أخي المطنوخ
حياك اخوي في بوابه السفر للمغرب ، انشالله راح تلقى أجابات على جميع استفساراتك ، خصوصا اذا جربت محرك البحث في المنتدى ، لأن فيه معلومات عن الفنادق والتنقلات وكل شي من الألف للياء ، عن جميع المدن اللي ذكرتها ، ولا تنسا تحجز الفنادق من هنا أحسن لك وأرخص .
والمبلغ اللي معك زاد او نقص يعتمد على الشخص ورغباته ومعرفته للبلد وهذا يصعب تحديده و يختلف من شخص لأخر مع العلم أنك راح تعرف بعد حجزك للفنادق من هنا ، تقريبا هل بيكفيك المبلغ ولا لا

المطنوخ ...
الصراحة باين انك مطنوخ اثنين و 14000 ريال ..
اولا انا انصحك اولا انك تاخذ لفة في المنتدى وتجرب محرك البحث مثل ماقال لك الخبير ولد الدرب .. وبعد ماتمل من البحث راح تلاقي اللي تبي من اول ماتطلع من بيتكم لغاية ماترجع ...
حبيبي المطنوخ انا لدي تحفضات كثيرة على البرنامج وعلى المبلغ اللي معكم ..
عموما انت استخدم محرك البحث وبعدها راح تكون عندك استفسارات محددة ... وعلى الاقل حيكون عندك معلومات واعرة وبعدين لكل حادث حديث ...
تحياتي ..

حياك (( المطنوخ ))
تروح وترجع لنا بالسلامه
مافي زياده على كلام الاخوان ولد الدرب ومحسن
بس أذا حبيت تطرح اي اسئله غير ما ذكرت نحن في الخدمه يالغالي
وللمعلوميه سبق وأن تم الاجابه على عدة تساؤلات متعلقه بنفس الاسئله المطروحه
(( لاتنسنا من التقرير ترجع لنا بالسلامه ))

اخي اذا رايح للسياحة و المناظر الطبيعية فالمبلغ يكفيك و خويك وانصحك بالمناظر الطبيعية فهذه الأيام من أفضل الأجواء التي تمر على المغرب