النويمي
02-12-2022 - 08:48 am
السلام عليكم انا عضو جديد ولي اكثر من شهر ادور على موقع فيه ربع خدماتكم ما لقيت !!
وبعد ما بديت اطنش النت بالصدفه لقيت اعلان لهلموقع من موقع ثاني تابع لمكتوب واستفدت كثيراً من تجاربكم هناك ونصائحكم
لكن ما لقيت موضوع قريب من وضعي
انا كويتي بالكويت وابي اروح لنيوزيلندا بهاملتون ابي ادرس لغه لمدة 6 شهور انشالله بروح بشهر 2 الجاي (ميلادي طبعاً)
وسمعت ان الفيزا واجرائاتها وحجز العائله والتسجيل بالمعهد يبيله تقريبا شهر الا شهرين تقريبا يعني لازم ابدا من شهر 12
ومافي سفاره نيوزيلنديه بالكويت بس في بالرياض ونشالله بروحلها لاكن ابي اعرف شنو اجيب وياي من اوراق ومستلزمات لاني اذا رحت الرياض ماراح ارد الكويت
وابي نصايحكم بافضل معهد بهاملتون من خلال تجربتكم الخاصه وابي اعرف شنو الفرق بين دراسة لغه اكادميه ودراسة لغه عامه علماَ باني انوي بعد تعلم اللغه الدخول بكلية الحقوق والقانون الدولي الذي يتطلب التوفل باللغه...فما الدراسه الانسب لي لاني مبتدي (دونكي باللغه)
ابي نصايحكم شباب وانا من خلال بحثي عرفت اني راح ادفع ما لا يقل عن 40 الف ريال شامله المعهد والعائله والتائمين والفيزا وتذكرت الطيران لمدت 6 شهور من غير المصرف الشخصي فهل هو المبلغ المعتاد للدراسه هناك ؟؟
وكم تقريبا احتاج مصرف شخصي شهريا هل 500 دولار نيوزيلندي مبلغ مناسب شهريا كمصرف
ولا تحرموني من نصايحكم اعرف اني كثرت الاسئله لاكن مالي غيركم ...الله يعطيكم العافيه
اخوكم :عبدالرحمن ،،،،
الدراسة في نيوزيلندا
اخوي انا الحين موجود في نيوزلندا وسمع كلامي اذا عجبك طبقة
انت لا تطلع فيزا ولا شي انت اتفق مع معهد بس عن الدراسة لمدة شهرين ونص اوكية بعدين لا تدفع له مقدم اكثر من اسبوعين بس اسبوعين لو قالك لا قل لا وشف غيرة فهمت انتبه تدفع اكثر لانه يمكن مايعجبك
اول ماتصل المطار بيسئلونك ليش جاي قل جاي ادرس شهرين واتمشى وارجع
اذا وصلت هينا وجيت المعهد قلهم طلعو لي فيزيا يطلعونها لك في اسبوع فهمت انت بتدخل الديرة بفيزة سائح مدتها ثلاث شهور بعدين المدرسة بتطلع لك فيزت طالب واجرائاتها من نيوزلندا اسهل
انا ما اقدر افيدك اكثير عن هاملتو لاني ماجيتها بس اعرف انها متطقة صغيرة وحلوة
اخوي تحياتي واحفظ الله يحفظك اينما كنت