- هو يوم مغادرتنا الى بازل
السلام عليكم و رحمة الله و بركاته
تحية عطرة لأعضاء منتدانا الرائع, الله يتقبل صيامكم و قيامكم و يبارك لكم فيما تبقى من شهرنا الفضيل
ان شاء الله زيارتي لباريس لمدة ثلاث أيام قريت و تصفحت لين مليت
حابين نزور أبرز المعالم الاساسيه في باريس بالاستغناء عن الاشياء العادية او المكرره في كل دوله
- *بحط لكم جدولنا و ابي رأيكم الله يجزاكم خير
اليوم الاول دزني لاند:قررنا ناخذ تذاكر للبارك فقط ايش رأيكم؟ و هل البارك فيها عروض الشخصيات الكرتونيه او بس العروض تىكون في الاستديو؟
اليوم الثاني
ايفل, قاليري لافيت و الاوبرا و مصنع العطور جنب بعض, ساعه الكنكورد,قوس النصر و الشانز, اللوفر, نهر السين
سؤالي هنا, هل يكفي يوم واحد لزيارة كل هالأماكن ؟ و ايش الافضل التنقل بين هالاماكن بالمترو و لا الباص الاحمر؟
اليوم الثالث
هو يوم مغادرتنا الى بازل
هل الجدول شامل لابرز المعالم الي لازم أي سائح يزور باريس يزورها او ناقص شيء؟
- *بخصوص التسوق في باريس بما ان مدة اقامتنا قصيره حصرته على لقاليري لافيت ايش رأيكم؟
- *و العطور سمعنا ان عطور باريس غير, وش افضل مكان لشراء العطور سيفورا او مصنع العطور في الاوبرا؟
- *و هل فيه عطور معينه تنصحوني فيها ؟
و يهمنا كثير المطاعم و الكافيها ت
اليوم الاول :الاكل في ديزني
اليوم الثاني :اليوم الثالث:الله يجزاكم الجنة ابي المطاعم و الكافيهات الي تشتهر فيها باريس و الي يقولون عنمها(اذا ما زرتها ما زرت باريس)
ثاني شي بخصوص الاماكن اذا بتاخذين الباص السياحي تقدرين تطلعين عالاماكن كلها بس اذا بتنزلين كل مكان مايكفي يوم واحد
انا اشوف قاليري لافييت غالي للتسوق لانه كله ماركاات .. اذا ببالج شي تشترينه روحي هناك اما غير جذي ففي شوارع تتمشين فيها فيها محلات وعندج قريب من ديزني اوتلت ومجمع يمه يصلح للتسوق اكثر من لافييت
انا هذا رايي
والعطور عندج المصنع او لافييت فيه عطور وتكون للحين مو نازله عندنا او انها حصريه بس بباريس ..
انا قبل سنتين شريت عطر عجييب وعطوني تستر حق عطر على ريحه سينامون بس صج عجيب كل من يسألني عنه مستحيل احطه ومحد يقولي شنو عطرج
بالنسبه للمطاعم والكفيهات موجوده بكل ركن وكل شارع واذا ساكنين بالشانز فالشارع كله كفيهات