السلام عليكم ورحمة الله وبركااته
افزعوا لي يالربع
انا حجزت على اندونيسيا يوم 24 يونيو ، يعني بعد 15 يوم بالتمام والكماال والعودة في 11 يوليو
حجزت عن طريق عمّان ابو ظبي جاكرتا ، علماً إني بشمال السعودية ، يعني قريب من الأردن
المهم
التذاكر وقصيتها أمس على طيران الاتحاد ثلاث تذاكر رايح جااي ب 8500 ريال دقدق ، ريال ينطح ريال
أنا أول مرة أروح اندونيسيا ، وما شجعني إلا تقاريركم وسوالفكم عنها ، ومعاي 2 من الشباب والله ما يعرفوا طبسا من عبشا في اندونيسيا ، ما معانا لغة ، ولا نعرف شي عن اندونيسيا .
بس ما عليكم إن شاء الله إنهم شقردية ولا أحد يضحك علينا ، بس أبي الفزعة منكم إذا نزلت جاكرتا وين أرووح ، لحد يقول فيز ومدري إيش ، عاارف هالسالفة من تقاريركم ، أبي بعد ما أفيز وآخذ شنااطي وأطلع من المطار وين أروح ؟؟
لازم أحجز سيارة من المطاار ، والا تكسي يكفي يوديني لأقرب فندق ، وأجلس يوم يومين واروح للجبل الأخضر ؟؟!!
وكم سعر التكاسي ، وكم سعر السيارات ، وضروري آخذ سيارة 24 ساعة معاي والا ما يحتااج ، وأسعاار الفلل كم تكون ؟
انا قريت كم موضوع هنا يقول راعي التكسي يكبس بالنور لنقطة التفتيش وهمن صفط على جنب ، يالله قرقشنا والا ما تمشي ؟؟!! ، يحول أنا رايح استاانس والا أقرقش جيوبي على الفااضي .
وبعد حطوا نفسكم مكااني ، وين تروحون باندونيسيا ووين تسكنون ، وكم الأسعار وكم آخذ معاي مصرووف ، ومن أنزل أصرف فلوسي كلها اندونيسي والا أصرف كل يوم 500 ريال ، وآخذ فلوسي معاي وين ما أروح والا أخليها بالفلة إذا سكنت بالجبل الأخضر :8888: و و
تفكوون ساعدوني ترى ذنبي برقبتكم ، وانتم اللي أقردتوبي ، خوياي يقولون أنت المدير حق الرحلة ، وانا قداامهم أضرب صدري وأقول أزهلوها ، انا فاهم الكُفت من منتديات المسافرون العرب ، بس والله بلشت أروح للتقارير أستاانس وأقول عرفت كل شي ، بس لما أفكر لما أوصل وش أسوي وين أروح أبلش بعمري
مراسلكم من مدينة عرعر بشمال السعودية ، وقريباً جداً من الجبل الأخضر باندونيسيا