ياجماعه سفرتى بعد اسبوع باذن الله مستعجله على المعلومات علشان ترتيب حجز الفنادق شدوا الحيل معاى

أهلا وسهلا zara
والله من أول ماكتبت إستفسارك وأنا أصول وأجول
في ما كتبه الأحباب عن صباح..
وصراحة تأخيري هذا بسبب جهازي يبدو متأثر من الجو الحار عندنا
ولأن إجابات أسئلتك يحتاج لها مجرب.. فكرت إني أطلع منها..
لكن حبا في تقديم كل ما أستطيعه
قلت يا بوالشباب لا تحرم نفسك من دعواتها الطيبة..
وعشان كذا إخترت لك من مشاركات الشباب ما أظن إنه بيفيدك..
وبالنسبة لتوزيع الأيام فأتركها لحبيب قلبي (الشعيبي) لأن هذي يبيلها خبير..
ولك ما وجدت مع تحياتي ودعواتي:
جوله في صباح.... من: فارس الكلمة معلومات عن ماليزيا(صباح)...من: الوطواط https://artravelers.com

وعليكم السلام ...
حياك الله اخوي zara وابشر يا اخوي
اخوي الجمال والله كلك ذوق وانت استاذ وخبير
ومنك نتعلم الاخلاق الزينة .
اخوي زارا ..مصر على صباح اخوي
رأيي وخاصة انه عددكم ماشاء الله كبير وفيكم اطفال
عسى الله يبارك فيهم انه يكون تماشيك بشبه جزيرة الملايو
ومالها داعي ماليزيا الشرقية وخاصة ان ما بغيت غوص
وعوم وتسلق جبال ...الخ .
وخل نشاطك مركز على مناطق معينة لاجل لا تتشتت .
وانا اشور عليك هالبرنامج
الخيول الذهبية 2
لانكاوي 3
بينانغ 3
كاميرون هاي لاند 2
جنتنغ 2
افاموسا 3
كوالا 5
ياليت تحدد لي بغيت فنادق من اي مستوى لاجل ارصها
لك رص ...وفي حدود كم بغيتها .
حطيت لك جنتنغ لانه معاك اطفال الله يحفظهم .
وافاموسا انت حاطها اصلاً .
بغيت احط لك صن واي لاقون ...لكن تكفيها زيارة
من كوالا وكلها نصف ساعة ..او مثلاً تخلون لها
ليلة او ليلتين من ليالي كوالا الاخيرة .
واخر ليالي كوالا بغيتها وين ...جنب شارعنا المزعوم
ولا بغيت الفكة من الزحام ام الافخم على الاطلاق اللي
هو ماندرين .
ولانكاوي بغيتها كباين ام نظام غرف فندقية .
موفق اخوي وانتظر ردك ولا تنسانا من صالح الدعاء
والسلام عليكم

السلام عليكم ورحمة الله وبركاته :
اخوي الكريم ..... انا انصحك بعدم جرجت العيال وخلك في العشرين يوم ما بين بينانغ فندق قولدن ساندس ويصلح بالمره للاطفال وخذ اكثر وقت فيه... وكوالمبور عندك فندق سون وان لوقن وفندق ماريوت ... ولاتنسى تروح لجنتنق خلاف السبت والاحد .... والله اعلم

السلام عليكم
جزاكم الله خير على ردودكم وشوركم وهداية الله كنسلنا صباح
بخصوص الفنادق حصلنا هذى الفنادق شرايكم فيها واسعارها
بيانيغ sandy pardiseب80 دولار
لانكاوى berjaya landwiب100دولار
الكاميرونequatorial hill resortب100دولار
كوالاlegend hotel aparttmentب185ودلار
ارجو الرد بسرعه ولاعليكم امر علشان المكتب يبى الرد بكره تنصحونى فيها قبل لااحجز