كل واحد يتحمل شنطته وانتقلوا بالقطار
من فيينا إلى زيلامسي ومن زيلامسي إلى ميونخ
من ميونخ إلى باريس ماعندي فكره

مشكور اخوي taki
بس متى اخذ تذاكر القطار؟ من النت او لين وصلنا هناك؟
و كم تقريبا التكلفه؟

FashionisTa
بالنسبه للشنط فهناك خدمه مميزه تقدمها القطارات النمساويه وهي تتلخص بتوصيل شنطكم دون عناء للمحطه التي تريدون النزول فيها ، وكذلك يوصولنها للمحطات في البلدان المجاوره مثل المانيا وسويسرا
طبعاً يوصلون الشنط في المحطات الرئيسيه واستلام الشنط من المحطه هناك .
طبعاً لابد السؤال عن هذه الخدمه ثاني يوم عند وصولكم الى فيينا لكي ترتبون وضعكم .
لذا سيكون تنقلكم بكل سلالسه في القطارات بدون شنط .
بالنسبه للانتقال من ميونخ الى باريس يكون بالطيران الاقتصادي عبر اير برلين وسعر التذكره تقريبا 450 ريال للشخص .

انا انصح ان التنقل يكون بالقطار بالنسبة لكم ....... ترا الطيران الاقتصادي له عيوب لازم تحطونها في بالكم ... الرحلة قد تلغى وانا صارتلي من ميونخ لباريس واضطرييت اجلس يوم كامل في المطار والمشكلة يلغون الرحلة بدون أي مسؤلية عليهم حسب اتفاقية شراء التذاكر حقتهم ........ والمشكلة الثانية وانا ما صارتلي لكن اعرف اثنين صارت معهم هي العفش واحد من الاصدقاء ضاعت شنطته والثاني سافرت ديرة ثانية ورجعوها له بعد كذا يوم ... هذي طبعاً قد تكون حلالت شاذة بس حصلت

رجل شرقي
مشكور اخوي على الرد ..هذا العشم فيكم
انت ساعدتني وايد في رحلتنا السنه الي فاتت من مواضيعك الروعه
بس سالفة الشنط وايد مريحه احسها لو كانت صج مضمونه.. بس اخاف الوالد يتخوف منها ومايشجعني!
هل هي خدمه مضمونه ؟؟ مايضيعون شنطنا؟
وبالنسبه للطيران الاقتصادي : نحجز بالنت؟ او لين وصلنا هناك؟؟
وجزاك الله خير اخوي

صغيرون
ابدا مننا خبرييه!

انا ابسرد لك ابوي وش سوى الصيف الماضي..
ابوي يا طويل العمر مع اهلي راحو لفيينا و زيلامسي و كان الاقلاع يوم 24-7-2007
كان عددهم الله يخليهم ان شاء الله و يبارك فيهم 10 اشخاص
الوالد اول ما دخل المطار اخذو باص تاكسي و راحو للأوتيل
و بعدها استاجر سيارة من نوع مرسيدس باص بتسع بالراحه ل12 شخص مع العفش
على ما اذكر كان سعرها بحدود 700 ريال سعودي في اليوم..
انا بعدين جيتهم..انا تقريبا طولي 181 سم
اوقف بالسياة راسي ما يطق السقف..ارتفاعها عالي و كانت تجربه جدا رائعه
بشهادة اهلي
طبعا كان بإمكانهم يروحون لميونخ و سالزبرغ..بس انهم جلسو اكثر الوقت في كابروون..
وجهة نظر..
شيلوا فكرة باريس.. و خلوكم على باقي المدن اللي ذكرتوها
المسافه جدا طويلة من النمسا لباريس على ما اعتقد بحدود 14 ساعه في القطار..
حبيت افيدك و افيد الاخوان،،
تحياتي

Syriana
مشكور اخوي عالافاده وماقصرت
بس مااعتقد ان الوالد الله يحفظه بيتشجع وبيسوق هناك عشان جذي اسأل عن القطارات
الصيف الي فات كانت مشاويرنا بسياره مع سايقها وكان ياخذ علينا فالمشوار 2500 رق تقريبا @@
من زيلامسي الي فيينا والعكس ومن ميونخ الى فيينا
وعرفت عن الرحله من ميونخ الي باريس انها 11 ساعه بالقطار عشان جذي قلنا نخليها بالطيران الاقتصادي احسن واريح عشانم يوم السفر مايروح علينا
بس للحين محتاجه اصحاب الخبره فالطيران يعطوني رايهم
وجزاك الله خير اخوي