التاكسي بالعداد ، يفتح العداد على 40 يورو ، و حسب الفندق وين بالشانز ...
اهم الاماكن حسب الاهتمامات ، يعني فيه اطفال بنخلي يوم ديزني
اذا بس حريم بنركز على الاسواق مثلا
اذا جايين لباريس بل كذا نشوف الاماكن الي رحتولها من قبل و ما نكررها ...
اكتبوا التفاصيل و ابشرو بخطة تناسبكم ...
ممكن تشوفون هذا الرابط و تاخذون منه الي يناسبكم
https://artravelers.com/p/re/170642
وهذا
https://artravelers.com/p/re/291849

و عليكم السلام و رحمة الله و بركاته
من المطار للشانز من 40 إلى 50 يورو
أهم الأماكن
تور في الباص المكشوف
الشانز
قوس النصر
برج ايفيل
نهر السين
متحف اللوفر
شاتو دي فرساي
ديزني
الاوبرا
اللاديفانس
هضبة مونمارت

طبعا نحيل الاستفسار الى لجنة الافتاء في بلدية باريس والتي تتكون من الأعضاء
أم سيف , بعدين أسافر , أبومالك ,qatar2007
عندهم الخبر اليقين ومن غير قصور بالباقين
ومتأكد من افادتهم لك

يعطيكم العافية جميعا
تفاصيل اكثر عن رحلتنا
عدد المسافرين 3 شباب و ليس معنا حريم او اطفال
اليوم الأول راح نوصل المطار عند الساعة الرابعة و النصف عصرا
سنتواجد يومين بعد يوم الوصول و من ثم الرجوع في اليوم الرابع الساعة الواحدة ظهرا .
معلومات السكن :
اسم الفندق Hôtel Niel
http://www.paris-hotel-niel.com/index.html
يوجد عنده عرض لثلاثة ليالي بسعر 115 يورو لليلة في الغرفة الثلاثية ويبعد مسافة 10 دقائق مشيا او اقل من قوس النصر
ارجوا منكم اخواني واخواتي وضع برنامج مناسب للثلاثة ايام مع مراعة ذكر اسماء الأماكن السياحية باللغة الانجليزية او الفرنسية حتى اذا وصلنا هناك نقدر نسأل عنها

• استفسارات:

1- بالنسبة للقطار المكشوف كيف طريقته ؟لانه قرأت انه اقل برنامج يومين ؟ يعني اليوم الأول جولة على المعالم بدون النزول لها ؟ واليوم الثاني استطيع النزول للأماكن عن طريقة ؟؟
2- وايضا انا شفت صور لبعض الأعضاء راكبين قارب يتجول فيهم..هذا كيف طريقته بعد ؟
3- هل توجد مطاعم الاكلات السريعه مثل بيتزا هت و ماكدونالز؟ لانه اسمعت انه المطاعم هنا جدا غالية!!
بانتظاركم ...يعطيكم العافية

1. استفسارات:

Saihati
QUOTE=Saihati;3047058]يعطيكم العافية جميعا
تفاصيل اكثر عن رحلتنا
عدد المسافرين 3 شباب و ليس معنا حريم او اطفال
اليوم الأول راح نوصل المطار عند الساعة الرابعة و النصف عصرا
سنتواجد يومين بعد يوم الوصول و من ثم الرجوع في اليوم الرابع الساعة الواحدة ظهرا .
معلومات السكن :
اسم الفندق Hôtel Niel
http://www.paris-hotel-niel.com/index.html
يوجد عنده عرض لثلاثة ليالي بسعر 115 يورو لليلة في الغرفة الثلاثية ويبعد مسافة 10 دقائق مشيا او اقل من قوس النصر
ارجوا منكم اخواني واخواتي وضع برنامج مناسب للثلاثة ايام مع مراعة ذكر اسماء الأماكن السياحية باللغة الانجليزية او الفرنسية حتى اذا وصلنا هناك نقدر نسأل عنها

استفسارات:

