السلام عليكم ورحمة الله وبركاته
ان شاء الله الجميع بخير ،،
اخواني اخواتي خبراء تركيا وزوارها
ان شاء الله ناوين نصيّف بتركيا الصيف الجاي بإذن الله بتاريخ 472011
وسويت الجدول وتقريبا الميزانيه
ابي رايكم في خطتي و اقتراحاتكم
وعندي استفسارات اتمنى تجوبوني عنها
اول شي الخطه طبعا معنا سيارتين اكس بديشن + اكس بلورر
ماشين ان شاء الله من القصيم على السيارة لتركيا
انطاكية يومين - اوزنجول 5 ايام - اسطنبول 4 ايام - انطاليا 3 ايام - انطاكيه يوم = 15 يوم
الاسئلة:
1- الطريق من انطاكية الى اوزنجول راح يصير ان شاء الله ( كهرمان مرش – سيواس– زارا – جيرسون – ترابزون – اوزنجول )
- طوييل مره اكثر من 900 كيلو وين تقترحون ننام انا اشوف سيواس بس مدري تصلح ولا لا وش رايكم؟
2- من اوزنجول الى اسطنبول بعد تقريبا 1000 كيلو ف وين تقترحون مكان للمبيت والراحه؟
3- البنزين كم يكلف للسيارتين مع العلم ان الاكس بلورر بس بالطريق لكن وسط الديره مانحركه؟
4 - السكن في اوزنجول وش تقترحون علي ؟ ابي شي حلو وسعره حلو الليله ماتعدى 1000 ريال
الميزانيه المقترحة 35 الف
ل 15 يوم
وعدد الافراد 12 الكبار 7 و 5 اطفال
وعندي بعد سؤال كم سعر لتر الديزل ؟
لاني افكر ناخذ سيارة ديزل
انتظر اجاباتكم وتوجيهاتكم ^__^
