السلام عليكم
اولا رحله موفقه .. تاريخ السفر من افضل اوقات لندن بسبب البرد والوناسه و الاحتفالات و الفعاليات و طبعا السيل ..
ثانيا ترا برمنجهام مالها داعي 3 ايام .. استغل الفتره بلندن افضل .. روح يوم من الصبح لي الليل او بات ليله بس .. مو بعيده و مافيها اشياء وايد ..
مانشستر مافيها شي زود . بس اذا تبي تزور النادي تقدر تروح يوم وترد او تبات ليله .. خل قعدتك بلندن .. مانشستر قريب منها اوتلتين .. بس اوتلتات عاديه جدا محلات نكست و قاب و مارك سبنسر و هالمحلات يعني مو ماركاات عالميه مو نفس البيستر فيلج ..
كمبرلاند اختيار زين .. الموقع ممتاز و النظافه و الخدمه معقولين ..
بالنسبه انك تروح هناك و تسوي حجز غير مسترجع ترا ماراح تلقاه .. الحجز و السعر المنخفض يكون اذا حجزت قبل السفر بمده لكن اذا حده حده السعر بيكون اغلا وايد من سعرك لو حجزت الحين ..
اذا ميزانيتك تسمح في فتدق The Montcalm او ماريوت قروفنر سكوير .. مونتكالم يبعد خدوات عن كمبرلاند و ماريوت قروفنر سكوير امام سلفردجز تقريبا .. و الاثنين توب ال توب
عموما لو تدخل موضوعي اللي بالتوقيع بتلقا رايي بالصور عن كمبرلاند و 10 او 11 فندق غيره سكنتهم شخصيا ..
الفا اخيرا ممتاز و توكل علي الله
اويستر تكفيك للمواصلات .. في اسبوع و ترد تجددها .. 16 باوندز اذا للباصات بس و 28 اذا باصات و اندرقراوند ..

وشكوره اختي
وتراك انت اللي حمستيني اروح لها هالوقت
زوجي كان يقول افضل وقت لاوربا الشتاء يحب جوها
وانا عاد احب السوق والتقضي
عادتي في السفر اخذ من افخم الفنادق
بس اول مره اروح اوربا فقلت خليني علة الكمبرلان وزود الفلوس استفيد منه لتشري
تعرفين عاد الاخوات انواع الطلبات ومن الحين جالسين يكتبون لي السته يبي لهم ميزانيه كامله
وبما ان الكمبر لاند جيد وقارنته The Montcalm وصار نص السعر
فقلت اصير يوم ذكيه واستفيد انا من الزود
بس حبيت استفسر الثيم بارك تكون فاتحه ولا لا
طيب بالنسبه لاوت لت فيه في مانشيستر ولا خليني على اللي قريب من لندن افضل

اللي يم مانشستر مثل ما قتلج عادي جدا و ما تلقين فيه المحلات اللي في بيستر فيلج
فخلح علي اللي من لندن افضل Bicester Village و قللي وقت مانشستر يوم او ليله كافين لها
الثورب بارك مسكره الحين لي شهر 3
عندج الالتون تاورز فاتحه لي 1-1 يعني من بعد راس السنه تسكر لي فبراير
صحيح كمبرلاند نص السعر و انتي اولي بالفرقيه

مشكوره وجزاك الله خير

سبحان الله وبحمده
سبحان الله العظيم

حياكم الله
وماقصرت كويتية في الرد
هل فيه سؤال محدد ممكن نساعدكم فيه
وبخصوص فنادق مانشستر
فنادق مانشستر
Crowne Plaza Manchester City Centre بالسنتر
https://www.booking.com/hotel/gb/crowne-plaza-manchester-city-centre.html?aid=1300939
The Place Apartment Hotel بالسنتر
http://www.theplacehotel.com/
Ramada Manchester, Salford Quays يبعد عن السنتر اشوي يعني تروح بالقطار
https://www.booking.com/hotel/gb/ramada-manchester-salford-quays.html?aid=1300939

ابيكم تساعدوني التذاكر احجزها من النت
وش الطريقه
غير كذا مانشيستر وبرمنقهام تستاهل اجلس فيها كم يوم ولا اخليها كلها لندن
والملاهي اي وحده تكون فاتحه
ابي كل شيء هالسفره من تخطيطي وتجهيزي زوجي شايل يده
وماابي اتفشل عنده ويلقاها حجه علي

مشالله حلو وقت انا توني راجعه واشوف العاب الهايد بارك عشان الكرسمسس
بس ترا ايامك مره كثيره على لندن انا عشره ايام وطفشت ليش ماتروحين باريس اذا 18 يوم
واختيارك كمبرلاند اختيار موفق مره حلو واهم شي موقعه
الي ضايقني كله خليج على ان وقت سفرتي عدد العرب قليل بس تجمعنا بكمبرلاند خ

عشقي السفر==
جاوبتج عالملاهي
و مانشستر و برمنقهام .. دخلي علي اخر جزء في موضوعي اللي بالتوقيع فيه عن ماشستر مع روابط اضافيه شوفي اذا تناسبج تقعدين فيها اكثر من يوم او .. و سوي سيرج علي برمنقهام و اقري عنها .. الاذواق تختلف .. يعني مثلا الاخت نوف تقول 10 ايام و طفشت من لندن .. شخصيا لو اقعد بلندن سنه ما امل .. و في رد لمشرفنا موادع في موضوع اخر يقول قعد 7 شهور كانها يوم و الاغلبيه من رواد لندن هذا رايهم .. فالمسأله اذا منطقه تسوي او لا شي نسبي يختلف من شخص لاخر .. انتي شوفي اماكن كل مدينه و قرري ..
و موادع وافق علي كلامي
و التذاكر تقولين شريتيهم
اي تذاكر تبين؟