من دون تكفون راح نجاوبك
بصراحة ال1000 ماتسوي لك شي ابد
ارخص خطوط من الرياض 3500 ريال الى براغ
اتوقع تكاليف الفيزا مع الطلبات للشخصيم تكلفك الف ريال تقريبا
يعني 8000 ريال للسفر فقط
السكن فنادق خمس نجوم واربع نجوم تقريبا 500 ريال الليله بس برا السنتر يمكن تلقون ب300 ريال ايضا المواصلات غاليه جدا يعني التكسي في براغ المشوار الواحد اقل شي 50 ريال لكن المتر والترام حلوات ورخاص
التكلفة اليومية للمعيشة مع السكن والمواصلات والاكل ب600 ريال تقريبا
طبعا خارج ايام الصيف
المدن كارلوفي فاري تستحق الزياره

السلام عليكم ....
بعد كلام العمده مافيه كلام بس بحاول
اولا .... ههه وينك يام عزوز. ابي هديه توديني التشيك. ليش كله حنا اللي نودي
بالنسبه للاسعار في براغ تختلف من موسم الى ثاني...
مثلا في الاولد تاون سكوير ... فندق U prince في شهر 6 مريتهم و قالوا لي 200 يورو لليله. و سكنت فيه في فبراير ب 93 يورو. الفنادق هناك تفرق كثير
الكرسمس و راس السنه توب سيزون (الاغلى) يكون ثلوج و ازدحام و وناسه
الصيف يعتبر هاي سيزون (ارخص من الاول) يكون خرشه من كثر السياح اشكال و الوان
الشتاء اللو سيزون (الارخص) يكون ثلوج و شبه فاضيه من السياح ... لكن حلوه هدوء
بالنسبه للطيران الاسعار تتراوح من 2800 الى ماله نهايه شيكي مع ال KLM و التركيه و اللوفثهانزا و الاخيره الافضل بس اغلاهم.
بالنسبه للمصاريف ... هذي صعبه لانه تختلف من شخص الى ثاني. لكن عندي بعض النصايح
مثل ما قال اخوي سمارت هناك لا تستخدمون التكسي الا من المطار و الى المطار. لانهم غالين و من تجربتي مايعرفون انقليزي ... يتعبون.
المترو ممتع لابعد الحدود و يغطي كل الاماكن السياحيه في براغ . سعر التذكره ام اسبوعين 50 ريال تقريبا
بالنسبه للاكل م. ما اقدر افيدك كثير لان اغلب وقتي نباتي. فاسعار النباتي ارخص من اللحوم.
التسوق.... براغ فيها بضاعه خيال.. ملابس و جزم و كل شي حلو و غير عن السعوديه ..... لكن نفس اسعار السعوديه و بعض المرات اغلى .. لكن لو صادف وجودك هناك موسم تخفيضات (الله يهنيك) لانك تلاقين كل شي متوفر ... اللوان و اشكال و مقاسات و رخيصه.
بالنسبه للطبيعة.
براغ مدينه تاريخيه كلها قصور و قلاع و كنايس و جسور و ... تحسين انك في القرون الوسطى. و هذا شي بالنسبه لي احلى من الطبيعه.
في عندك كالوفي فاري ... جلست فيها 4 ايام ... هاديه و بسيطه و ريفيه نوعا ما.
باقي المدن يفيدك فيها ان شاء الله اخوي سمارت.
و في النهايه خيار ممتاز جدا ..
التشيك طراز اوروبي عتيق و حديث بنفس الوقت ... مؤهله للسياحه و استقبال السياح... امان ... و تكلفتها ارخص من دول اوروبا الثانيه.
و انتي اذا عزمتي عندك شباب خبرتهم خطيره و مابيقصرون ان شاء الله

على فكره ... 10000 ريال .. بالنسبه لي اجلس فيها 14 يوم بالراحه في براغ لاني عارفها زين. بس بالنسبه لكم الوضع يختلف.
بتدخلون متاحف و قلاع و و و فاتحتاجون اكثر

smart82
أنا كنت أقصد 10000--15000 للمصاريف فقط بدون التذاكر والفنادق لأن اسعارهم معروفة وشكر لك
eyesmax
مشكور على المعلومات المفيدة صراحة وتراني معزمة واليوم ان شاء بأحجز تذاكر الطيران
ولما احجزها بلغتكم عشان تقولوا لي اش الخطوة الا بعدها
وتعلمني ولو شوي من خبرتك على الأماكن الرخيصة والحلووه

اخت وداد ...
تذكري ان التشيك تحتاج فيزا فاخلي في مجال في الحجز ...
في العاده الفيزا من 10 ايام الى 14 يوم عشان تجهز (ما ادري اذا تغيرت هالايام)

eyesmax
هلا وغلا بعمي
شلونك وش اخبارك
سالفة تصلح لك
هذا واحد قريب لي طالع لبريطانيا تبع الابتعاث قعد سنه ونصف ودار اوربا كلها طبعا التشيك حوالي 6 مرات بالسنه كان شايل اوربا ويقول انه مافيه احسن منها ودايم يمدح لو جبته للمنتدى كان يخلي براغ احسن من باريس بالمدح
دايم اقوله اوربا واوربا احسن من كل الدول الا امريكا وكان يضحك علي يقول بلاك ماشفت اوربا زين المهم رجع السعويه وكان لازم يغير بريطانيا وراح لاامريكا وله 4 شهور الان يكلمني بالتلفون يقول اشهد بالله انك صادق امريكا شي احسن من اورربا بالف مره
تخيل لو راح لوس انجلوس وش بيسوي ههه
وش صار عليك متى بتروح
مبارك عليك باقي هالشهر

وداد 1990
اختي وداد
علميني متى السفر وكم يوم وانشالله مانقصر

أبشركم حجزت الطيران
الذهاب يوم الأربعاء 15 سبتمبر 2010 والعودة بعدها بعشرة ابام 25/سبتمبر /2010
باقي أبغى أستشيركم بالفندق إلا ببراغ
حصلت فندق أسمه

Hotel Rating
Hotel Rating Addressموقعه في الأولد تاون
اش رايكم فيه
وياليت تقولوا رايك في مدينة هارتشوف
والفيزا تطلع يوم الأثنين القادم

smart82
وداد ... ماشاء الله عليك سريعه.
بالنسبه للفندق مكانه ماصلح لي (اذا هو اللي عند محطة القطار) بس عشان تنبسطون في براغ لازم تكونون في قلب الحدث و هو (الاولد تاون سكوير) ارشح فندقين شوفيهم و نشوف بعد اخوي سمارت وش يقول و بعد ماتحددين السكن نكمل معاك.
Grand Hotel Old Town Square Prague
U Prince Hotel Prague
بالنسبه للفنادق في المناطق ذي في العاده تكون الغرف صغيره لانها مباني تاريخيه. وقت الحجز طلبي و لزمي و اصري على غرفه مطله على السكوير.
بالنسبه للفندق الثاني كنت فيه ايام شهر العسل و كان حلو. لاتتوقعن انه فندق مثل الشيراتون او غيره من الكبار ...لا فندق صغير عدد الغرف 21 غرفه على ما اعتقد.