بصراحة الناس تفضلها لأنها مباشرة بدون ترانزيت ..بس .
أنا اتصلت على مكتب الخطوط عندنا قال التذكرة ب 2850 ريال بصراحة استغربت من القيمة
خصوصاً أننا لافي موسم ولاشي ..
لكن أنت أدخلتنا في التفكير في خطوط أخرى ..الله يعينك بصراحة ..

srpc
شر البلية مايضحك الظاهر الخطوط حتى انت ووخويك خسروهم والرحلة الجاية بتكون فاضيه
حنا مضحوك علينا بشي اسمه الخطوط السعودية والمشكلة ماهي على الرحلات الدولية بس حتى الداخلية
لو تبي حجز داخلي لازم اقل شي قبل شهر وشرط انك تعرف واحد بالخطوط عشان تضمن الحجز
بعدين اذا تأخرت الرحله ساعه ساعتين او حتى ثلاث ساعات مايعتبرون هذا تأخير تلقاهم كاتبين باللوحات الالكترونية غادرت بالوقت المحدد
نتمى الافضل من الناقل الوطني

على فكرة بالنسبة للأخ اللي يتكلم عن الرحلات الداخلية
هل تعلم انه في اندونيسيا خطوط ليون تقوم بعشر رحلات يوميا لبالي ، غير الخطوط الاخرى ؟
ليون عندهم زي شركة ناس عندنا طيران اقتصادي ؟
يعني عندهم كل ساعتين رحله ؟
الخطوط السعودية انت وحظك ، في الغالب تكون فيها مشاكل وانا حت مره صح انت وحظك ؟
والله يا الموقف اللي صار لي معهم ما انساه طول حياتي
تخيل حتى موظفين الخطوط ما يدرون وش يسوون ؟
الموظفين كانوا يقولون لنا انزلوا ولما جا مديرهم وسألهم من اللي قال للمسافرين انزلوا
اجحدوا وقالوا ان المسافرين اطفشوا وقاموا من كراسيهم يبون ينزلون ،
تخيل انك مضبط سفريتك قبل موعدها بثلاث شهور علشان تحصل على التخفيض وعلى انها دايركت وتتفاجأ بانها ترانزيت
انا وش اللي خلاني اغامر وأسافر مع الخطوط الا انها دايركت ، يعني بالله عليكم ترانزيت مع الاماراتية في مطار دبي والا ترانزيت مع السعودية في مطار جدة اللي مدري ويش يبي ؟
احذر ثم احذر ثم احذر تغامر وتحجز مع الخطوط السعودية
والله ما عندهم نظام ،، اكتشفت بانه بقاله وليست شركة
اجل مايعرفون يتعاملون مع المشاكل
انا قاعد اشرح لمديرهم وش يسوي
واقوله يعني مهيب معقوله ؟
قالي بكل برود احنا يالسعودين متعودين على كذا ، يقول رح للجوازات وتشوف العجب
وش جاب لجاب
قلتله اتصل على جدة وتأكد لي هل يمديني على الرحله والا لا ؟
لانه كان يقولي انزل ؟ قلت وومن يعوضني ؟ قال ما فيه تعويض ولا فيه اي شي
فحاولت معه يتصل على جده وييشوف الوضع ، بعدها قالي خلاص يمديك ان شاء الله
تخيل وانا في الطريق لجده وبعد ما اقلعت الطيارة جاني واحد من الموظفين سألني عن اسمي على انه توه يتصل
قلته سلامات الحين وش ينفعني اتصالكم لو راحت الرحله تبيني انط من الطيارة
بس والله ما تركتهم ياشباب ،، ورجيت ابوو الطيارة ، لين وصلت للطيار ، وكل واحد يقوول ما ادري ما ادري ، لين جا واحد من المسؤولين وقعدت انفخ عليها وهو يقول لا ترفع صوتك ، قلت الا ابرفع صوتي ورجيت ابوو الطيارة لين جا الفرج من ربك مهوب منهم
صار من حظي ان الرحلة الثاني صار فيها تأخير ولحقت
بالله عليكم سألتهم هل حنا في العصر الجاهلي ؟ يعني معقوله مسؤول كبير ما يعرف يتصرف ، قلتله اتصل على جده وشفلي الوضع ووشلون بعدين اتصل
يعني ما يعرف يتصرف من نفسه
والله ثم والله حتى لو يكون فيه فرق في السعر 500 ريال او الف ريال ، صح ان الفرق كبير بس ادفع وريح نفسك ، مع ان الحجز المبكر مع المنافسين راح تلقى فيه سعر قريب من الخطوط السعودية
يعني انا كنت افضلها على غيرها علشان الرحلة دايركت وصارت ترانزيت في مطار جده
لا ياحبيبي ترانزيت في مطار دبي افضل او حتى لو في مطار بنجلاديش ؟

نعتز ببهذلتكم خابرينها وخابرين علومها الله يعدلها بالريس الجديد

لا جديد
متعوده دايما
اخوي جاكا
الريس الجديد يبي يزود اسعار التذاكر يقول الخدمة المقدمة تستحق زيادة التذكر
ومن 16 سنة لم ترتفع اسعار التذاكر
يعني ردد ياليل ماطولك وياقلب لا تحزن
وصدق من قال باص مناحي نعتز بخدعتكم
يازين الاماراتية والاتحاد والاردنية

الحمد الله على كل حال
بخصوص مشكلتك نقول الله يعينك
انا اصلا ماخشت مزاجي سالفة التذكرة اللي ب1500 لازم تجز بفترة طبعاً يستغلونك لان إذا ماسفتر فلوسك عليها العوض لكن لو تبي تسافر بعد اسبوع وتحجز من الحين تلقاها دبل الدبل
ياليتك رايح على الامارتية ترانزيت 4 ساعات وراحة ولا طيارات السعودي المتهالك اللي مافيه لاترفيه ولا تعرف كم باقي للوصول ولا فيها شي
الحمد الله الخطوط السعودية مكنسلها من مخي الله يخلي السنغافورية ولا الاماراتية ولا طيران الاتحاد
تحياتي

الخطوط السعودية تتادب لمن تتوجه لامريكا.

والله انا غاسل يدي ولله الحمد ولا رحله خارجيه على الخطوط السعوديه