اشلون اطرش لك على الخاص

مادري على بالي فيه رسايل عالخاص بس ياحبيلك عطنا معلوماتك وان شاء الله الإداره يبي يراعوننا يدرون اني ممكن اضيع
خ

اهلا وسهلا فيك اخوي حسون القصيم ..
بالنسبة لاستفساراتك :
ج1 : طبعا الحجز يفضل ان يكون من هنا .. وعلى راحتك اما عن طريق مواقع الحجز بالنت او تكلم الفندق مباشره ( تدخل على موقعهم وتاخذ رقمهم الخاص ) او عن طريق مكتب سياحي ( وماانصح بهالطريقه )
الفنادق تعتمد على حسب المنطقة ( طرابزون او اوزنجول ) يعني في طرابزون بتلاقي فندق 5 نجوم وفيه ايضا 4 نجوم بمستوى ال 5 وفيه اقل من كذا .. كله على حسب ميانيتك ..
واسعار الفنادق في طرابزون تتراوح من 300 دولار الى 100 دولار وممكن تلاقي اقل ..
اما موتيلات اوزنجول هي عباره عن اكواخ ( بنقالو ) وطبعا مستواها عادي جدا لكنها نظيفة وجميلة وبسيطه .. ولازم تحجز لها من هنا لان عليها ضغط كبير وتتراوح اسعارها من 200 الى 90 دولار وممكن تلاقي اقل في حالة بعدت عن البحيره ..ج2 : اذا كنت في طرابزون فممكن تحتاج لسائق بسياره ( كل يوم ) لانك من طرابزون بتطلع لعدة مناطق مثل متسكا وكوشندرا .. غير كذا تبي تشوف المدينه نفسها .. اما بأوزنجول مااعتقد انك راح تحتاج السياره كل يوم .. لانك ممكن تتمشى بالمنطقه ( عالاقدام ) وهي صغيره .. وممكن تحتاج للسياره في حالة انك حبيت تطلع للاماكن القريبه منها مثل ريزا ومرتفعات سلطان مراد
ويومية السيارة بالسائق بالعاده تتراوح من 120 الى 150 ليره باليوم ..ج3 : بالنسبة للخدمات هناك : في طرابزون :
عندك مجمع فورم .. مجمع جميل جدا وهادئ والتسوق فيه ممتع والمحلات اللي فيه جميلة وراقيه واسعارها مناسبه .. وفيه قسم العاب الكترونيه للطفال وقسم كبير للمطاعم متنوعه وجميله جدا و اذا انتم من محبي المجمعات والتسوق ممكن تقضون فيه يوم كامل ..
وعندك ايضا المطاعم اللي عالكورنيش .. هي مو فخمه بسيطه لكن الجلسه فيها ممتعه واكلهم لذيذ جدا ..
واذا تحب الاكل الراقي وال ( البوفيه ) طبعا عندك الفنادق .. لكن انصحك انك تاخذ مع الفندق فطور بس وجرب مطاعم طرابزون الجميله واكلهم الشهي ..
اما في اوزنجول .. طبعا الاكل بسيط هناك وكله شوي لكنه وبكل امانه لذيذ وماراح تنسى طعمه ابدا ..
وممكن من طرابزون او اونجول تطلع للاماكن القريبه منهم ( يعني تروح وترجع بنفس اليوم ) مرتفعات ومسطحات خضراء وجو جميل وبارد .. وممكن تسوون باربكيو هناك ..ورحلة ممتعه ان شاء الله ,,