هوليدي فيلا .... اقسم بالله عندي صور للفندق لو اعرضها يمكن تخليك تحرم تفكر فيه ... عندي على الجهاز لكن ما عرف اصغرها واعرضها في المنتدىل....
تصور دخلت الغرفة المحجوزة لي مسبقا من الرياض .... وش تشوف !!! فوضى عارمة البطانيات مكومة فوق السرير ومحيوسة وكل شي معفوس ولم تنظف الغرفة ... وقربت للمفارش البيض تدري وش شفت ؟؟!!! بقعتين لونها احمر خفبف ...
صورت كل شي بالكامر نزلت ووريتها المسئول تحت وارسل النظافة وغير المفارش ونظفوا الغرفة لكن القرف لا زمني حتى طلعت
قال لي واحد لما قلتله اللي شفت ان فيلا يسكن فيه بعض المعاريس الجدد .. وكل ما قلت عندي صوره ... زد 100 ريال واسكن باطلق حاجة بردانا

السلام عليكم
أنا مع أخوي جاك
أنا سكنت العام الماضي في شيراتون بردانا في لانكاوي شيء رائع وكنت سمعت من بعض أعضاء المنتدى عن فندق هوليدي فيلا فقلت للتاكسي خذني له أروح أشوف لكن بعد ما طلعت للغرفة حمدت ربي ألف مرة أني ما تورطت وسكنت فيه ، غرف نجمة كثير عليها .
بالنسبة لفندق دورسيت ريجنسي في كوالا موقعة ممتاز بس الفندق أعطيه 3 من 5
ختاماً أنصحك بالتالي في حال كانت ميزانيتك طيبة :
لانكاوي ...... شيراتون بردانا
بيننغ ....... راساساينغ أو موتيارا أو هوليدي إن المبنى المطل على الشاطيء
كوالا ......... شانجريلا أو ماريوت أو ويستن أو كوروناد
تحياتي ،،،،،،،،

كذا تخوفني شكلي ابكنسل ( لا وش شكلي خلاص ابكنسل الحجز ) ومشكور طيب ايش تقترح على غير شيراتون برادانا لانه غالي بصراحه ( وانا مو هامني لما اكون جالس فيه طول اليوم ) لكن انا من الصباح الى الليل طالع يعني بس للنوم . طبعا مو معنى كذا اني ابي شي يمشي الحال لا ابي حاجه حلوه ومعقوله ( يعني من 300 الى 350 لليله مفرد )

طيب بالنسبة لفندق ( شانغريلا بكوالا ) وين موقعه ؟؟؟ قريب للماريوت ولشارع العرب

شوف وانا اخوك بيننانج احسن حاجة راسا سانج .... ولنكاوي لا تبيت فيها .... روح الساعة 8،5 عن طريق العبارة ساعتين الطريق والرحلة مريحة واتفق مع ذي الكفل وخله يدور بك على الجزيرة احسن ما فيها الشلالات والجزيرة صغيرة وخضراء بعدين ارجع العبارة عند المغيب واتجه لببنانج مقر سكنك
في كوالا اسكن في المندرين ... واذا تبي ارخص الماريوت 370 الليلة

تراء انا نفس الحجوزات بس وش الافضل من هوليدي فيلا بس يكون سعرة معقول كما ذكر اخوي اموت بالسفر
وكذلك دورسيت ريجنسي
شاكر للجميع

اسفه على مداخلتي واسمحلي يا اخوي اموت بالسفر اسأل الاخوان هالسؤال
بالنسبة لفندق كوروناد اين يقع وهل هو قريب لشارعنا وكم نجمه وكيف خدمته وبكم الليلة
ياليت الي يعرف يرد علي بسرعه لان السفر بكرة ولا عاد عندي وقت

اختنا ورد وبارود
خذي هذا الربط يحدد ااماكن الفنادق واسعارة مقاربه للمكاتب يمكن يفيدك اذا انتي على عجل من امرك
واتمنى ان اكون قد افدت ........
http://www.hoteltravel.com/malaysia/kualalumpur/maps.htm

السلام عليكم
أختي ورد وبارود
هذا الرابط لفندق كورونايد والفندق يقع خلف شارع بوكيت بنتانج أو شارع العرب كما يسميه الأخوة في المنتدى .أنا لم أسكن في الفندق ولكن أحدالأخوة في المنتدى ذكر أنه ممتاز وسعره مناسب جداً .
http://www.coronade.com
تحياتي ،،،،،،،،