
القروبات العربية اللي من لندن ابد ما انصح فيها
احنا سنين قبل كنا نروح معاهم لان كنا نروح مع يدي و يدتي و اهم كانوا يبون قروبات ،،، و كانوا يبهدلون الواحد ،،، من تأخيرهم و تضييعهم للوقت ،، غير انهم ما يودون الاماكن الزينة ،،، و نصابين درجة اولى
احنا رحنا معاهم فرنسا و سويسرا و بلاكبول ،، طبعا كل سفرة سنة و مع شركات متعددة ،، و كلهم طقة وحدة
بعدها بدينا نروح بروحنا و تحسفنا كثر شعر راسنا على السفرات اللي ضيعناها مع القروبات
و انتوا و اللي يريحكم
بخصوص المكاتب اللي تسوي حجوزات وهمية ،، احنا بالكويت كل مكتب يسوي ما عندهم مشكلة !
و انتو اساسا تقدرون تعطون الجوازات حق مكتب و هو يخلص لكم كل الاجراءات و يضبط الامور من ناحية حجوزات الفندق و الطيران "الوهمية" و اييب لكم الفيز جاهزة بدال عوار الراس "هذا طبعا بالنسبة للشنغن"

هلا والله
طيب الحين لو بنطلع الشنجل وللحين ماقررنا مع باريس نروح بلجيكا والا سويسرا
كيف يعني؟؟؟
نحجز حجز وهمي ببلجيكا وسويسرا بالاضافه الى باريس والا الشنجل عادي مايبغون حجز ؟

هاي اختي مبروك مقدما والله يسعدج انشالله
شوفي عزيزتي بصراحه كمبرلند مب ذاك الزود والاصنصيل فيه تعيس حده
بعدين الوقت هذا تري يحطون عروضات رهيبه لندن يعني مال ابو اسبوع واسعارهم خياليه العام رحت لندن في فبراير وسكنت في سيلفردج بصراحه الاختيار كان
واذا انتي في الهني مون بصراحه روحي باريس بالطياره وايد ارحم كلها ساعه ولا تضيعين يومج بالقطارات والباصات خصوصا ان بورت سميت تبعد عن لندن تقريباا ساعتين واخذي ساعتين ليما توصلين باريس
اذا بتروحين جنيف ياي برد موت مادري اذا توافقوني الراي احس جنيف ابرد مناطق اورباا الغير جبليه
واحلا ما جنيف الكرنفال بصراحه
تقبلي مروري