الاول تقول شوفولي الطيران وبعدين ترجع تقول حاجز فيرجى التوضيح
و 10 ايام كثيره جدا على اوزنجول بالكثير 5 ايام و 5 اسطنبول

اي حاجز الدولي بس مااكدت لسى لكن الداخلي ماعرفت له يعني ارتب الوقت مثلا اوصل لاسطنبول 6 الفجر وابغى رحله لطرابزون يعني انتظر لالساعه 10 بالكثير والصراحه انا ابغى اوزنجول يعني طبيعه وبرادومناظر خلابه وممكن اسطنبول اجلس فيها يوم لكن ودي تشوفون لي الطيران الداخلي لاني اوصل لمطار صبيحه الساعه 6 و5

هلا أخوي
شف بالنسبه للطفله اذا فيه من يهتم برعايتها فأنصحك بعدم أصطحابها لأنها لسا يا قلبي ما تفهم شي ولا راح تنبسط .
بالنسبه للسكن في أوزنجول رخيص جدا وتبداء الاسعار من 120 ريال في اليوم .
والمعيشه على حسب ذوقك ولكن تقريبا معدل 3 وجبات في اليوم ب 200 منها وجبه واحده راقيه .
بالنسبه للمواصلات : أنصح بأستئجار سياره من المطار عند الوصول فورا موديل 2012 ديزل فل أؤتوماتيك واذا رايح أوزنجول أطلع من المطار ولف يسار
وخل البحر على يسارك وأمش على طول بأتجاه الشرق وبعد 40 كيلو يجيك مفرق أوزنجول عاليمين طلوعا للجبل 45 كلم .
بالنسبه للطيران الداخلي هاذي الرابطين تنفعك :
طيران بيق أسوس
http://www.flypgs.com/en/default.aspx?b6c65660
طيران صن أكسبرس
http://www.sunexpress.com/xq/showSelector.do

هلابك اخوي
الله يجزاك خير يارب ع ردك
وجدت رحله الساعه 8وثلث وانا ووصولي 6 و5 هل ساعتين كافيه ولا اختار الرحله اللي 12 ونص
هو الافضل استئجار سياره لكن ايش هي الطلبات ولازم وجود رخصه ولا لان رخصتي مطووفه
وايش افضل شركه تاجير
معليش على كثر اسئلتي لان الوقت ضيق ..تحملني

هلا أخوي
وخذ راحتك بالأسئله
بالنسبه للطلبات لشركة التأجير
1 : رخصة قياده سعوديه سارية المفعول
2 : كرددت كارد أو بطاقة فيزا تسووق
بالنسبه للرخصه ضروري
وبالنسبه لبطاقة فيزا اذا لم يكن لديك بطاقه بعض المكاتب تأخذ عليك مبلغ تأمين وترجعه لك عند التشك آوت ولكن لن تستطيع المكاسر ( المفاصل بالسعر ) .. ليش ؟
.. عدد الشركات اللي تاخذ مبلغ تأمين قليله وبالتالي يتغلبوون عليك في السعر لحاجتك عشان كذا يفضل وجود بطاقه لكي تسأل هاذا وذاك .
بالنسبه لأفضل شركة تأجير عندك في المطار ( ناشونال ) وأيضا . . آفيز و يوروب كار .. كل الثلاث شركات قرب بعض في صالة مطار ترابزون
دائما أهتم عند أستئجار السياره تكون شبه جديده وما مشت أكثر من 15000 كلم , وأكد عليهم يكتبوا لك في الورقه تأمين شامل و العداد مفتوح وتشييك على الكفرات والأسبير
وتاخذ لفه على بودي السياره وتتنتبه للزجاج الأمامي والخلفي من الكسور وتضمن داخل التأمين مسألة القزاز الأمامي
السياره اذا أستلمتها فاضيه من الوقود ترجعها فاضيه والعكس صحيح لو فل تانك .
الديزل أوفر لك من البنزين وسيارات قويه في طلوع الجبال مع انها ديزل ماتحس بضعف في العزم زي ما يتصور البعض مع عدم خبره أو تجربه يقولك عزمها ما ينفع
بالصعود للقمم غير صحيح من واقع تجارب وليس للمحرك صوت مزعج ولا رائحة عادم الديزل باختصار كأنك تقود سياره بنزين
لدرجة انتبه الى جيت المحطه تعبي وقود تنسى نفسك وتقول عبي بنزين .
مع العلم أن موضف المحطه عارف نوع الوقود من غير لا يسألك .
دائما في أي بلد في العالم اذا جيت تعبي وقود تأكد أن العداد لماكينة الوقود مصفر
على الزيرو .. وهذي مجرد نصيحه لم ألاحض والله يشهد أللا كل خير من أهل محطات الوقود في تركيا ولكن الحذر واجب .
تمنياتي لكم برحله موفقه

افضل شيئ احجز من هناك اول ماتوصل ارخص من التركيه تحجزها من السعوديه يكون أغلى عليك فبعد استلام الحقائب على طول على طيران بيجاسوس او التركيه من المطار وشوف السعر المناسب و الوقت وتوكل على الله ويكون افضل مكن ان تحجز تذكره من اغلحين وتروح عليك او تنتظر كثير بالمطار بدون داعي ومافي زحمه هذي الايام فالسعر و الامكانيه لن يتغيرا كثير في يوم واحد و أحجز ذهاب فقط و عندما تمل من الشمال ترجع لأسطنبول وبورصه مثلا