https://artravelers.com/p/re/640216
بيفيدك هذا الموضوع

أهلا بك
بما أنك عريس وأول مرة تسافر وبما أنك جار جداوي عزيز فلك علينا حق كبير
تفضل هذا برنامج خاص جهزته لك ورفعته على النت نزله وأطبعه وإن شاء الله يكون خير دليل ومرشد لك في رحلتك إذا احتجت أي مساعدة لا تتردد ولا تنسانا من دعائك
تفضل ..
http://dl.dropbox.com/u/12088867/14%20days.pdf

بيض الله وجهك يااصاحبي بس الملف مو راضي يفتح مدري وش الهرجه
إذا ماعليك كلافه لو تكتبته او تشوف حل للملف

الملف بي دي إف يمكن ماعندك برنامج أدوبي أكروبات؟
طيب بحمله لك الآن على ملف وورد وأعطيك الرابط

جزاك الله خير حبيبي تعبتك معي مااقصرت
بس عندي استفسارات اذا ماعليك كلافه وسيلة التنقل من لنكاوي الى بينانج هي العبااره حاب اسأل عن طريقة الحجز هل تكون من الفندق ولا من اين؟؟!
وعن التوجه للاماكن السياحه في لنكاوي وبينانج وكوالا هل السائقين تعرفونها جيداً يعني لو اقوله بروح هضبة بينانج يفهم علي
وبخصوص زيارة الاماكن السياحيه في ماليزيا افضل باص هوب هوب ولا تأكسي لاني اخااف يكون الباص زحمه والواحد مايأخذ راحته
وحااب اسألك عن العشاء هل في خطوره لو تعشينا برا الفندق ورجعنا يعني الدنيا اماان هنااك في الليل وآخر وقت ممكن الواحد يتأخر فيه برا
وبرضوو بخصوص افاموسا هل تستحق الزياره ؟؟!
اخيراً هل في امااكن ماتنصحني اروحهاا للخطوره او للمناظر الخليعه اللي فيهاا
اعذرني اذا ثقلت عليك حبيبي

هلا بك ياغالي وإن شاء الله البرنامج عجبك؟
بالنسبة للفيري من لنكاوي إلى بينانج يوجد رحلتين كل يوم الأولى الساعة 02:30 ظهرا والثانية 05:15 عصراً وتحجز من لنكاوي لما توصل قبل السفر إلى بينانج بيوم أو يومين صاحب التاكسي بس قله فيري تكت وهو يوصلك إلى مكتبهم في كواه ويقص لك التكت وخذ على الرحلة الأولى علشان توصل بينانج بدري
نعم أصحاب التكاسي هناك ليس مجرد سائقين بل مرشدين سياحيين عندهم معرفة ودراية تامة بكل الأماكن السياحية ويعرفون الأشياء اللي تناسب كل سائح
باص الهوب أون هوب أوف في كوالا فقط ومافيه زحمة أبدا لأنه مو باص واحد بل عدد كبير عبارة عن سلسلة متوالية تمر على 22 معلم سياحي وفيه شرح بالعربي .. رحلة ممتعة لاتفوتك
التكاسي لا تشيل لها هم أسعارهم تعتبر رخيصة مابين 10 إلى 30 رنقت داخل البلد وإذا بالساعة الساعة ب 25 رنقت تلف به زي ماتبغى
البلد أمان فوق ما تتصور لا تخاف أبدا ولكن شيء طبيعي لاتبقى برا الفندق بعد 12 وهذا زي كل بلاد العالم لأنه وقت خروج السكاري والمعتوهين وأنت معك عائلة أكيد ما بتتأخر إلى هذا الوقت
لايوجد أماكن محددة كي أنصحك تبعد عنها لكن بصفة عامة المسابح يكثر حولها العري

هلا بلجار انا مكاوي ترى مو من جده
الجدول متاز ماقصرت والله بس في بعض الجمل متلخبطه يعني كلمه قبل كلمه بس إن شاءالله قدرت افهمها
بس بغيت أسال هل الفنادق تامن التوصيل من والى المطار ولا مع نفسك
وبخصوص المطاعم هل هي فريبه من الفنادق في كل الجز ولا يبيلها تاكسي
وبخصوص افاموسا هل تستحق الزياره ولا

أهل مكة حبايبنا وأقدع ناس
أنا تحت أمرك اللي مافهمته من الجدول إسأل عنه وأنا أوضحه لك .. اللخبطة حصلت لأن الملف وورد لو فتح معك البي إف دي ما تتغير الكلمات لكن
بالنسبة للتوصيل غير داخل في سعر الفندق لكن بعض الفنادق عندهم خدمة التوصيل من وإلى لكن أسعارهم تقصم الظهر لذا الحل الأمثل اللي كلنا نسويه هو إستئجار تاكسي من المطار زي ماقلت لك قبل بوابة الخروج نلقى مكتب التكاسي في وجهك قل له إسم الفندق وهو يعطيك تكت وتخرج عند الباب تلقى عامل يأخذ منك التكت ويركبك التاكسي يوصلك إلى باب الفندق .. باختصار لا تتشيل هم للمواصلات هناك التكاسي زي الرز
المطاعم العربية في كوالا عندك شارع العرب مليان عشرات المطاعم حتى مطعم حضرموت للمندى موجود
وفي لنكاوي موجودة بكثرة بس يبغالها تاكسي وزي ماقلت لك التكاسي كثير وبالنسبة للنكاوي التاكسي اللي يوصلك من المطار خذ رقمه واتفق معه كل ماتبغى شيء يجيك
أفاموسا من وجهة نظري ماتستحق الزيارة بعيدة وتعب وخسارة فلوس على الفاضي مجرد عروض بايخة قال لك عروض حيوانات وعروض طيور ومدري إيه !! لكن يمكن اللي معه أطفال تعجبهم والله أعلم