1. ابشركم وصلت الصباح اليوم للدمام وانا بأتم الصحة والعافية


2. تقرير مختصر:


3. Phone: (62 21) 625 5555


4. الكورنيش جميل والمطعم الي فيه جيد.


5. وبعد الجبل ...............


6. وادخل السوق الحرة واتقضى منها هدايا للأهل بحوالي 500 دولار


7. وهذا انا بينكم ....

ابشركم وصلت الصباح اليوم للدمام وانا بأتم الصحة والعافية

تقرير مختصر:

كان الاقلاع من الدمام على طيران الخليج مروراً بمسقط ومطارها ومن ثم على جاكرتا ... عند الوصول للمطار اكتشف احد المسافرين معنا على نفس الرحلة ان جوازة باقي فيه 5 شهور وليست 6 شهور وقاموا بتعطيلة في مطار جاكرتا وطالبوة بالرجوع فقمت ومن خلال ما قرأت في هذا المنتدى بمساعدتة وذلك بأن تقدمت لموظف الجوازات ب100 دولار فرفض وطلب 200 دولار فقمت بسحب ال100 دولار فكاد ان يبكي وهو يناضر فيني وانا اسحبها من فوق مكتبة واخيراً وافق على ان يدخل الرجل لأندونيسيا مقابل 100 دولار.
خلال هذا النقاش اكتشفت ان الديجيتال كاميرا التي كانت في يدي اختفت في ضروف غامضة ... كلمت امن المطار قالوا دور ربعك وانسى ... قلنا العوض على الله واروح اشتري ذاكرة 512 لجوالي علشان اخذ فيه صور
من ثم اتجهت لمكتب كاها وحجزت ليلتين في فندق قولدن الدور ال15 الغرف المجددة (لاكسري) ب 44 دولار لليلة مع الافطار وكينج سايز بد.
والفندق جداً ممتاز ونضيف وخدماته راقيه وفخمة هو 4 نجوم بس لو هو عندنا في السعودية كتبوا عليه 7 نجوم الامن وسيكيروتي في كل دور بس انتبه تجي الدور السادس والسابع .
وترىال5000 وال10000 مو شي لما تعطيها السكيروتي الي يفتح لك باب السيارة و باب الفندق والسكيورتي الي عندك في الدور الي انت فيه والرسيبشن والي ينظف الغرفة (علشان يزود الموية والشاهي والكوفي والصابون والشامبوا والكلينكس وغيرة ) وبكذا تحسن العلاقات وتزين الخدمة وتصير ملكية واذا بغيت شي كل من في الفندق يقولون لك شبيك لبيك (مو تبذير بس علشان ترتاح نفسياً وتكسب ودهم وخدماتهم ).
Golden Boutique Hotel
Jl. Angkasa No. 1, Jakarta 10720 - indonesia

Phone: (62 21) 625 5555

واخذت سيارة خاصة من المطار للفندق ولعب علي ب150000 والمفروض انها بالعداد ما تتعدى 80000 بس يالله توني واصل وما فيني حيل اجادل.
اليوم الثاني اخذت بطاقة جوال اندونيسية لان المكالمات من الفندق يحسبونها عليك دبل دبل دبل الدبل وعليها ضريبة بعد. (بالعربي اذا انت من النوع الي يبغى يوفر (بخيل) انتبه تصرف في الفندق لان صرفهم رايح فيها وانتبة تغسل ملابسك في الفندق لانه جداً غالي الغسيل وانتبة تشتري اغراض من الفندق وانتبه تستعمل تلفون الغرفة لأجراء اي مكالمات لا داخلية ولا دولية لان المكالمة الي ب1000 عندهم ب15000) انا شخصياً كنت اغسل ملابسي في الفندق لانه على الاقل نظيف.

الكورنيش جميل والمطعم الي فيه جيد.

