- اولا:الحمد لله على سلامة هلا ابنة الاخ العزيز وافي وما تشوف شر يا رب
لسلام عليكم ورحمة الله وبركاته...
اولا:الحمد لله على سلامة هلا ابنة الاخ العزيز وافي وما تشوف شر يا رب
ثانيا :عندي بعض الاستفسارات أرجوا الرد عليها من أهل الخبرة مأجورين وفي اقرب فرصه ممكنه ياليت.
1/ انا حجزت فنادق عن طريق بوكينق قبل شهر تقريبا وعطيتهم رقم الفيزا وحتى الان ما خذوا ولاشي واخاف ان الحجز ماتم علما بأنه عندي رقم حجز للفنادق وماني داري وش اسوي وكمان حجزت على طيران اسيا وحطيت وزن العفش من 15 الى 20 كيلو والحين محتاج اغيره لأكثر وماني عارف وش اسوي علما بانه لو زاد كيلوات زياده رفعوا السعر في المطار ..
2/بعد كم يوم طالع شهر العسل بإذن الله وراح يكون 16 يوم و15ليله وراح تكون كالاتي
- ليلتين في سلانجور في فندق صن واي رزوست
- ثلاث ليالي في بينانق في فندق بارك رويال
- ثلاث ليالي في لنكاوي في فندق بلانجي بيتش
- ليلتين في جنتنغ في فندق فرست وورلد
- اربع ليالي في كوالا في فندق تردرز
((((المطلوب))))
كرما لا امرا وضع جدول للتمشيه وتحديد المواقع والاماكن التي ينصح الاخوه بزيارتها وماهي اسعار التاكسي تقريبا لأماكن التي سوف تحدد. وهل يفضل العداد او الأتفاق مع السائق.
3/كي وغسيل الملابس هل هو متوفر في هذه الفنادق؟ وماهو الافضل بين الغسيل في الفندق او في الخارج وماهي االأسعار تقريبا؟
4/ماهي اسماء مطارات طيران اسيا في مدينة سلانجور او كوالا لأني بصراحه ماني داري وجزيرة لنكاوي وكم اسعار التاكسي ؟
5/كم تكفي ميزانيه لهذه المده وكم احول من ريال للرنجت وهل اذا رحت لبنك الراجحي يعطيني والا المطار
افضل وما هي الطريقه الافضل للصرفيه وهل ينصح باخذ مبلغ كبير كاش ؟؟
6/أي رأي او نقد على راسي من فوق والله.
واخيرا انا داري اني ثقلت وطولت في الأسئله لكن شرهتكم علي اللي مايدري وش في هالديره ولكن ما اقول غير الله يوفقكم ويفرج همكم ويجبر بخاطركم ولكم خالص تحياتي .....
أهلاً أخي أبوفيصل
أمورك كلها تمام إن شاء الله لكن هذا القلق شيء طبيعي كل ماقرب الوقت
تعال نفصفص أسئلتك واحد واحد
أول شيء أبغى أهنيك على هذا البرنامج الرائع حقيقة برنامج من أروع مايكون من حيث توزيع الأيام ومن حيث الفنادق فنادقك قمة روعة من ميع النواحي
وبإذن الله راح أرتب لك برنامج يومي على حسب مخططك
الأسئلة:
1. إذا كان الدفع في الفندق فإنهم مايسحبون ولا ريال ويكون الدفع عند الوصول للفندق فهل كانت الفنادق اللي أخترتها وقت الحجز مطلوب الدفع مقدماً أم عند الفندق ؟ والشيء الآخر هل وصلك تأكيد الحجز (الفاوتشر) على الإيميل؟ هذا أهم شيء إذا وصلك لا تشيل هم هذا يكفي فضروري جداً تتأكد من هذي النقطة2. ابشر ببرنامج يومي مناسب للعرسان
3. غسيل وكي الملابس متوفر في كل الفنادق لكن الأسعار نار أحياناً الغسيل والكي أغلى من سعر القطعة لذا الأفضل لك تغسل برا ويوجد مغاسل وكل شيء مثل هنا4. سلانقور وكوالا هذولا كأنهم مدينة واحدة لأنهم متلاصقتين في بعض ومطارهم هو مطار كوالا ويوجد مطارين بجوار بعض المطار الدولي ورمزه klia والمطار المجلي lcct فإن كنت حاجز على طيران إيرأسيا فإنه طير من المطار الداخلي لما تجي رايح للمطار وأنت تبغى تسافر لنكاوي قل لصاحب التاكسي lcct وهو يوصلك للمطار المحلي.
أسعار التكاسي من المطار إلى كوالا أو سلانقور 80 رنقت للتاكسي العادي
وبالنسبة للنكاوي هي جزيرة صغيرة فيها مطار واحد إسمه مطار لنكاوي ومن المطار إلى فندق بلانجي بيتش يكلفك حوالى 25 إلى 30 رنقت بالتاكسي5. بالنسبة للتكلفة أنصحك تدفع الفنادق بالبطاقة الإئتمانية والطيران أنت دافعه خلاص بقي المصروف اليومي تقريباً 400 رنقت في 14 يوم = 5600 رنقت هذي خذها كاش معك من هنا حول من الصرافين وليس من البنك الصرافين سعرهم أفضل إذا كنت في جدة عندك العامودي في البلد أحسن واحد يعطي سعر كويس وأيضا خذ معك بطاقة صراف الراجحي تقدر تسحب من حسابك هناك من صرافات الراجحي المتوفرة هناك عادي كأنك تسحب هنا بس بدل الريال يطلع لك رنقت
6. موفق حبيبي وأمورك تمام إن شاء الله أهم شيء تتأكد من حجوزات الفنادق إنها تمام