سحر اسيا
30-05-2022 - 05:02 am
انا رايح لماليزيا بعد اسبوعين وخطه السير كذا:
3 ايام كوالا في فندق متيارا
5 ايام في بينانج في فندق شنجريلا
2 يومين في لنكاوي في فندق شيراتون بيردانا
4 ايام كوالا في فندق مندرين
للمعلوميه حنا شباب
1-وش رايكم في الفنادق ؟
2-وش الاماكن الحلوه في لنكاوي؟
3-وش المطاعهم الحلوه في كوالا؟
4-وش الاسواق الحلوه في كوالا؟
5-وش رايكم في خطه السير؟
معليش اسألتي كثيره بس والله محتاج لرايكم
حياك الله اخوي سحر اسيا وحياالله الشباب اللي معاك
خلنا على البرنامج اللي اتفقتوا عليه ..ترتيبه .
كوالا
لنكاوي
بينانغ
كوالا
موتيار كوالا فندق ممتاز وماعليه كلام .
شيراتون بيردانا ممتاز وماعليه كلام
شانغريلا ...اخترتم راسا ساينغ ام جولدن ساندس .
ان كان الاول اجل ممتاز وزين ما اخترتم .
ماندرين ...روعة وخذوها مطلة على الحديقة .
فنادقكم ممتازة ولا اروع لايكون رايحين تتزوجون
الاماكن الحلوة بلنكاوي تنقال فيها قصص وروايات .
وودي اتعبك وتتصفح المنتدى وما تركوا شيء الحبايب
لا تقول هذا يسوي ثقيل وماوده يرد لا ولكن لانه
قالوا وابدعوا فيها الاخوان
المطاعم ...وين ماتروح تلقى مطاعم ...احجز في مطعم
المنارة ...وعندك ايدين ...وعندك سري ملايو .
ورح للمطاعم الفخمة بمجمع سوريا klcc ولكن تأكدوا
انه الاكل حلال اول ...تعرفوها من استيكر او السؤال .
مادام اخذتم بموتيارا اجل روحوا لشارعنا المزعوم بوكيت
بينتانغ وعندك اغلب المجمعات ...وان نزلتم بماندرين
جنبك اروع سوق بماليزيا سوريا انا عن نفسي هناك مركازي
وعندك سوق تابع لبيتاليغ جايا اللي هو مجمع ميغا مول
ميد فالي ...كبير وجميل وممتع وتلعبون فوق بولينغ
سوق وناسة ولكن 25 دقيقة عن قلب العاصمة والمشكلة
في الزحام ...هذا المجمع حفظته ايام لا تنسى
موفق اخوي ورحلة سعيدة بأذن الله وسلم على الشباب
والسلام عليكم