اغلب وجباتي كانت في مطعم اسمة سبايسي او شي مثل كذا كما اذكر اول ما تدخل فندق الاتيريوم تروح يمين الى اخر شي والمطعم واضح من برا الفندق تشوفة من القزاز فخم انيق عراقة في الطبخ ونكهات خيالية وطبخ عالمي وخدمة راقية واسعار ممتازة بالنسبة لخدمتهم وطبخهم (تقريباً وعلى حسب ذوقك وحيلك في الاكل من 90000 الى 170000 للوجبة للشخص هذا على الاوردر اما البوفيه بصراحة ما ادري لاني ما جربتة) واحيان كانت بعض وجباتي في مطاعم مجمع الاتيريوم كل وجبة اجرب فيها مطعم اسعارهم ببلاش واكلهم لذيذ وعالمي وما ينخاف منه (من 30000 الى ماشاء الله وانت وبطنك) واحياناً اخذ وجبات في مطعم فندق القولدن وبرضوا نظيف وممتاز.
التكاسي داخل جاكرتا تتراوح من 10000 الى 50000 للمشوار حسب المكان الي تروح له.
الناس طيبين في مجملهم ولكن خذ الحذر من السرق ودائماً اقفل زجاج التاكسي وابوابة بأحكام وتأكد من وجود صورة من جوازك مختومة بختم الفندق في جيبك اخر الليل لتفادي دفع الرشاوي للشرطة (قيمة الرشوة تكفي 30000 مع ابتسامة خفيفة او مزحة بسيطة مع قليل من المرح لحل المشكلة).
سعر الصرف لل100 دولار يتراوح من 900000 الى 907000
(اكرر لا تصرف من الفندق لان سعرهم مرة نازل من 820000 الى 850000)
اليوم الثالث اتجهت للجبل واستأجرت تاكسي بالعداد وطلع حسابة 250000 روبية
واستأجرت فلة بعيدة عن الشارع 4 غرف ماستر ومطبخ وحديقة ومسبح وشغالة وحارس خاص كل هذا ب 500000 روبية لليلة لمدة 4 ليالي واعطاني ليلة مجانية
الاسعار في الجبل ممتازة شريطة انك ما تقرب البقالة السعودية وذلك لاني والله ما خذيت من عندهم غير كيس رز صغير وصابون وموية ومعلبات وزيت وبيض وطماط وليمون وبطاطس وبصل ب850000 روبية (انواع السرق) بس بعدها صرت اتسوق من البقالات الثانية وتفاجئت ان اسعارها ماتجي 10% من سعر البقالة السعودية للنصب والاستغلال والافضل والارخص انك تخلي الحارس اذا حسيت فيه الامانه يروح يجيب لك اغراضك ويجيب فاتورة وعطة حق المشوار وانت ارتاح.

• * للمهتمين: التيس في الجبل من 220000 الى 280000 روبية شريطة انك تدور مو تروح لاول واحد وتاخذ منه.

السفاري جداً ممتازة واعتبرها احلا مكان جيتة رسم الدخول دفعت فيه 195000 روبية وما كان في السيارة الا انا والسواق وبنتة والشغالة (مساكين طاروا من الفرحة وانا قلت اكسب فيهم اجر وامشيهم:x1: ) والحقيقة اني افضل اتمشى مع عائلة اندونيسية حتى اكون بعيد عن الاعين والسرق والمشاكل.
ومن ثم توجهت الى حديقة الزهور والدخول للفرد 15000 روبية بس مكان يستاهل انك تروحة.
ورحت هناك لبحيرة نسيت اسمها وراها جبل ابيض منحوت على شكل وجيه وبناء شبية بالعمارة الايطالية (سوف ارفق لكم الصور لاحقاً)
الطيران الشراعي لا يفوت عليكم اطلع ولا تخاف وانت تستانس (تجربة جميلة).
لا احد يشتري شي من الي يجون الفلة يبيعون ادوية وكلام فاضي ...
الغريب ان الدبابات هناك تجي وعليها شخصين ... تدخل اي فلة فيها خليجين تطلع وعليها شخص واحد فقط والشخص الثاني مفقود. ما عرفت احل هالغز

وبعد الجبل ...............

