1. لاصرت ضايق وجاير الهم طاويك شد الرحال ودرب المغرب تدله

اولاً السلام عليكم واسفين على القطاعة اللي ماهي من عوايدي بس شنسوي انقطاع اجباري بس على فكرة مو انقطاع انقطاع متابعكم والله بس ما لقيت فرصة للمشاركة الفعالة معكم لأنكم بصراحة تستاهلون ومهما نسوي ما نوصل للي وصلتوا له قبلنا وكلكم ما شالله خبرات في المغرب بس يكفي انه جمعنل شي واحد وهو حب المغرب يا بعد قلبي والله يالمغرب قال الشاعر اللي يطول عمره

لاصرت ضايق وجاير الهم طاويك شد الرحال ودرب المغرب تدله

باقي القصيدة مشفر والاشتراك منتهى نكملها في اقرب وقت ، المهم والله ونتفق انا وخوي دربي اننا نتوجه الى عين السردون ونصحى بدري ونلبس ونمشي متوجهين لعين السردون وطريقها حلو مزارع حلوة وهواء يرد الروح وين ذيك الايام انشالله تعود في القريب العاجل ونشوفكم هناك
ولقطنا ذا الصورة قلنا نجرب الكاميرا نخاف تسوينا فينا مقلب الواحد ما يدري والله ونمسك الخط صح انه يجيب الهم بس يكفي انه في المغرب والا ما امشي معه والله انواع التمشي متوجهين لعين السردون نوصل بالسلامة للعين وننزل وناخذ لنا ذاك التاي المغربي اللي يحبه قلبكم نبي نعدل الراس والله ونعدله بكاستين ونتوكل على الله ونطالع من يمين ومن شمالي شوي وتتكسر ارقابنا بس الله ستر
ايويلي على العين الصافية والشمس الدافيه والميه اللي هتجيب العافيه ، والله وناخذلك هذيك اللفه على العين والله في ذيك اللحظة نسينا شي اسمه كاميرا نبي بس نخش جو مسوين فيها شعار ونألف لكم ذيك القصيدة اللي مدري وش تبي بس حلوة قلنا نتذكرها لا رجعنا لديارنا والله الظاهر رفضت ترجع معنا قلنا يالله الديرة تستاهل صور يا ابو متعب صور وعطه تصوير مهوب عاقل بتهوفن مايدري وش السالفه أي يتهوفن الله يخلف بس :baaa2: طبعاً لا تعليق وش جاب بتهوفين للتصوير يالله يمكن تشابه اسماء ما يعرف الا بتهوفن حتى احسن طباخ يسميه بتهوفن المهم وناخذ لكم الصورة الواعرة والله الشعب المغربي طيب خاصة في المناطق الريفية بسيطين الى ابعد درجه الله يعطيهم العافية ديالنا
على طاري العافية والله يا صار لنا مواقف حلوة اول مرة نطلع للمغرب ما نعرف الا الله يعطيك العافية متعودين في السعودية المهم نركب الطاكسي ننزل نقوله الله يعطيك العافية والرجال يتغير وجهه ويمشي ما سلم علينا قلنا يالله ذا اكيد الرجال زعلان من شي نمشيها له ، ونطلع بعدها نشتري شريحة للجوال بعد ما خلصنا وحنا من اليوم كيف نشغل الشريحة وكيف نشحن اقلقنا امهم واخرتها نقولهم الله يعطيكم العافية ونمشي والله الربع ما ردوا علينا اشوفهم يطالعونا بعين قلت لخويي والله من شين الاخلاق عندهم في ذيك اللحضة احس انهم يقولون علينا والله يا هم ما يستحون على وجييهم هذي اخرت الصداقة ، المهم وتمشي السالفة طلعنا واخذنا الشقة وشفنا واعجبتنا قلنا خلاص بنسكن هنا وندفع العربون والله وتطلع الشغالة قالت بسوي لكم شاهي مغربي قلنا يعطيك العافية انشالله قولي امين قالت مين انا قلنا ايه انتي الله يعطيك العافية قلت لا شكرا بضم الشين مسوي فيها حق لغة عربية الا انتم الله يعطيكم العافية قلنا جزاك الله خير حنا نبيها تجيب لنا الشاهي وهي تزعل قالت ما فيه شاهي قلنا ايش المشكلة قالت لنا السالفة عرفنا ان الله ستر علينا والا كان الحين في عداد المفقودين . حلوة المفقودين لا يجي مني
معليش طلعنا من صلب الموضوع والله اني خطير اليوم وانواع الجمل الواعرة والله وبعد ما انهينا طلعتنا لعين السردون والله ونطلع لبني ملال في اليوم الثاني على طول ما عندنا وقت قلنا نضرب الحديد وهو حامي ودوس لشلالات لازود
هذا الطريق المتجه للشلالات طريق واعر انتبهوا وانتوا طالعين هناك انشالله قولوا امين والله وونوصل وننزل من السيارة (ونمشي سيراً على الاقدام بين الجبال) قلبنا حصة تعبير ثاني متوسط ؟ وتعال يا مشي ونقابل جسر على كيفك يذكرني بالجسر اللي في جزيرة الكنز ايام سلفر تذكر ايام الطفولة ونقطع الجسر متجهين للشلالات طبعاً ما فاتنا نلقط صورة للطريق
ما شالله انواع الخضرة والطبيعة الخلابة وهدوء يريح الاعصاب ما فيه زحمة ووجع راس كل شي على كيفك
هذي صورة لبداية الشلال من فوق يا قلبي اربع وعشرين ساعة وهو يمشي ودك تحمل وايت ماء وتاخذه معك للسعودية اصرف من المويه اللي عندنا على الاقل مويتهم في طعم المغرب والله كان ابيعه اللتر بخمسين بس لين اطلع قيمة التذكرة والباقي ببلاش وش رايكم فكرة حلوة
وهذي صورة للشلالات صدق لا قالوا ديرة نفاه وجوها يعدل الراس ذاك اليوم لو طلب من اي واحد شي اوافق على طول لأني مبسوط انواع الصرفيات ذاك اليوم مسوي كريم ابي الناس تنبسط مثلي .
والله عشنا في المنطقة هذي لحظات حلوة لا تنسى وانشالله لما تزورو المنطقة واكيد اغلبكم راح وشافها بس بصراحة لحظات لا تنسى ،،،،
واسف جداً على الاطالة وعسى بس تكون حازت على رضاكم صح انها صور من سنتين يعني ما اذكر تفاصيلها كاملة بس هذا اللي قدرني الله عليه وانشالله في السفرة الجاية واللي هي قريبة راح يكون التقرير الزوين والواعر . ويعطيكم الف عافية طبعاً العافية ديالنا