اول شي خذنا لفه في مجمع رويال قاردن
ينعرف من الطيارة الي داشه فيه :36_1_21:
رجعنا الفندق وتغدينا عقب في مطعم ابوسعيد
وطبعا الوجبه عباره عن مقلوبه ربيان
حياكم والله عجييبه الطبخه
يوم ربيان ويوم هامور
خايفين من الدجاج وشاكين باللحم وحتى لو كان المطعم عربي
المهم عطيناها مضبوط وطلعنا من المطعم كل واحد في حلجه عود يتنقش فيه
ومشينا
حاسب الشوارع كلها دراجات :112:
ودخلنا بين شسمهم مايحتاي تعرفون بس مايبين الحين بالليل يبين اوضح
ودخلنا شارع الممشى Walk Street
طبعا هالكلام العصر ولا لو بالليل مالك محط ريل فيه
تمللنا واحنا نمشي نبي الفكه ونوصل الكورنيش
وشان ستوب
كل واحد مر من جمب هالمحل مال الايسكريم
لازم يدوس بريك والسبه الريحه العجيبه
ووصلنا الكورنيش وندور لنا مكان نقعد فيه شوي
ها وين نقعد هني ولا قدام شوي ونمشي
وندور لنا مكان تمام ومافيه زحمه
وشان نحصل مكان ونقعد
وتصور
وشان تمر علينا وحده وعندها هالدرام لصغير مادري السطل الي اهوه وفيه سامان
بس كانت غالية تقول صحن الربيان6 حبات على 200 بات = اقل من 20 ريال قطر
وشان نطنش لها انتظرنا صاحبنا الي قبلها بيوم كلنا عنده بس ماصورناه لنه صوره عندنا اليوم الي قبل وشوفوها
يا سلام سطل فيه الربيان والسطل الي تحت فيه الفحم وانت خلك قاعد وتشم هالريحه
ترى والله نشرب فانتا برتقال مب شي ثاني
بيخلص ولا لا تى والله جعنا والسبه هالريحه:36_6_7:
وهيلي يارمانه
وشان نعطيها كل واحد صحنين الصحن الواحد ب 120 بات يعني 10 ريال قطري
المهم لما خلصنا الصحنين ظلمت الدنيا عندنا شان يقولنا التايلندي الي يبيع الربيان
شرايكم اعطيكم كل الربيان ب 150 بات خ
طلع ناصب علينا الظاهر يعني بعد غالي السعر بالنسبه لهم ههه
بس شنقول الحمدلله على كل حال
وشان تظلم الدنيا يعني شوي شوي
شان نشيل قشنا ونحرك
شوفو يالربع اهم شي في التمشى في بانكوك العيشه
يعني وانت ماشي تعطيها جح ولا اناناس وانت تمشي لنه من كثر المشي الواحد يهلك شوي
خاصه اصحاب الاوزان الثقيله
يعني بعد هالغدى وهالربيان تاخ لك كم لفه في رويال اردن وترجع الفندق تاخذ لك دوش وتمشي ولعب في البولنق
وترد بالليل الساعه 9 او 10 وتشوف هالعربانات
لازم تاخذ لك شي تقرمش فيه ههه
وتقعد تطالع رفيجك وكل واحد يعوم الثاني ها تبي يوقولك اي ولا لا او بعدين
وتطنش له وشان تقول حق الي عند العربانه فطيره بيض بالجبن الله يخليك
ماتاخذ لها شوي الا اهية جاهزة
واديها
وبالعافية ياخوي
وسلملم