سندريلا سدير
17-03-2022 - 05:46 pm
هلاوالله بخواني .. ومشكورين ويعطيكم العافيه على الدخول لموضوعي بس ياليت تجاوبوني..
انا بروح لتركيا الاسبوع الجاي ان شاءالله ومره كنت متحمسه لها وتحمست اكثر يوم قريت المواضيع وشفت الصور عنها والبركه في اعضاء المنتدى والله ماقصرو...
ومالكم بالطويله المهم حنا اربع اشخاص انا وامي واختي واخوي والمده15يوم وقابله لزياده على حسب الجو والاهم الميزانيه..!!
والقصد من الرحله التمتع بالطبيعه لان تعرفون السعوديين فيهم فقر طبيعه وملو من التطور ..
وبغيت اسألكم نقدر نروح لاسطنبول ويالو وبورصه وتربزون واوزنجول وابانت يعني يمدي ب15يوم نمر عليهم كلهم؟؟
وانا سويت برنامج من راسي قولو حلو او لا ؟ اللي هو :
يوم اسطنبول يومين يلو يومين اوزنجول يومين تربزون يومين ابانت ثلاث ايام بورصه وثلاث ايام اسطنبول
وابي احد يقولي ترتيب هذي المدن من حيث الاقرب لاسطنبول؟
وبعدين هل صحيح اسطنبول مانتفع للعوائل خاصه المحافظه؟
والجو كيف بيكون بهذا الوقت؟تكفون لاتقولون حار او معتدل انا ابي براد متنى من الحر بالرياض
وبعدين في سؤال مهم الحين عادي إذا رحت وكنت لابسه عباتي ومغطيه وجهي يعني لابسه نقاب مثل اذاكنت بالرياض وشكلي ماراح يكون ملفت للانتباه؟؟!!
ومره شكرا الله يجزاكم خير
ولوسمحتم لاتنشوني
بس انا اليوم رايحه ان شاء
لو دخلت من هناك برد عليج