أكسفورد بلا شك
لكن كم ميزانيتك كاملة للدراسة والسكن ؟

وعليكم السلام ورحمة الله وبركاته
أبشر بعزك يا قمر
ممكن أعرف كم الميزانية وكيف مستوى اللغة الحالي
مع خالص حبي

يالغالي حتى انا ابي معهد في بورنموث
تكفى باسرع وقت رد لي لاهنت

واحد من الناس
ليش مصمم على بورمث ترى الفائدة راح تكون قليلة لو درست فيها
مع خالص حبي

السلام عليكم
مشكورين على الردود الجميلة والله يعافيكم..
بالنسبة للميزانية للدراسة مجهز مايقارب عشرة آلاف ريال لمدة شهر إلى شهرين فقط
علما بأني أبغى أسافر عن طريق مكتب طبعا العشرة شاملة المكتب والدراسة والسكن مع عائلة فقط...
الله يعافيكم ..
أتمنى الرد بأسرع وقت.....

البيضاني..
وعليكم السلام ورحمة الله وبركاته
المدة بالمبلغ هذا لن تصل الى شهرين لذلك انا أشوف خمسة أسابيع تكفي بهذا المبلغ على معهد طيب اما اذا كنت تبغى اي معهد فالمدة راح تزيد
يالغالي لا تسافر عن طريق مكتب أسمع نصيحتي ولا تندم
ممكن يا قمر أشوف شروط المدينة اللى تبغاها
مع خالص حبي

الله يعافيك يالغالي ملبورم وما قصرت...
بالنسبة للشروط الي أتمناها :
شرط أساسي:
أتمنى مدينه فيها معهد صح وأستفيد منها شروط فرعيه:
أتمنى مدينه جميلة.
أتمنى أنها تكون قريبة من لندن..
.................................................. ..
يالغالي ملبورن بالنسبة للمكتب والله إني ما أبغاه ولكني مجبور عليه لأسباب :
1- عشان ينسقلي مع ويحجز لي مع المعهد.
2- عشان يحجز السكن مع عائلة.
3- عشان إذا جيت المطار والله ما أدري وين أروح , فعلا ذلك هم يستقبلونك..
أخوي ملبورن إذا عندك حل لمشكلة المكتب .. ياليت لو توضح لي الحل لكل مشكلة..
مشكور يالغالي على مجهودك.
يالغالي ياليتك لو تذكر لي اسم المدينة والمعهد الي فيها..

يالغالي من ناحية المكتب ترى كل اللى ذكرته سهل جداً عمله
شوف يا قمر كل ما تحتاجه هو انك تعرف شخص يعرف انجليزي ويراسل لك معهد هو اللى راح يضبط لك المعهد بمراسلته ويحجز لك الكورس ويخلي المعهد يرسل لك واحد يستقبلك في المطار وهو نفسه كذلك المعهد اللى يوفر لك عائلة يعني كل شي تبغاه تقدر تسويه أنت من نفسك من دون الحاجة للمكتب
بخصوص المعهد وعلى مواصفاتك شيك على هذا المعهد بس لا تسجل فيه الا لما تعرف حال العرب فيه = اضغط هنا http://www.inlingua-cheltenham.co.uk/
مع خالص حبي

ماقصرت يالغالي ملبورن على هذا الرد
وأنا أبشرك قررت إني ما أسجل عن طريق مكتب نهائيا وسوف أخدم نفسي وهذا كله بفضل الله سبحانه وتعالى ثم بفضل أخونا الغالي ملبورن..
بالنسبة للمعهد..
1/ كيف وضعه من حيث القوة العلمية.
2/ في أي مدينة هل هو في (شلتنهام).
بالنسبة للدراسة يالغالي هل الفترة الصباحية أفضل أو المسائية..
وكم عدد الساعات الذي تنصحني فيه.
بالنسبة لكثرت العرب فأنا سوف أكتب سؤال حول هذا الموضوع..
مشكور يالغالي ملبورن..