شيء معروف واكيد لكن الشرطه مره واحد مسكني يقولي ليش جوازك مو مكتوب بياناته بالروسي قلت له هاذي الفيزا بالروسي قال لا ابغى البيانات بالروسي والشرطه هناك له الحق ان يحجزك عنده ساعه وبعد ها يمكن يتربصلك بقضيه اذا ما عطيته دراهم ويا ويلك لو فيه اي غلط يسجنونك وما يفكونك الا بمبلغ وقدره يعنى رشوى المشكله انا انصح اعضاء المنتدى عن الابتعاد عن روسيا لا وبرضه القليل منهم عنيد الا يبغى يروح غصب لكن الواحد ما يعرف الشيء الا اذا جربه .

رحاال
أخوي رحاال : ممكن سؤال؟!
ليش أنت متعقد من روسيا ، أخوي الشيء إلي أعرفه أن العلماء المشهورين أغلب من خريجين الجامعات الروسية وحقيقة روسيا بلاد خصبة جدا للعلم هذا إذا أردت ، وروسيا تحمل في طياتها ثقافة وفكر وفلسفة مميزة جدا ، أخوي أرجو منك توضح لي ما هي الأسباب التي جعلتك تكره هذه البلاد ، إذكرها لنا حتتى نستفيد منها ، بارك الله فيك؟

1. Ghost2006

Ghost2006

صدقني اخوي لا متعقد ولا شيء بس انت لازم تدرس من جميع النواحي انا اقولك صح ان العباقره في روسيا كثيرين لكن كلهم مهاجرين الى اوروبا والدول المتقدمه وامريكا .
وبالنسبه للعباقره ما صاروا عباقره من الدراسه الي بروسيا لان مع احترامي هم ودراستهم اللي ما تنجح الا بفلوس وهدايا للدكاتره والدكتورات وعلى فكره انت راح تتخرج بشهاده بالروسي ولازم بعدها تاخذ سنه انجليزي عشان تتوظف هذا اول شيء.
اذا انا متعقد من روسيا بساألك سؤال: اذا على كلامك روسيا جامعاتها قويه ليش التعليم العالي عندنا ما عنده بعثات لروسيا؟؟
انا رحت روسيا وتعقدت هناك شعب ما ادري كيف ومعاملة السعوديين في المطار كنك ارهابي وخصوصا مطار موسكو .
قبل كل شيء اذا انت مصمم دق على السفاره السعوديه بموسكو واستفسر عن الدراسه عندهم وشف وش يقولون لك.
الدوله الامن فيها خطير جدا بل اكثر الي يدرسون بروسيا من دول فقيره والامراض الله يكفينا شرها المعديه كثيره بل وصلت الى فوق 2 مليون مصاب بالايدز بروسيا حسب اخر تقرير.
روسيا في النووي ممكن انها صح متقدمه او دراسة البترول هذا المشهور عندهم اما الاشياء الثانيه الله بالخير ما عندهم ما عند جدتي.
. وغلاء عندهم فاحش بموسكو وبيترز بورغ
.
صدقوني انا ما اتمنى الا الخير لاخواني لكن والله لو تشوفون دول ثانيه افضل والله وعندك ياخي ماليزنا يكفي ان جامعاتها استراليه وامريكيه وبريطانيه وبيئه مسلمه وشعب متعلم وشهادتها اقوى من روسيا بكثير.
اي سؤال تبيه انا حاظر واذا تبي ايميلي افيدك تامر امر
وعندك منصور بالمنتدى هو يدرس ببيتر بورغ وعنده خبره وانسان قمة الاخلاص والاخلاق والله ساعدني كثير. الله يوفقه ان شاء الله.

و الله انا اسمع انو ما في امان في روسيا . بس هذا الشى عادي ما في دوله في العالم ما تكون فيها مشاكل .و اضيف انه الدراسة في روسيا افضل من الدول العربية

الغلاء نعم فاحش في موسكو بطريقة يصعب معها العيش حتى على السياح اللي قروشهم واجد
عموما موسكو الان تعد من اكثر المدن غلاء في العالم بعد ان كانت بلاش قبل سنوات
كان العشاء في افخم المطاعم لا يتجاوز 20 الى 35 دولار الان بعض المطاعم الفخمة قد تكلف الفرد الواحد الى قرابة 600 الى 900 دولار كعشاء فاخر جدا وعلى فكرة الامر اصبح منافسة بين الروس وبرستيج وتحدي في الاماكن الفخمة والغالية
عموما اللي فلوسة على قده لا يروح لموسكو
بل يحول رحلته الى مدن اخرى لانه ما راح يعرف يتهنى برحلته

كلامك صحيح وعين العقل. وانا متأكد ميه بالميه ان بيتر بورغ راح تلحقها بالغلاء الفاحش خلال هاذي السنوات الان.