1- بالنسبة للقطار المكشوف كيف طريقته ؟لانه قرأت انه اقل برنامج يومين ؟ يعني اليوم الأول جولة على المعالم بدون النزول لها ؟ واليوم الثاني استطيع النزول للأماكن عن طريقة ؟؟
اخوي الباص المكشوف ممكن تنزل في اي مكان يعجبك و تطلع على الباص الي بعده و الي بيمر في نفس محطة النزول ، و تكمل المشوار ، تشتري التذكرة من السواق و تاخذ معها خريطة لمحطات التوقف و سماعات فيها شرح للمكان الي تمرون فيه ، و التذكرة تاخذها يوم او يومين او 3 ايام على كيفك ، و تركب الباص بالتذكرة اكثر من مرة ، بس لازم تنتبه لتاريخ انتهاء التذكرة اذا اخذتها لاكثر من يوم ، لان النصابين واجد هناك ...
2- وايضا انا شفت صور لبعض الأعضاء راكبين قارب يتجول فيهم..هذا كيف طريقته بعد ؟
هذا قارب تاخذه من قدام النهر ، ياخذك لفة في نهر السين و يمر فيك على اهم معالم بااريس ، ممكن تاخذه مع عشاء او غداء و ممكن بدون وجبة .. تاخذه من قدام برج ايفل اذا تبي بعد ما تزور البرج ..
3- هل توجد مطاعم الاكلات السريعه مثل بيتزا هت و ماكدونالز؟ لانه اسمعت انه المطاعم هنا جدا غالية!!
فيه مطاعم غالية و فيه عادية ، و عندهم ماكدونالدز ..
بانتظاركم ...يعطيكم العافية
الله يعافيك ، و انصحك تدخل التقارير هذه جدا رائعة انا استفدت منها كثير و انا ما بعد رحت باريس ..
هذا تقرير عن الباص الاحمر : https://artravelers.com/p/re/276116
وهذا عن معالم باريس و اسعار الدخول : https://artravelers.com/p/re/286080
و هذا عن الاسواق في باريس و محطات الميترو : https://artravelers.com/p/re/167089

Saihati
اليوم الاول : ممكن تروحون لبرج ايفل و تطلعون البرج ، و بعده تاخذون لفة في نهر السين و ترجعون مكان الانطلاق عند البرج ومن هناك مشي للشانز .. و تكملون السهرة في الشانز ..
اليوم الثاني : تروحون لمتحف اللوفر Musee De Louvre، و منه لمتحف الشمع Musee De Grevin ، و تطلعون على منطقة الاوبرا ، و تدخلون جالاري لا فاييت ، و البرنتان ... و تكملون مشي في شارع هوسمان ..
و تنزلون للشانز تكملون السهر ...
الثالث : الى ديزني اذا تبون العاب و وناسة ، من محطة شارل دي جول اتوال الي في الشانز تاخذون ال Rer و على محطة ديزني ، و ترجعون للشانز ، ممكن تكملون للاوت لت اذا تبون اسواق ، او ترجعون الشانز
خطة ثانية :
الاول : قصر فيرساي مع شركة سياحية ، او بالميترو
ترجعون على منطقة اللاديفانس من القصر و من اللاديفانس الى الشانز ..
الثاني : اللوفر و الكونكورد و الفاندوم ،، و بعدين بالميترو الى هضبة مونتمارتر و حي الرسامين ..
الثالث : برج ايفل و قارب في نهر السين و الحديقة الي قدام البرج ، و منه الى الشانز ..
خطة ثالثة :
الاول : في الصباح : كنيسة نوتردام ، متحف اورسي ، الحي اللاتيني ، في المساء : برج ايفل + النهر + العودة الى الشانز
الثاني :في الصباح : قصر فيرساي + غابة بولونيا ، المساء : اللاديفانس + العودة الشانز
الثالث : رحلة مع شركة سياحية الي سانت ميشيل ، أو قضاء يوم كامل في جنيف والعودة في نفس اليوم

sereemjio
مشكور اخوي sereemjio
بصراحة عجبني البرنامج الاول مرة

• بس هل متحف الشمع كبير مثل لوفر ..يعني هل يمدينا نروح متحفين في نهار واحد !!؟
• وبالنسبة لديزني لاند ... هل تستحق الزيارة بالفعل خصوصا ان احنا شباب؟؟
• وايش البرنتان؟؟ وشنو اسمه بالانجليزي ؟
• وماذا يحتوي شارع هوسمان وايش اسمه بالانجليزي؟

اتمنى الافادة من الجميع
الف تحية

Saihati
مشكور اخوي sereemjio
بصراحة عجبني البرنامج الاول مرة

• بس هل متحف الشمع كبير مثل لوفر ..يعني هل يمدينا نروح متحفين في نهار واحد !!؟

لا المتحف اصغر بكثير من اللوفر ، اللوفر ياخذ منكم 5 ساعات لكل الاقسام ..- وبالنسبة لديزني لاند ... هل تستحق الزيارة بالفعل خصوصا ان احنا شباب؟؟
ديزني تجربة حلوة خاصة اذا تحبون الالعاب ، و الستوديو الي في ديزني يناسب الكبار اكثر من الاطفال لان فيه تشوف كيف تصوير الخدع السينمائية ... الخ

• وايش البرنتان؟؟ وشنو اسمه بالانجليزي ؟

مجمع تجاري اسعاره ارخص منجالاري لا فاييت ، و اسمه Les Prentamps- وماذا يحتوي شارع هوسمان وايش اسمه بالانجليزي؟
فيه محلات تجارية كثيرة ماركات و غيرها و هو قريب من الشانز ( موازي للشانز ) اسمه بالفرنسي
boulevard haussmann
و اذا تحتاج اي شي ثاني احنا في الخدمة ...