خطاب2
27-11-2022 - 09:58 am
السلام عليكم
اخواني الكرام انا جاي من الاحساء وابي استاجر سيارة من المكاتب اللي يعطون تفاويض لدول الخليج وسئلت عنها وقالوا تحصلها ب : شارع الملك عبدالله بالخبر+تقاطع طريق الرياض مع خادم الحرمين
عاد ابي الله لا يهينكم توصفونها لي لاني ما ادل زين بالدمام والخبر الا شي واحد وهو الواجهة البحرية بالخبر اللي اجي لها سيدا من الاحساء والف مع مخرج الخبر وامشي سيدا مع الطريق اللي فيه تصليحات وعليه مجمع الراشد لين يجيني t والف يسار والقاها ..
غير هالمكان ما ادل شي .. فياليت الله لا يهينكم توصفون لي شارع الملك عبدالله بالخبر+تقاطع طريق الرياض مع خادم الحرمين .. وجزاكم الله خير
وكذلك لو وصلت الساعة 12 ونصف للمكاتب هل يمديهم يروحون للمرور ويسوون لي تفويض ولا لا .. وجزاكم الله هير
حيّاك الله أخوي / خطاب 2
بخصوص طريق الملك عبدالله بالخبر ، هذا نفسه اللي تقول عنه فيه تحويلات وأعمال الإنشاء اللي صايره عليه الحين
ومكاتب تأجير السيارات بتلاقيها على نفس امتداد الشارع يعني بعد ما تعدي فندق كورال وفندق كروان بلازا بتلاقيهم
على يمينك مكاتب كثيره لتأجير السيارات ، وبالنسبة للتفويض مكتب التأجير راح يعطيك أوراق التفويض وانت تقدر
تخلصها في مكتب مرور جسر الملك فهد ، لما توصل الجسر قبل ما تدخل على جهة الجمارك تاخذ مخرج يمين اللي
يوديك على البرج طبعاً هناك لوحات ارشادية من خلالها توصلك لمكتب المرور ، تدخل هناك ويختمون لك الأوراق
وما تاخذ معك الشغلة أكثر من 10 دقايق وعلى حسب الزحمة ، وللمعلومة أيضاً مو شرط بس مكاتب تأجير السيارات اللي
بالخبر تعطيك التفويض حتى في الدمام أيضاً مكاتب تعطيك التفويض ، وأي خدمات أخرى لاتتردد في السؤال ونحن في خدمتك .
رحلة سعيدة وموفقة بإذن الله