هلا اخوي هدف اول شي الله يسمح اموركم وتوصلون بالسلامه بالنسبه لاوزنجول تبعد عن المطار اجمالا 94 كيلو ... عباره عن 52 كيلو طريق ساحلي و42 كيلو صعودا للجبل اول ما تطلع من المطار لف يسار وخل المطار والبحر على يسارك تجيك محطة وقود فلل او عبي حاجتك من الوقود اذا استلمت السياره فاضيه عبي ربع التانكي ب 60 ليره والمحطات متوفره لا تخاف... تقطع مسافة 52 كيلو بعدين تشوف لوحة اوزنجول وانت على السريع تلف يمين للجبل ... اما موضوع الفنادق فيوجد بها اكواخ خشبيه روعه ومذهله للاقامه والايجارات متوسط 30 دولار امريكي في اليوم وتحجزها مباشره من اهلها علما انهم لا يستغلون السائح ويقبلون مسألة المكاسر او المفاصل اما بالنسبه لموضوع التنقل تستطيع ان تشتري كخريطه من مطار انقره خريطه لمدينة طرابزون واضحه جدا وما تحتاج اي خبره... مدينة طرابزون في لحضه تعرف شوارعها لأنها باختصار امتداد على الطريق الساحلي المؤدي الى جورجيا باتجاه الشرق والبحر على يسارك المهم ماطوول عليك تستاجر سياره من المطار ويفضل سياره ديزل فل اوتوماتيك 2012 م سعرها 40 الى 45 دولار امريكي في اليوم فل تانك يمشيك الف كيلو بس اهم شي اذا استاجرت سياره تفقد العداد لا يتجاوز الخمسين الف والكيلو مفتوح ما عندك مشكله واذا جيت مسافر تسلمها المطار عادة يسلمونك السياره فل تانك وترجعها فل زي ما استلمتها واي استفسار انا حاضر وش دعوى ولا كلمه حاضرين للطيبين ..

ياخي ما أقدر أعبر عن شكري وامتناني العظيمين لمقامك أيها القيصر ( اسم على مسمى )