نشر في فيينا

ثلاث عوائل الى النمسا والمانيا

ولد جـــده

19-01-2022 - 09:37 am

السلام عليكم
اخواني احنا ثلاث عوائل صغيرة
يعني كل عائلة زوجين وطفل اقل من 3 سنوات
ناوي سفرة ان شاء الله في شهر شعبان الى
1- فينا
2- زيملاسي
3- موينخ
الاسئلة :
1- ارخص الخطوط وبكم اسعرها تقريبا
المصرية
التركية
الاردنية
وهل في غيرها (الاقلاع من جدة ان شاء الله )
2- بالنسبة للسكن هل ممكن نحصل فندق رخيص ( مايهم الفئة ) بس اهم شي النظافة والمكان والامان يعني بحدود 300 ريال في المدن السالف ذكرها
ياريت اسمع من الجميع اي معلومة تفيدني

التعليقات (6)

دمـوع الوجـد

19-01-2022 - 12:40 pm

هل الثلاثه عوايل تبغون سكن واحد
ولا كل عائله سكن لوحده؟؟
لان ممكن في زيلامسي ناخذ فيلا او شقه لكم كلكم مع بعض اذا حبيتوا
هل قصدك 300 ريال سكن لك عائله ؟؟
كم مده السفره ؟؟
وهل تبغون تستاجرون سياره ؟؟
المخطط المناسب
فيينا - سالزبورغ - زيلامسي او كابرون - ميونخ
بس جاوبني على الاسئله الموجوده
وابشر باذن الله

ولد جـــده

19-01-2022 - 01:41 pm

بنت حواء1429
ولا كل عائله سكن لوحده؟؟
اذا كان في شقق تتوفر فيها ثلاث غرف اقل شي
وشرط يكون في كل غرفة حمام خاص بها .
هذا الشي اكيد افضل وارخص
علشان تاخذ كل عائله خصوصيتها
لان ممكن في زيلامسي ناخذ فيلا او شقه لكم كلكم مع بعض اذا حبيتوا
هل قصدك 300 ريال سكن لك عائله ؟؟
نعم
كم مده السفره ؟؟
مده السفرة في حدود 12 يوم
وهل تبغون تستاجرون سياره ؟؟
لا
المخطط المناسب
فيينا - سالزبورغ - زيلامسي او كابرون - ميونخ
المخطط المقترح
فيينا - زيلامسي وهذا الاهم - ميونخ
بس جاوبني على الاسئله الموجوده
وابشر باذن الله
الف شكر لك على سرعة تجاوبك ومساعدتك
بس ياريت تعطني فكره عن اسعار التذاكر واهم شي عندي الاسعار

دمـوع الوجـد

19-01-2022 - 02:42 pm

سكن لعائله 300 ريال صعبه او راح يكون مستواه مش ولابد وخصوصا انه ما معاكم سياره لان اغلب السكن عند السنتر يجي مرتفع
اذا ودكم بشي سعره منخفض تسكنون بعيد عن السنتر
رايي اذا تلغون فيينا وتخلون ميونخ - سالزبورغ - زيلامسي
افضل لان فيننا كطبيعه مافيهاشي الا نهر الدانوب الا اذا نفسكم فيها روحوا لها
وترى التذاكر تطلع اغلى اذا محطه الوصول والاقلاع مختلفه
ما اعرف عن التذاكر بس انا ما جربت التركيه من المدينه العام الماضي وكانت سيئه
ورايي الغالي سعره فيه
ممكن تشوف موافع الخطوط وتحط التواريخ وتشوف الاسعار وتقارن بين الانسب لكم

ولد جـــده

19-01-2022 - 03:43 pm

ماهي مشكلة السكن
ممكن تزيد الى 400 او 500 ريال بالكثير
اهم شي قربه ونظافة والامان
يعني لو ثلاث نجوم ماهي مشكلة

دمـوع الوجـد

19-01-2022 - 04:44 pm

ليله ميونخ - 7 ليالي زيلامسي - 3ليالي ميونخ
خليت 7 ليالي في زيلامسي لانها تستاهل وبالاضافه الى انه راح طلع ارخص عليكم السكن
في ميونخ اول ماتوصلون بما انه معاكم اطفال واذا وصولكم متاخر راح تاخذون ليله هناك افضل عشان ترتاحون
حدد التواريخ وانا راح ابحث لك عن سكن بهالحدود ويفضل في ميونخ كل عائله لوحدها لكن بنفس الفندق
واما في زيلامسي راح اعطيك مجموعه شقق تكفي عددكم وانت تشوف اللي تعجبك ويكون في كل غرفه دوره مياه تاخذونها
بس حدد التواريخ عشان ابحث لك بالتواريخ وعشان نتاكد من توفرها بوقتكم

ااالريم

19-01-2022 - 05:45 pm

ملاحظه::
تعرف اللي بتصرفونه في القطارات اوالباصات اغلى من قيمه السكن
نصيحه احجزوا سياره فان تتسع ل9 أشخاص لانك راح توفر كثير
السياره ماتزيد لاسبوع عن 3.5الى4الاف بينما لو اخذتم قطارات وباصات راح تتشتون ويتغيرالقطار والله اعلم وبتدفع على التذاكر اكثر مماتدفعه ع السياره الخاصه
واذا حجزتم السياره يمكنكم السكن في كابرون
وزي ماقالت الاخت بنت حواء
اذا تبي تقتصد الغي فينا وخلك ميونخ-كابرون اوزيلامسي-ميونخ

فيينا المسافرون العرب

ثلاث عوائل الى النمسا والمانيا