مرحبا
لي اكثر من 3 اسابيع وانا احوس وماسويت شي للحين من ناحية الفنادق -- فقط فندق واحد
حجزنه لمده معينه . ياليت تساعدوني جداا شاغلني موضوع السفر وقلب نفسيتي
لدرجه اني وانا في الدوام اوسوس في الحجوزات وانه ماراح يمديني
اسوي شي
1) هل تكلفة 50000 ريال كافيه لثلاث اشخاص لفترة 23 يوم ؟
في بالي جدول كالتالي ولكن أخاف اعتمده وبعدين اتوهق في التكاليف !
1) 10 ايام في برشلونه
السكن = 10000 ريال
الصرفيه لثلاث اشخاص =10000 ريال
المجموع = 20000 ريال ---- هل هي معقوله وممكن تمشينا ؟
2)10 ايام باريس
السكن = 10000 ريال
الصرفيه لثلاث اشخاص = 10000 ريال
المجموع = 20000 ريال ... هل هي معقوله بالنسبه للغلا هناك ؟
3) جنيف 3 ايام
السكن= 3500 ريال
الصرفيه لثلاث اشخاص = 3000 ريال
القطار لثلاث اشخاص = 1000 ريال ذهاب وعوده تكفي واذا لا كم يبغالنا ؟؟ بالنسبه لسعر القطار من باريس لجنيف ماعندي خلفيه عنه ياليت تزودوني بالسعر ..
4) المجموع الكلي = 47500 ريال
- تذاكر السفر من الرياض لباريس ذهابا وعوده
و من باريس لبرشلونه ذهابا وعودة خارج الحسبه .
ارجو افادتي بليز اذا التكاليف هذي اقدر انجز فيها رحلتي او لا ؟؟ ضروري الله يعافيكم .
1- أكتب جميع أسماء الفنادق إلى تعرفها أو سمعت عنها
2- أكتب أمام كل فندق سعره
3- أكتب أمام كل فندق ميزتين وعيبين فيه
4- أبدأ بشطب الفنادق إلى ما تناسبك واحد تلو الاخر
5- راح يصفى معاك فندقين أو ثلاث فقط
6- شوف شنو قالوا الاعضاء عنهم في هاالمنتدى أو في مواقع أخرى
7- أختار
العمليه يجب أن لا تتجاوز في أبعد الحدود يومين
ملاحظة:
باريس أعتقد وايد عليها 10 أيام ............. بحد أقصى 7 أيام
وخل حق جنيف 6 أيام وزعها كالتالي (لوزان - أنسي - شامونيه - مونترو - إفيان - إنترلاكن)
سؤال أخوي ............. 10 أيام برشلونه ؟؟؟؟؟؟؟؟؟؟؟؟؟!!!!!!