طموحي كبير
24-11-2022 - 06:39 am
االسلام عليكم ورحمه الله وبركاته
جزاكم الله الف خير
انا تخصصي برمجيات حآسب آلي it شهادتي دبلوم من الكلية التقنية
حصلت وظيفة الآن برآتب3500 ريآل ويصل احيانا 4000 , ومع الترسيم يصل الى 5300 ريآل والبونص 2400 ريال الوظيفة خدمة العملاء الهآتفيه لشركة موبايلي 8 ساعات وشفتات بين يومين ويومين احيانا
تنصحوني أكمل درآستي؟ هل نيوزلندآ خيآر جيد لتخصصي؟
اقدر اجيب بعثه من وزارة التعليم؟ يعني لو رحت له وانا عندي قبول معهد وجامعه ومعادلين لي الفاونديشن وعندي فيزا؟
او هالشي مستحييل؟
الاخوان قآلوا اذا لغتك كويسه ممكن في 3 شهور تدرس لغه بعدها تسوي اختبار الجامعه وتدخل
ونصحوني في كرايست شيرش
هل 50 ألف تكفي معهد 3 شهور وسكن عايله ومصروف ودراسة 30 ساعه لو الوزاره رفضت تعطيني الحاق قبل مااخلصها ؟
او كم المبلغ المثآلي التقريبي ؟
انا انسان لي شهريين وانا اراكض ابي اجمع معلومات مااحد عطاني كلام وافي الكل يقول كلام
واحد يقول شهر تسافر وتضمك البعثه
وواحد يقول لازم تخلص 30 ساعه وتضمك البعثه
تكفون ابي جوآب اخوي احمد او حساس او اي اخو عنده اجوبه
بالنسبة لنقطة الوظيفه فاقول يا اخوك الموضوع من الاساس لا يتطيع قياسه الا انت فهذا الامر متعلق بك اذا كنت تبحث عن التطوير التعليمي او تبحث عن فرصه قائمه .
اما بالنسبة للدراسة والالتحاق فانا اقولها لك صراحة وهذا ما وصلني من اكثر من طلب قدم لدينا انه من يتقدم بعد تاريح 1-11-2008 فلا يستطعون الحاقه الا بعد صدور الميزانيه ولا يعلمون ما سوف يكون في حينها هل سيكون مثل هذه السنه قبول لكل من طلب الحاق او تتغير الظروف الله اعلم ولكن عليك السؤال
بالنسبه للاالحاق فانا اقلك اللي شفته بعيني وانا لي 3 سنوات في البلد
فالموضوع واسطات وسعي وراء الموضوع اذا تسعى فيه راح تلحق وتعرض اوراقك علي اللجنه في اقرب وقت اذا متساهل فسوف تاخذ الامور مجراها الروتيني
بالنسبه ل 50 الف ريال فهي تكفي للدراسه لمدة من 4 اشهر الي 7 اشهر حسب صرفك وحسب المعهد وحسب السكن
عموما في الاول والاخير استخر الله وشوف ايش يكون الموضوع واحسبها براسك ولكن صدقني الله ما يضيع تعب عباده
واي سؤال او خدمه حاضرين