السلام عليكم ورحمة الله وبركاته
والله اني ترددت مليون مرة من اني أدخل المنتدى مرة ثانية
تدرون ليه؟
لاني حدي متشوقة أرجع ماليزيا مع العلم ان صارلي بس اسبوع من رجعتي منها
وانتو ماشاء الله تبارك الرحمن تشوقون اللي مايتشوق بمواضيعكم الزينة عنها.
الصراحة كلمة روعة شوية عليها تهبل صج ان جوها لكم عليه بس تهبل شعب ولا أطيب ( ماعدا بعض الصينيين الله يهديهم) وطبيعة ..جنة الله على الارض تبارك الرحمن والله ان فيها اماكن تتفوق على اوربا بالجمال (عدا الجو) والحمدالله استانسنا فيها مرة . وشكلنا بنطلق أوربا بالثلاث من غير رجعة .
جلسنا فيها شهر مابين كوالالمبور وجنتنج ولانكاوي وبينانج وكاميرون وأماكن كثير راح أبلغكم عنها بالتفصيل اذ الله راد
ولا يسعني الا أن أتقدم بجزيل الشكر وعظيم الامتنان لكل من نصحني وقدم لي العون والاستشارة وعلى راسهم اخوي الشعيبي والجمال والعربية والكل
وتسلمون جميعا
ووفقكم الله لما يحب ويرضى