لايق عليك
قصدك جنتنق
جدولك حلو وفنادق مناسبة جداً
بس لو تسمع كلامي تزود لنكاوي ليلة على حساب كوالا
كذا يصير برنامجك 5 نجوم

هلا بالغالي ( لايق عليك )
أنا من وجهة نظري تزيد المدة في جنتنغ وتخليها يومين ..
والله جنتنغ تستاهل ... وأسألني أنا سكنت فيها يومين في رحلتي الأخيرة ..
وكانت هذه اليومين من أجمل وأمتع أيامي في ماليزيا ...
ولو تقدر تأخذ يوم من بينانج وتضيفه لأيام لنكاوي يكون أحسن ...
لنكاوي أكثر نشاطات وزيارات من بينانج ...
وافي بزمن جافي

المغادرون 2007
جدولك حلو وفنادق مناسبة جداً
بس لو تسمع كلامي تزود لنكاوي ليلة على حساب كوالا
كذا يصير برنامجك 5 نجوم
حجزت وخلصنا يالغالي
رتب لنا جدول والاهم الصن واي نخليه من ايام كولا

المغادرون 2007
جدولك حلو وفنادق مناسبة جداً
بس لو تسمع كلامي تزود لنكاوي ليلة على حساب كوالا
كذا يصير برنامجك 5 نجوم
لاتعلم احد بغيت اهون عن جنتنق
يقولون تروح لها بالتلفريك وانا اخاف وانت تقول لي يومين ممكن نلغيها
نبي جدول حلو ومره وشامل وغير مكرر للاماكن مثل الحداىق ابي الافضل بكل مدينة بحيث ما اكرر كل مكان
واروح للافضل

السلام عليكم
انت شوف الرابط وفيه مواقع الأماكن اللي تستحق الزياره
وانا بأقولك أهم الأماكن وأكيد فيه غيرها الكثير
في سيلانقور
ملاهي الصن واي لاقون المائيه والله يغفر الذنب كلها خلط ملط وسوق البيراميد هذي أهم مافي سيلانقور
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق رهيبه
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها وكن ممكن تعجبك عروض كاوبوي وسفاري وحديقه بسيطه وحاجات ثانيه
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم
https://artravelers.com/p/re/452938

يعطيكم العافية
اول يوم وصول اعتقد تعب وفيه مجمع قريب لامباير يكتفى فيه
الثلااثاء :
الصن واي مغلق ابي برنامج ل ومنها الاضواء i-city و شامل المطاعم
الاربعاء : السفر مبكر للنكاوي
الخميس : اكيد بحجز المانجروف وش فيه ثاني معها
الجمعه :الساعه 3 السفر لبييانج ممكن ازور شي الصباح او يكفى الفندق وكمان وش بوه بييانج اول يبوم
السبت والاحد : ابي فعاليات بييانج
الاثنيين :السفر الساعه 3 لكوالا واعتقد اول يوم راحه نوعا ما وابي الاماكن القريبة للبرجيين
الثلاثاء والاربعاء : نبي مطاعم والمولات القريبة للبرجيين
الخميس : بروح لجينتق ان شاء الله وبودي اغلب العفش للبارك رويال
الجمعه :العوده لكوالا وشرايكم
السبت والاحد: قريبين لشارع العرب
الاثنيين : العودة ان شاء الله لارض الوطن
شرايكم وين أخلي زياره للصن واي وايضا بروح مطل لوك اوت
ياليت برنامج مفصل يا الاخوان

انتظر الرد وخاصه من الهلاليين

الشباب النشيطيين اكيد متأثرين بهزيمة الدريبي أمس
انتظر الرد