سلام عليكم ورحمة الله وبركاته
انا قدمت على جامعه في سانت كلاود في ولاية مينيسوتا الامريكيه والي قدم لي شخص معرفه ..
المهم الرجال الي قدم لي تاخر بارسال الاوراق الاصليه حقة الجامعه وانا موعدي يوم 11 اكتوبر
وانا حاليآ وراقي مو كامله يعني ما عبيت النماذج المطلوبه مني 157 و 158 لاني انتظر الاوراق عشان اعدل بيناتي
المشكله عندي ان اخر موعد لتعديل بيناتي على موقع السفاره هي يوم 6 اكتوبر يوم الثلاثاء القادم ؛
وانا ما عندي الا ورقه السيفيس ومدري وش سالفتها اتوقع قبول المعهد ؛
وش تنصحوني فيه انا حاجز قبل الرمضان والرجال تاخر علي في قبول الجامعه ، وموقع السفاره هذا جنني وعقدني
جتني فكره اني الغي موعدي وحجز موعد ثاني لين ما تكمل وراقي
بس خايف الغي موعدي وتكون الدراسه هناك ابتدت
تكفون الي عنده حل ونصيحه لا يبخل علي فيها والله يجزاكم كل خير