1. وأخر يوم كان في جاكرتا ... (( تذكير كانت مدت الرحله 12 يوم ))


2. ولكن هناك بعض التنبهات و ممكن تستفدون منها ,,

السلام عليكم ورحمته وبركاته :
صباح الخير ,,, مساء الخير ...
تم زيارة بلاد العمه ولله الحمد ... وأشكر منتدي المسافرون العرب ... علي توفير كل المعلومات التي تهم أي مسافر للبلاد العمه ...
وكانت زياره رائعه بكل ماتعنيه الكلامه ... وكانت تقريبآآآ فترة زيارتي كلها في بونشاك ,,, وقضاء يوم فقط في باندوق

وأخر يوم كان في جاكرتا ... (( تذكير كانت مدت الرحله 12 يوم ))

ولكن هناك بعض التنبهات و ممكن تستفدون منها ,,

1)الانتباه من أصاحب العربات في المطار حصل موقف لنا في المطار وربي إنه قهر ... السالفه بان جاء واحد صاحب عربه وقال بشيل لكم أشناطكم 5000 روبيه قلنا مو مشكله بعد موصلنا عند السائق قال عطوني 25000 وبصراحه رفضة وقلت تبي 5000 وإلا توكل علي الله ... تصدقون إجتمع علينا تقريبآآآآآ 15 إندنوسي ويقلون إنت قايله 25000 وطال الكلام ... وتعالت الاصوات ... تخيلو فيه واحد صاحب عربيه يقول عطوه فلوسه وإلا تراء برجعكم للسعوديه هع هع هع ... وفي الاخير خوينا قال عطوه فلوسه وريحونا نبي نفتك .... لكن إنتبهو منهم تكفون ...
2) ثانيآآآ : تم زيارة باندوق وزيارة البركان ... وتم أخذ الكبرت ألي يعرضون في مويه صحه صغيره يقلون زين للحساسيه والروماتزيوم .... الشاهد يوم وصلنا المطار أسحبوه منا ويقلون ممنوع تاخذه معك يعني خسرنا تقريبآ 300 ريال علي الفاضي ,,,, إنتبهو يا الربع ..... لا تضيع فلوسكم علي الفاضي
3) ثالثآ : ضروري تسون عقد مع السواق من أول يوم إلي أخر يوم وريحو روسكم ... حصل لنا موقف مع السواق
والله يا أخوان إن ظانخينه طنخه لا راحت ولا جت ياكل معنا ويشرب معنا وانواع الهدايا له ولعياله يعني بعربي مخلينه واحد من إخوينا كان تبع شركة سعيد .... الشاهد ... أخير يوم لنا في جاكرتا كنا بروح للمطار وكان مكان السكن في فندق إستون مارينا طلعنا من الفندق إلي المطار بعد ماوصلنا للمطار ونزلنا إغراضنا قال يله يديكم علي 400000 هذي كانت يوميته ,,, ومو معقوله نعطيه نفس يوميته يعني مشوار نصف ساعه بي 400000 وهذا ألي مايسوي عقد من بدري ويريح راسه وصارت شكله في المطار وفي الاخير يقول بجيب لكم الشرطه والله خاين العشره والله قهرنا المروح وحنا مافيه أمل نعطيه 400000 فكلامنا الادراه تبع شركة سعيد وأخذ وعطا لين صارت 100000
فاأتمني منكم الانتباه للامور ذي فقط ....
الزبده (( إبتعدو عن جاكرتا ترتاحون من جد لان جاكرتا بنسبه لنا قروشة راس ))
أسف علي الاطاله ...