اختي الكريمة ..
بالنسبة لحجز الرحلة ليوم عن طريق الطيارة لنياقرا فولز هذا الرابط بيفيدكم :https://www.coachusa.com/newyorksightseeing/booking.asp?action=ProductDetail&SEE=1&productId=1403
لاكن تحتاجوا فيزا كندية علشان تدخلوا الجزء الكندي !!
هذا عرض فديوا للرحلة : http://www.coachusa.com/CoachUsaAssets/files/91/videoviewer.asp?clip_name=Niagara Falls by Air&clip_url=o23/usa_newyork/niagarafallsgrayline.html
0ايام ممكن توزعوها تاخذوا 3 ليالي في فيقس و7 تاخذوا كروز على Freedom Of The seas تعتبر الى الان اكبر سفينة في العالم.
بالتوفيق ورحلة موفقة ان شاء الله

talolo2000
أختي 21 يوم أورلاندو وايد ترا بتملون
بتحفضونة و بتكررون الأماكن الي فيها
أسبوعين حدها حدها
شوفولكم فكرة حاولو تقلصونها بالسفر بالسيارة من نيو يورك الي واشنطن شوفوها يومين ثلاثة
و نزلو علي أورلاندو بالسيارة أذا حاطين في بالكم أورلاندو بس
أستمتعو بالسفر بالسيارة وايد حلو
2يوم حاولو أستغلالها عدل حرام نيويورك و أورلاندو بس في ال 42 يوم

الاخخ شرقاوي اول واحد يقولي 21 يوم وايد على اورلاندو ؟؟؟ قالولي اصلا ما بتكفييج تخلصينها
لان عيالي يبيلهم تذكره بو اسبوع لديزني بس ... غير البقيه ؟؟
انزين السياره من نيويورك ما بتكون اغلى بوايد ؟

talolo2000
أتمنى من الأخوان يعطونج أرائهم و هذا أنا رايي لو عندي نفس الفترة
و السيارة مو أغلاة بالعكس أرخص بوايد
و أصلا أمريكا متعتها بالسفر بالسيارة
حتى لو كنتو شخصين ولا حتى شخص واحد راح يستمتع
ترا السفر بالسيارة مو نفس دولة الخليجية كلها بر علي مد الشوف و تحاتي يطلعلك بعير ولا شي بالخط
لآ أختي مناظر ممتازة طبيعة خضرة مزارع جبال بحيراة
و أذا تبون تريحون ولا تصلون عندكم الجاز ستيشينز و لا الموتيلات

بعدين أختي دزني لاند الي في فلوريدا ما هي كبيرة نفس الي في أنهايم كلفورنيا
هذيج الي في أنهايم كلفورنيا لا صج كبيرة و محد يختلف علي هل شي

كويتي شرقاوي
صج ؟؟ انا قريت اهني تعليق للاخ امباكت انه الي باورلاندو احلى و اكبر ؟؟
حتى صديقتي قالت لي ...
انزين اخ شرقاوي .. قولي من نيويورك وين نروح ؟؟يعني اجر سياره من نيويورك استلمها هناك و اطلع الولايات الي دور مدارها و ارجع لها ...
اسلم السياره و اطير على اورلاندو ... انا حجوزات الفنادق ما سويتها فعادي اقلل اورلاندو مافي مشكله
و سالفة البر انا حاطه ببالي جذي و اقعد بموتيلات بالطريج
كل من قالي احلى شي بامريكا السفر بالسياره و اني انزل بالموتيلات بالطريق ...
بس يعني بالاخير بروح اورلاندو ... و بعدين ميامي و ارجع الديره
شرايكم ببنسلفانيا ؟؟ رفيجتي تقول مافيها تاكس على المشتروات و الاكل اروح لها للتسوق جم يوم
و فيقاس اشوفها 3 ايام و واشنطن 3 ايام
يصير اروح لهم من نيويورك و ارجع تالي لنيويورك ؟

من المعروف ان دزني واطيح اللي بفلوريدا اكبر
السفر بالسيارة في امريكا فعلا متعة

لا قصدي ااجر سياره من نيويورك و افتر و اسلمها لم بروح اورلاندو .... يعني معاي جم يوم

أعتذر علي المعلومة الغير صحيحه
فعلاا أورلاندو أكبر من الي في كلفورنيا
لأن الصراحه رحنا لها و أحنا شباب مش عوايل و ماطولنا فيها ما كانت تناسبنة
و معة هذا أشوف 43 يوم منهم ثلاث ليالي في نيويورك و الباقي في أورلاندو حرام و الله