للامانه اختي انا ما اعرف وين مكان هشقق
بنسبة للاماكن السياحية عندج المجمعات التجاريه مثل الستي سنتر و الاند مارك و فيلاجيو والمول والحياة بلازا ولاغون تاور
وعندج جزيرة الؤلؤة و سوق واقف و متحف الفن الاسلامي و حديقة الحيوان و دريم بارك وهي بلقرب من ارض المعارض وبلقرب من الؤلؤة
وعندج كورنيش الدوحه
هاي تقريبا الاماكن الموجودة

مرحبا اخوي او اختي استعجلت بالحجز قبل لا امر على موضوعك الساابق .....امززح مكانها جيد يعني ثلاث دقاايق الا وانت بالكورنيش . من نااحية ترتيب الاماكن من قربها لبعضها فهي على النحو التالي :
الكورنيش فيه المتحف الاسلامي وبيكون قريب منكم نوعا ما .... وسوق واقف قريب من المتحف..
عندك السيتي سنتر بمنطقه الابرااج امتدااد للكورنيش واذا كملتوا سيده بيجي الحي الثقاافي وبعد بكيلو جزيرة اللؤلؤه والبرجين المتعرجين
عندك مجمع فيلاجيو وخلفه حديقة اسباير .. وملاصق لمجمع فيلاجيو مجمع حيااة بلازا فيه العااب الاطفاال جنغل زون دايما انصح فيها ....بنفس المنطقه على بعد 2 كيلو متر بتجيكم حديقة الحيووان
بشكل عاام اليوم اللي تروحون فيه اللؤلؤه تروحون بعده الحي الثقاافي وتتعشوون فيه ..... اليوم الثااني ممكن تطلعون العصااري حديقة اسبااير وتدخلون المجمع وتستاانسون وتتعشون فيه او بمنطقه السد لقربه من منطقه السد..........بالنسبه للمتحف الاسلامي للاسف يفتح من عشر صبااحا الى الخاامسه والنصف عصرا ....بالنسبه للاطفاال انصح بألعااب فيلاجيو والعاب جنغل زوون بحيااة بلازا والعااب حديقة الحيواان ......بالنسبه للسباحة الاطفاال مااعرف بالظبط بس عندنا شواطئ مفتوحه بمدينه الوكره وامسيعيد وسيلين ..... في عندك القرية المائيه اكوا بارك يمكن هذه تصلح للاولاد كلها العااب مائيه وفي اياام للسيدات والاطفاال الاقل من تسع سنواات ...
ممكن تسوين وتقترحين جدوول واحنا بنسااعدك فيه انشااء الله

والله ما اعرف عن هلشقق والاماكن السياحيه عندج المجمعات
1- ستي سنتر الدوحه
2- فيلاجيو مول
3- لاندمارك
4- حياة بلازا
5- المول
6- المركز
7- رويال بلازا
8- لاجونا مول
9- جزيرة اللؤلؤه فيها ماركات فخمه
وبالنسبه للاماكن السياحيه واللي يقدرون يتسبحون فيها عيالج
1- الكورنيش ينفع للمشي
2- متحف الفن الاسلامي عند الكورنيش
3- كاتارا فيها شاطئ مخصص للعائلات
4- جزيرة اللؤلؤه في محلات وطرادات للتاجير
5- سيلين فيها منتجع وشاطئ هذي تصلح للعائلات والشباب
6- حديقة البدع هذي عند الكورنيش فيها العاب للاطفال
7- رحلات بسفينه هذي عند الكورنيش تاجرون سفينه صغيره لعائلتكم تاخذون لفه على الدوحه من البحر
8- حديقه الحيوان حلووه للعائلات
9- دريم بارك هذي ملاهي في حديقة الحيوان
10- اكوابارك هذي حديقة مائيه (للعلم يوم الثلاثاء مخصص للنساء والاطفال اقل من 11 سنه)
11- منتجع الغاريه
12- حديقة دحل الحمام هذي عند اللاندمارك
13- شارع النصر متروس محلات ومطاعم
14- قلعه الزباره
15- نادي الدانه
16- نادي الدوحه
17- النادي الدبلوماسي
18- اسباير
تكملة المجمعات
10- مركز الفردان
11- مركز المانع
12- المفتاح
13- السلام بلازا
14- الصالون الازرق
15- اللولو اللي في منطقه الغرافه
16- سوق الخميس والجمعه
17- سوق فالح
18- سوق العسيري
19- سوق الجبر
20- سوق الديره
21- سوق الاحمد
22- سوق واقف
المجمعات عندنا تفتح من 9-10
والاسواق لين منتصف الليل
الله يوفقكم في السفره

ونسيت السينما المخصصه للنساء والاطفال في اسباير

mfh-qtr
جزاك الله خيير على كل المعلوماات كفيت ووفيت . بس من الصعب على الساائح الذهاب لكل هذه الامماكن لضيق الوقت والشي الثااني ان بعضعها مستوااها اقل من العادي يعني احنا ننصح بالمجمعات الرئيسية الكبيرة اللي تستحق الزيااره مثل السيتي سنتر وفيلاجيو واللاندماارك من الاسوااق سووق واقف فقط لان الاسوااق الثاانيه عااديه جدا لاتنسى ان سووق الاحمد تم ازالته

اهل قطر ما قصروا بخصوص الاماكن السياحة
بنسبة لسكن اذا انت تقصد Corp Executive Hotelانا سكنت في الفندق من تاريخ 24_12_2010 الى 30_12_2010 والفندق بشكل عام نظيف ويقع قريب من المطار في منطقة أم غويلينة.....ما اقدر افيدك باكثر من كذا لانه لما سكنت في الفندق كان جديد ما صار له عشرة ايام لدرجة انه بعض المرافق لم تكتمل ....

بصراحه كفيتوا ووفيتوا واخجلتوني بكرمكم اللي مو غريب على اهل الدوحه بصراحه انا ماعمري رحت لقطر ومشتاقه اشوفها والحين اشتقت اكثر
ادعولي اتوفق بهالسفره
اخوي مهندس قطر يعني لازم اسويلك دعوه عشان نتشرف بردودك ماقصرت وسلمت يمينك

حور2000
استاهل ...... المهم انتي سوي جدول قبل لا تجين علشاان نعطيك ملاحظاتنا على الجول ......بانتظاار الجدول ....

تستاهل والله يااخوي مهندس
طبعا جدولي كالتالي
الوصول يوم السبت وطبعا بنكون صايمين ان شاء الله نستلم الشقه ونريح للمغرب بعدها الذهاب لسوق واقف والافطار فيه احب افطر شعبيات (اذا عندكم مكان تقترحون علي للفطور)
الاحد طبعا عيد وياليت( تقولون لي اماكن صلاة العيد) بعدها نرتاح ثم الذهاب لمدينة الالعاب عشان بناتي
الاثنين الذهاب للمتحف الثقافي واللؤلؤه ثم العشاء في مطعم البيت الشامي قريت عنه بس مااعرف وصفه
الثلاثاء هذا يوم الشوبنق بروح للمولات وزوجي بياخذ الاطفال للكورنيش انا مااحب الكورنيش السوق اهم بسالكم ممكن القى ليموزين يوصلني من مول لمول يعني القاهم بسهوله زي الرياض
الاربعاء آخر يوم لنا بقطر بس بنروح لمنتجع سيلين والعصر نمشي للسعوديه (منتجع سيلين فيه مطاعم )
هذا جدولي مبدئياً واذا عندكم اضافات لامانع من ذلك
تحياتي