ماشاء الله
الحمدالله على سلامتك
اشلون ان شاء الله عجبتك النمسا
كيف القياده ؟ صعبه
هل واجهتك بعض المشاكل ؟

الحمد لله على سلامتك
استفساري / من وين استأجرت السيارة وكيف التعامل معاهم ؟
لأنه بصراحة الكل مختلف هنا ، أحد يمدح سكست والاخر يذم وأحد يمدح يورو كار والآخر يذم
والبعض يقول افضل الاستئجار عن طريق مكاتبهم بالرياض والآخر يقول من النت أحسن ،،،،
بالأخير ضعنا ،،،،
أنت وش تجربتك ؟؟؟
وتقبل تحياتي
أبو فهد

Unique Man
هلا بالغالي .... اشكر جهودك معاي يالطيب .
والله يسلمك من كل شر بخصوص النمسا بصراحة هي ماعجبتني هي ابهرتني .
تبي جو حلو موجود تبي نظام موجود تبي امان موجود تبي سهولة وراحة بال موجود بصراحة النمسا بلد يجبرك تزوره مرة ثانية .
بخصوص المشاكل صارلتي مشكلة بخصوص حجز السيارة .
مكتب يورب كار قريب من فندقي ( ماريوت ) واسمي موجود والسيارة موجودة والحجز اوكي .
بس طلبوا مني كريتيت كارت للتامين .... وانا ماعندي كريتيت كارت
قلت لهم عندي فيزا اعطيكم كاش قالوا لازم كريتيت كارت علشان التامين .
قلت ماعندي شنو الحل ...... قالت نكسل حجزك وشوفلك اقرب قطار
قلت في نفسي الخيرة فيما اختاره الله لي .
عاد انا جاي وشاد حيلي وقارمن معاي والشحن والاحداثيات خالص شغلي .
بس هذي المشكلة الوحيدة اللي ماحسبت حسابها ومانقول غير الحمدالله على كل حال .
القطارات ممتعة والباصات ممتعة والتكاسي ممتعة

abofa9
استفساري / من وين استأجرت السيارة وكيف التعامل معاهم ؟
لأنه بصراحة الكل مختلف هنا ، أحد يمدح سكست والاخر يذم وأحد يمدح يورو كار والآخر يذم
والبعض يقول افضل الاستئجار عن طريق مكاتبهم بالرياض والآخر يقول من النت أحسن ،،،،
بالأخير ضعنا ،،،،
أنت وش تجربتك ؟؟؟
وتقبل تحياتي
أبو فهد
يامرحبا بو فهد . والله يسلمك من كل شر
بو فهد انا رجال ترى مو خبرة بسوالف تاجير السيارات .
بس انا حجزت عن طريق موقع وسيط والموقع هذا حجزلي سيارة في مكتب يورب كار
ومكتب يورب كار كان تعاملهم راقي وعطوني مرسيدس وانا اصلن مو حاجز مرسيدس حاجز تويوتا .
بس مافي تويوتا عطوني مرسيدس وديزل بعد .
وموقعهم قريب من فندق ماريوت بس حصلت لي مشكلة وتكنسل الحجز .
والمشكلة انهم يبون كريتيت كارت للتامين وانا ماطلعت ولاجت في بالي
وبالنسبة لشركات التاجير مافي شك تحجز من الانترنت افضل وارخص
والعيوب موجودة بكل الشركات .وانا اخوك الكمال لله.
بس اذا تبي تحجز احجز عن طريق النت افضل وسيلة .
اما شنو افضل شركة اسمحلي ماقدر افتي لاني مثل ماذكرت لك انا مو صاحب خبرة بتاجير السيارات .
والله يوفقكك

الحمد لله على سلامتك
وأن شاء الله انبسطت فيها واستانست
ممكن سؤال
بخصوص مكتب يورب كار ورفضهم للفيزة حقت وطلبوا كريتيت كارت
أليست الفيزة كريتيت كارت
وألا قصدتك الفيزة اللي معك بطاقة الصراف العادية اللي نسحب منها
اللي اسمها سبان

طائر الغربة
ياعزيزي طائر الغربة .
الله يسلمك
اول شي انت فعلا مميز وليس مجرد لقب .
بخصوص الفيزا ..... انا الفيزا اللي عندي هي اللي تحط فيها فلوس للحجز يعني تحط فيها فلوس على قد الحجز .
يعني ابسطها لك اكثر مثلا حجزت في فندق وطلع سعر الحجز مثلا الف ريال احط بالفيزا الف ريال فقط .
واقدر اسحب الفلوس باي وقت ابي .
اسمها بريبيت اذا ماني غلطان .
اما الكريتيت كارت هي اللي فيها ليمد معين الف دينار او 1500 دينار على حسب .
اتمنى اني وفقت في الشرح

كركت هذي لعبه هنديه مشهوره
اما المقصود هي كرديت كارد وهي الفيزا والماستر وامريكان اكسبرس
مشكله والله
اخاف مافهمتو حق بعض

اها الي عندك مسبقه الدفع

عدل عدل Unique Man اسمها مسبقة الدفع .