مالك ألا خشمك حتى لو كان عوج
السعودية حلوه ومستحيل مايقدمون خدمات او بطانيات..الا في الشديد القوي
وانت خلك ذيب أول بطانيه تطيح عليها عينك هي لك...
وبالسعر ذا كان المفروض
دايركت .

اخوي اروقامي
ما قصرت بالرد السريع يعني غالي بالسعر ذا لان بيني وبينك الاجازة كلها 10 اريام وتبداء من 25 ديسمبر
وش رايك وش تنصحني فيه اشوف طيران ثاني لاني اول مرة اسافر للمانيلا وشفت الوقت مناسب بسالسعر كنه
غالي شوي اذا فيه طيران ثاني وحليو بدور من اللحين الله لا يهينك وشكرا على سعه صدرك

هاوي اسفار
اولا ابيك تسجل معانا
اللي بيسافر للفلبين يسجل هنا..... http://اللي بيسافر للفلبين يسجل هنا.....
والله ياغالي مافي زي الدايركت وأجازتك قصيره يعني تقدر توفر خمس ساعات طيران مقابل حدود 200 ريال للتغير الرحلة او استردادها
وانت ورايك العاقل خصيم نفسه

الرابط ما يفتح
وشكرا لك اخوي

حياك الله أخوي هاوي أسفار
لما تجي تقارن السعودية بالاماراتية والقطرية والاتحاد اكيد فيه فرق
الخطوط السعودية ليست سيئة .... ومواعيدك رحلتك مناسبة
خليك على حجزك وتوكل على الله
بإذن الله سهالات
تقبل مروري ورحلة موفقه وسعيدة

يالبى روحك يا حمدان
شورك وهدايه الله
يا اخواني قالو فيه فندق اسمه مكاتي بلس افينو او بالعكس اللي يعرف رابطه يحطه لانه باذن الله بحاول اسكن فيه
هل هو قريب من المحلات والمطاعن لاني رجال احب امشيء واتفرج بس ودي تعطوني وش اقول لهم اذا حبيت
اكل لحم او دجاج من ماكدونالدز اكنج بورقر وغيرها من المحلات الكبيرة لاني اخاف اتوهق ويعطوني لحم او فيه شيء
من مشتقات الخنزير همن اتوهق صدق
تكفون يالاحبه الفزعه

انا اقول مادامها عشرة ايام خلك على السعودية بس نصيحة اذا فيها تحول من الطيارة انتبة للبوابة الى راح تقلع منها لانك راح تدوخ مع عالم القليل يفهم انجليزي حتى تتفاهم معهم
وانا من فترة طويلة ماسفرت على السعودية بس اخر مرة كانت زحمة ودرجة اولى ولا بسنس مافية فل
وش سوى اخوك بودحيم اخذا لة 2بطانيات ووسادات وعلى المسجد الى بالطائرة ونوم ونوم الى قربنا مانيلا
فاذا باقي سالفة المسجد لا اوصيك لايفوتك

يالله حي شايبنا وعساك على القوة نصيحتك ذي بحطها في البال
بس الشايب اللي هو انا يبي لي سكن زوين وش تنصحني فيه خاصه في مكاتي يعني من 100 دولار وتحت وياليت انه
نظيف وقريب من المحلات والمطاعم ويوجد فيه خدمه واير لس او انترنت ومثل ما قلت لك يا بو دحيم اهم شيء الاكل
ما يكون فيه شيء من لحم الخنزير ولا دهونه لان نفسي شينه وقشرا وفيها سلامتك وسلامه من حضر

هاوي اسفار
مكاتي بلس تلقى سعره أقل من 200ريال في المواقع
وهو قريب من كل شئ الامول اوف اسيا
واذا ميزانيتك لليوم 100$ لايفوتك h2o hotelوهو قريب من المول المذكور
وكل اللي طلبته موجود فيه
وموقع الفندق تفضل
مكاتي بلس

والله اللحوم تجنبها ياغالي حقت المطاعم ذي
وحهة نضر....
لاكن فيه أكل حلال..ربما يكون غالي شوي
وأخوي الغالي شاكر حرصك علي أهلية طعامك يدل علي أنك مهتم لما تآكل..
وانصحك أي مطعم تطبه تسأل ع طول عن الشيف
وتقوله
اي ام مسلم نو هام نو بورك
اونلي فيجتبل أويل
ولو تمشيها اي ام فجتيرين
يعني انا نباتي
وصدقني راح تلقاهم يقدرون ويتجاوبون بسرعه
ونيوز بيبر يعني كل العمال في المطعم ياخذون خبر
وخليك ع البحري الذ واطيب
واحرص حين يطبخ لك البيض خصوصا وجبة الافطار
أن يغسل المقلاة ويمسحها لانهم يطبخون البيض بالخنزير