- أول شي السلام عليكم ورحمة الله وبركاته.
أول شي السلام عليكم ورحمة الله وبركاته.
باختصار حبيت اوضح باختصار شديد بعض طرق النصب في اسطنبول من خلال تجربتي معاهم علشان تروح هناك مفتح عيونك :
أول شي اكثر شارع فيه نصابين شارع الاستقلال في تقسيم, يعني يجي واحد ويقول لك معاك ولاعه لو سمحت ( طبعا بالانقلش غالبا ) علشان يبدا معاك سوالف وبعدها يحاول يقنعك انك تروح معاه تشرب او يقول عنده بنات. احذر احذر منهم تراهم نصابين ولا عندهم اي شي واحتمال لو رحت معهم تتعرض ياما للضرب والسرقه او انهم يدخلونك ديسكو وتاخذ فاتورة غالية بالاف.
2- دائما كاسرهم في السعر وحاول تخفض. وحتى لو اشتريت تاكد من سعرك وان الباقي صحيح.
3- استخدم المترو عوضا عن النصابين اهل التاكسي وصدقوني راح تشوف انك وفرت بحدود 500 دولار او حتى اكثر . خصوصا ان المترو في اسطنبول يمر في اغلب الاماكن اللي انت تبي تزورها .
4- راح تلقى ناس معها اوراق تشحد ويقول ان عندهم اطفال معاقين او شي من كذا. اسحب عليهم ولا تكلمهم. ايضا راح تلقى ناس تمشي في الشارع وتبيع بضاعه ( مثلا عطور ) ويقول انه سوق سوداء والبضاعه اصليه.
5- دائما اسال سعر الشي قبل تشتريه او حتى تشربه مثل شاي ولا تحسب ان السعر واحد. احيانا يخليك تشرب الشي او تاكل بعدها يقولك سعر غالي جدا. من البدايه ريح عمرك واسال سعر الشي او الاكل علشان تكون على بينة وتحط نفسك في نقاش. اذا ما عجبك المحل شوف غيره تلقى ارخص.
6- اذا معك دولارت تبغى تصرفها ما انصح من المطار. ادخل داخل اسطنبول افضل لك. ( نفس شارع الاستقلال فيه محلات صرافه) .
7- اخر شي اذا وصلت هناك عيش الجو مع ربعك او عائلتك ولا تختلط بالاتراك من ناحية سوالف او شي لانهم اول شي فيهم رفعه خشم وحتى اللي يسولف معك يفكر وش لون ينصب عليك.
ملاحظة : ( هذا فقط بعض التنبيهات علشان ما تطيح في المواقف هذي. عموما, اختيارك لتركيا كوجهه سياحية موفق وراح تستمتع بوقتك من دون اي شك. ).
هذا كل اللي حبيت اقوله وسهل الله السفر للجميع.
وشكرا لتنبيهاتك مرة أخرى ..