عدت لجاكرتا (حساب السيارة 300000 بالمحشي ) وتوجهت لمكتب كاها الي في مطعم اميرة واخذت نفس غرفتي الي في القولدن الدور ال15 الغرف المجددة (لاكسري) ب40 دولار فقط لليلة ومعاها الفطور لشخصين ؟؟؟؟ ( لا احد يدقق) ... يعني ترى الاسعار تختلف حتى بين مكاتب كاها نفسهم لاني المرة الاولى اخذتها ب44 دولار وفطور لشخص واحد فقط.
عاد ورحت ونمت واصحى من النوم وانا كنت مخلي جوالي صامت واحصل فيه 122 مكالمة من الوالدة ونغزني قلبي واتصل عليها الا هي تحلف علي ارجع وانا اسألها ليه تقول جاكم زلازل وتوسنامي وبراكين وانا احلف لها ما ادري وش السالفة ولا سمعت بشي وانا صادق ... .
كان من المفروض اني ارجع بعد 6 ايام وليس اليوم ولكن الوالدة الله يطول في عمرها كل شوي تتصل فيني تطلبني ارجع ... خايفة على من الزلازل والبراكين والتوسنامي
ورحت بقدم الحجز قالوا مش بوزك ولا لك مشترى وارجع اكلم واحد من اخوياي في السعودية وما قصر قال ابشر بس انا قلت له اصبر شوي انا بدور من هينا وثم برد لك خبر تفزع لي قال .... تم....
وانا اقلب في اوراقي واتذكر كرت مكتوب عليه اسم وحدة (نورعين) وقالت لي اذا تبغى حجوزات يوم اني رحت للكاها الي في مطعم اميرة.
اتجهت فوراً الى مطعم اميرة وكانت الساعة ال4 عصراً ... حيث وجدت السيدة (نورعيني) المتخصصة في تقديم الحجوزات والغاء حجوزات الشغالات واحلال السعوديين مكانهن
وطلبت مبلغ 100 دولار للعملية وبعد جهد جهيد ومحاولات عديدة تخللها العديد من النكات والضحك وافقت على 200000 روبية وتم تقديم الحجز لرحلة اقلاعها في نفس اليوم الساعة 12 ليلاً عن طريق البحرين والحمدلله.
اعطيتها التذكرة في مطعم اميرة واخذت عنوان سكني والساعة 7 مساءً دقت نور عين على باب غرفتي في القولدن ومعها التذكرة والحجز الجديد ونضير اخلاقها ووفائها وخدمتها اعطيتها 100000 زيادة ليصبح المجموع 300000 (لا احد يقول اني ابغى افتك من الصرف الي عندي بس )
وعلى طول اخذ تكسي للمطار على العداد تقريباً 80000 واخذ البوردينق (ضريبة المطار 100000 روبية)

وادخل السوق الحرة واتقضى منها هدايا للأهل بحوالي 500 دولار

وهذا انا بينكم ....

ان شاء الله رايح احاول انزل الصور من جوالي (طبعاً مو كل الصور لان بعض الصور قد تتسبب في نومي على الرصيف امام منزلي ) ولكن بعد عودتي من جدة لاني رايح جدة لمدة اسبوع لزيارة عاجلة وطارئة وراجع لكم يا حلوين.
المهم اني وبعد اول زيارة لي لاندونيسيا اتخذت قرار ان تكون هي وجهتي للأجازة السنوية القادمة مع العائلة ان شاء الله بالطريقة التالية (3 ايام جاكرتا + 15 يوم جبل + 5 ايام جاكرتا)
ما احزنني هو منظر اغلب السعوديين هنالك وهم يركضون وراء شيئين رئيسيين كلكم تعرفونها وليس لهم اهتمامات اخرى (ترى التنويع زين خل شوي للطبيعة والتماشي وشوي للرومنسية والانكماشي اما على طول كذا وربي قهر)
اشكركم جميعاً بدون استثناء على المعلومات الي اتحفتموني بها قبل سفري والي من جد كانت هي الي توجهني في كل تحركاتي وما زلت اطمع منكم في المزيد استعداداً للسفر الصيف المقبل .
ونعم المنتدى ونعم الرواد.
اخوكم / مواطن2006