1. بقي الفنادق ناخذها واحد واحد ...

السلام عليكم ...
حياك الله أخوي b_eisa ... وألف مبروك إن شاء الله ...
بالنسبه للبرنامج عموماً ممتاز ... توزيع الأيام على المدن حلو بس لو تزيد يوم لبينانق وتخليها 3 أيام تكون أفضل في نظري ...
المواصلات تمام ... ولو تخليها كلها طيران أحسن وأحسن... يعني من لنكاوي لبينانق بالطائرة أريح لكم دامكم عرسان ... هذا رأيي ... والله أعلم

بقي الفنادق ناخذها واحد واحد ...

جي دبليو ماريوت في كوالا ممتاز جداً وموقعه حلو في شارع العرب .... ولو إني أفضل للعرسان يبدؤا أول يومين في أحد الفنادق اللي خارج المدينة مثل الخيول الذهبية ( وسعره أرخص من ماريوت ) أو صن واي لاقون ولو الميزانية طيبة تاخذ سويت العرسان في صن واي لاقون روعه..
شيراتون لنكاوي حلو ... وتوه واحد من الشباب هنا في المنتدى جاي منه ويمدح فيه كثير ... ولو إنك تبحبحها شوي وتاخذ شيراتون بيردانا يكون أحسن .... ولو إني أفضل لنكاوي لاقون للعرسان أكثر من الشيراتون لأنه هادي وجديد ومناسب جداً للعرسان ...
بارك رويال في بينانق حلو اذا كانت الميزانية ما تسمح بفنادق الخمس نجوم مثل راساساينق و موتيارا اللي هم الأفضل في بينانق .... يبقى عندك خيار حلو كمان وبنفس سعر البارك رويال اللي هو باي فيو بيتش وفي نظري أنا إنه أحلى بحته من البارك رويال ...
إكوتوريال في كاميرون ... ما عليه كلام أفضل فندق في كاميرون ولا تنسى تاخذ سيناتور سويت ..
رينيسانس كوالا ممتاز ... بس يفضل دائماً آخر الأيام في كوالا تكون في فندق حول شارع العرب عشان الأسواق والمطاعم وغيره ... يعني عندك الويستن أو الماريوت اذا الميزانية طيبة أو دورسيت ريجنسي اذا ودك توفر ...
وأعتقد قصدك في الأخير زيارة لجنتنق مو بينانق ...
تحياتي لك وبالتوفيق إن شاء الله ....

البرنامج جميل لكن زود يوم ثالث في بينانق على حساب السته أيام الأخيره إللي بتقضيها في كوالامبور.
مع إني ضد تضييع الوقت والمال في الكاميرون لأنها عادبه جداً و ماتستاهل
لكن بعض الإخوان في القروب معطينها أكبر من حجمها
أعتقد إنك تقصد جنتنق في الجمله الأخيره وليس بينانق

هلا بك b_eisa،،
في البدايه أبارك لك.. وأدعو لك بالتوفيق..
فبارك الله لكما وبارك عليكما وجمع بينكما في خير,,
صراحة إخترت عنوانك للمشورة لك وإبداء الرأي،،
لكن لمّا شفت حبيب ألبي (أبو ميسم)..
قلت خلاص.. إذا حضر الماء بطل التيمم،،
ما أشار به لك هو عين العقل....
تمنياتي لك بسفر سعيد وعود حميد بإذن الله،،
والله الله بالحجز قبل موسم الزحمه!!
مع التحية،،

السلام عليكم
البرنامج ممتاز ورأي اخوي ابوو ميسم امتز منه واذا تبي الكلام المجرب
روح اول ليلتين في الخيول الذهبيه لانه برى المدينه وفندق يستاهل
الروحه له خاصه في شهر العسل وهو اقرب للمطار من فندق ماريوت الكائن
بوسط المدينه وبصفتي مجرب اقترح الاتي بناءً على ماذكره اخوي ابو ميسم
مع بعض التبهيرات مني :
بعد الوصول تتجه الى الخيول الذهبيه ليلتين
بعدها الى المطار للسفر الى لنكاوي حسب برنامجك وانا اشوف ان فندق
لنكاوي لاقون حلو لشهر العسل لانك بتاخذ شاليه فوق البحر مباشرة بسعر
مناسب جدا ولنكاوي تكفيها ثلاث ليالي.
بعد لنكاوي تروح بياننق ونصيحه لك لاتروح بالباخره لانك بتندم وخاصه انك
بشهر عسل يعني لاتخربها مع المدام مثل ماسويت انا رغبةً بالتوفير وبعدين
اكتشف ان الفرق 200 ريال تقريبا يعني ماتسوى.
بياننق انا مارحت لها ولكن حسب كلام المجربين وبناء على توصية ابو ميسم لك خذ
فندق موتيارا حلو وفخم وهادي او فندق راساسينق )
الكاميرون مارحت لها بعدما ماعرفت ان مافيها الا الجو البارد محليها لكن طريقها
يخليك تستغني عن هذا الحلى لانه متعب ومقرف حسب ادعاء الزائرين لها
العوده الى كولالمبور والبقاء فيها ستة ايام وانصحك تروح خلالها الى افاموسا
تروح وتررجع بنفس اليوم ولو تقرا موضوعي عن ماليزيا يمكن تعجبك
باقي الايام خذ جوله على معالم ماليزيا واذا الجيب دافي بتكفيك خمس ايام ف شارع
العرب للتسوق.
بهذا القليل وددت المشاركه بما لدي
تقبلوا تحياتي