اخواني واحبابي اولاً اشكر القائمين على الموقع من اعماق قلبي وانا طبيت على هذا الموقع بالصدفة وما اصدق ان فيه موقع عربي بهذا الشكل .... من جد الي يبغى يسافر يدخل هالموقع ومن النت على باب الطايرة عدل ... يعرف وين يروح وين يتمشى وين يسكن وش يسوي ...كل شي.
المهم انا وانا اخوكم اليوم العصر رايح على وجهي احجز لتركيا وكان في وكالة السفر واحد يحجز لجاكرتا ... على بال ما الموظف يسوي اجرائاته التفت هالطيب علي وقال وين مسافر ... بكل برائة قلت له تركيا ... قال انا رايح جاكرتا وجيتها 8 مرات قبل كذا وبصراحة الديرة رخيصة وفيها من جمال الطبيعة ما لا يوجد في غيرها والاهم من هذا يقول طيبة اهلها وهدوئهم وفنادقها فخمة ورخيصة و الخ ... قمت انا اسوي فيها الولد الذكي وقلت له انا رحت لها وما عجبتني (وانا ما عمري طبيتها) ... انتهى حواري معاه وراح.
يوم جاء دوري قال لي الموظف وين تبغى الحجز ... لا شعورياً بدال ما اقول تركيا قلت الدمام-جاكرتا-الدمام ...
(تحسون اني تكوكت) ههه
لا والادهى والامر اني حجزت لخويي معاي وانا كنت متفق معاه اننا رايحين تركيا ههه
السؤال:
هل لازم اخذ فيزا لدخول اندونيسيا وانا سعودي والا لا؟؟؟
واذا كان لازم وين سفارتهم فيه ... وهل المكاتب السياحية تقدر تطلعها والا لازم الحظور شخصياً والتحقيق مثل السفارة الامريكية؟؟؟؟؟؟؟
والي يعرف فندق ممتاز او شقق فندقية راقية يعطيني عنوانها واسعارها؟؟؟
المدة الي بقضيها 15 يوم هل تكفي والا امدد اجازتي؟؟؟
شكرا لكم احبتي.