شواصي
03-03-2022 - 03:19 am
السلام عليكم
الحقيقة انا قررت السفر انا واخي واختي واالوالدة يعني احنا عددنا اربعة اشخاص
والصراحه اني من جد للحين ماني عارف احدد المدن والفنادق اللي اسكن فيها
لكن انا بشرح لكم الوضع وارجوكم ساعدوني لاني وربي مشغول جدا في عملي ولا احصل وقت ادخل اقرأ كل التقاير الموجودة
احنا مثل ماقلت لكم اربعة اشخاص رجلين وامرأتين
السفر على الخطوط التركية من البحرين الى اسطنبول من تاريخ 26 /7 إلى 13 /8 طبعا بالميلادي
طبعا احنا عايلة محافظة جدا ولانريد ان نتعرض لمواقف عري وتفصخ
اكثر شي نحرص عليه الاماكن الطبيعية والآمنه
والتسوق مايهمنا كثير ... عشان نستغل الميزانية في تغيير الجو اكثر
ودي تحددوا لنا المدن اللي نروح لها وكم يوم في كل مدينة وبعد ياليت اسماء فنادق ممتازة
ماتكون غالية حيل لكن تكون نظيفة وممتازه وسعرها مناسب او حتى شقق فندقية
ارجو ترسموا لنا خط سير كيف نروح وتحددو لنا الايام وكيفية التنقل بين المدن وترى على فكره ماتهمنا كثير المتاحف يعني متحف او متحفين يكفي
اهم شي الطبيعة الخلابة والتمشية الحلوه
يااخواني واخواتي الله يخليكم انا معتمد على الله ثم عليكم ولاتبخلوا علينا يعني الرحلة تقريبا يمكن 19 يوم
ولكم كل شكري وتقديري
جو وطبيعه واستجمام ..لكن بتحتاج الى حجز طيران داخلي من اسطنبول لى طرابزون ..
والافضل برأيي تكون رحلتكم كالتالي :
اول ماتوصلون اسطنبول تكون ترانزيت يعني ماتنزلون فيها وبعدها على طرابزون ..
طبعا اذا كان وصلولكم لطرابزون بالليل فالافضل تنامون فيها ومن ثاني يوم الصباح تنطلقون الى اوزنجول
وتجلسون بأوزنجول اسبوع
وبعدها على ايدر مثلا 3 ايام
وبالاخير تتجهون الى طرابزون ايضا 3 ايام او يومين براحتكم .. ومنها تطلعون الى متشكا وكشندرا وترجعون بنفس اليوم ..
وبعدين ترجعون الى اسطنبول وتجلسون فيها باقي الفتره وتخصصون يوم تزورون يلوا بالعباره وترجعون بنفس اليوم .. او اذا تحبون تنامون فيها يومين ومنها تطلعون لبورصه لان يلوا تبعد عن بورصه ساعه بالسياره يعني ممكن من يلوا تزورون بورصه ( لجبل الالوداغ وترجعون ليلوا بنفس اليوم )
اذا الوالده الله يحفظها نشيطه انصحكم بهالبرنامج ..
وبالتوفيق ان شاء الله ,,