اخوي الفنادق حسب اختياكم في الغالي وفي الرخيص
والمصروف اليومي هم بعد حسب مصروفكم وتحكمكم فيه والمواصلات
طبعا الترام والمترو افضل طريقة لكم والارخص جدا
التكلفة اليومية للاكل والشرب والمواصلات بالترام وغيره 500 ريال تكفيكم
والطيران حسب الخطوط الجوية

راجع تقرير الزميلة بشرى اوس عن انطاليا تستفيد كثير

عبدالرحمن موسى
الله يعطيك العافية أخوي طيب ال 500 هل هي لواحد أو لاثنين وهل في أنطاليا مترو وباصات ولا بس اسطنبول..

hazim b
طيب يا قمر ممكن تكتب لي رابط الاخت أوس أكون لك من الشاكرين...
ولا انا ودي احصل واحد فنان يرتب لطلعتي أن شاء الله عشان امشي عليها بالضبط لاني دخت من كثر ما قريت..

لا اخوي لاثنين ان شاء الله ، وبانطاليا ما في مترو او ترام في باصات
اذا قدرت تعتمد على الباصات امورك طيبة وتمام وممكن تكون التكلفة اقل من هالمبلغ اليومي
انتوا كم يوم ناويين بانطاليا ؟
وبحاول ارتب لك جدول حسب معرفتي

عبدالرحمن موسى
بعدي ..والله ناوي ان شاء الله 6 ايام اسطنبول و6 ايام انطاليا
طبعا وصولي بكون اول يوم في اسطنبول وبطلع ثاني يوم انطاليا ونجلس هناك 6 ايام وبعدها نرجع نكمل المدة الباقية 5 ايام في اسطنبول..ولك تحياتي من اعماق قلبي

اقتراحي انك تخلي انطاليا 4 ايام احلى واجمل
ويومين بورصة
والباقي اسطنبول ولك حرية الاختيار
الحجز شوف منتجع بورتو بيلو شامل كل شي ( افطار غداء عشاء و سناك )
وفيه مسابح داخلية وخارجية وشاطئ خاص وملاعب ونادي وكل المطلوب
اليوم الاول شلالات دودن وكورشيلو
اليوم الثاني قرية كاليشي وراح تاخذ معاكم وقت حلو لان فيها قعدات وممكن تطلع جولة بالقارب بالبحر
اليوم الثالث ددمن فيها الاكوابارك والعاب مائية حلوة
اليوم الرابع الاكواريوم و حديقة اتاتورك فيها جلسات رائعة ومطاعم
اليوم الخامس اذا تميتو هناك ، تتفقوا مع تاكسي او جروب من المنتجع او مكتب يوديكم على جبال اولمبوس
اليوم السادس مدينة كيمر اذا قعدته كل هالمده
واذا انتوا شباب ، استأجر سيارة وتوكل على الله راح توفر كثير بالمواصلات والتعب بالتنقل

عبدالرحمن موسى
الله يسعدك يا شيخ
كثرت عليك بس تحملني>>بخصوص بورصة هي اقرب لانطاليا ولا لاسطنبول
وثانيا بالنسبة لافضل الشواطئ في انطاليا وين مكانها وهل فيه ركوب امواج وانشطة بحرية مثل الطيران والموزة والشغلات هذي وسلامتك

ولا يهمك اخوي ولو حاضر
بورصة اقرب الى اسطنبول ساعة ونص بالعبارة تقريبا من ميناء ياني كابي
وشواطئ انطاليا لارا وكونيالتي ، واعتقد ان الاثنين فيهم الانشطة البحرية