مساكم الله بالخيرمبارك عليكم مابقى من الشهر الفضيل
اخواني وخواتي اعضاء المنتدى الرائع الي استفدت منه وايداخيرا وبعد استلام الفيزا تم الحجز والحمدلله
بنكون شخصين .. انا وصديقي فقط
يعني سفرة شباب بروحنا
الرحله ان شاء الله راح تكون 16 يوم مقسمه
3 ايام ميامي
وبعدها نروح اورلاندوو 10 ايام
وبعدها نروح بطيران داخلي من اورلاندو لنيويورك
وبنقعد 3 ايام بنيويورك
اول مانوصل ميامي باذن الله راح استلم سيارة أجار من مطار ميامي
بأجرها 13 يوم مابين ميامي واورلاندوو ((راح أستأجرها اونلاين قبل لا اسافر امريكا))
استلمها من مطار ميامي وارجعها بمطار اورلاندو قبل لانروح نيويورك
كل موضوعي ياجماعه ... اورلاندوو
كل الناس تتكلم عن هاذي المدينه الروعه وهذا السبب الي خلاني اخصص لها 10 ايام لكثرة الاماكن الجميله والرائعه فيها
انا ناوي ان شاء الله احجز تذاكر اونلاين لي ولصديقي
التذكره Orlando Flexi Ticket
في نوعين منها .. 5 او 6 حدائق
التذكره الي ل 6 حدائق سعرها 320$ للشخص
وهي تكون فعاله ل 14 يوم من اول يوم استخدام لها وتشمل
Unlimited Full Access
الحدائق هي ....
UNIVERSAL STUDIOS
UNIVERSALS ISLAND OF ADVENTURE
SEA WORLD
BUSCH GARDENS - TAMPA
WET'N WILD
AQUATICA - WATER PARK
بس نسيت شغله مهمه وهي DISNEY WORLD
ابي شوركم ياجماعه .. انا رايح مع صديقي يعني شي عادي لو نقضي ال 10 ايام
في اورلاندوو كلها بالحدائق
ابيكم تفيدوني عن ديزني من وين اشتري التذاكر وشنو نوع التذكره الي اشتريها
وتشمل شنو بالضبط هي وياليت تعطوني روابط للي رايحين من قبل
او ان نفس الشي لو اشتري تذاكرها لما اوصل اورلاندوو هناك
افيدوني جزاكم الله خير !!!!
اخوكم بو عبدالرحمن