السلام عليكم ورحمة الله وبركاته ..
يقول الشاعر خراش ..تكاثرت الضباء على خراش .. ومايدري خراش مايصيدوا ..
وخراش اول مره يسافر اندونيسا . هبلتوا فيه .. بمواضيعكم عن جمالها وطبيعتها الخلابه ..
وهذا لسان حالي .. مع مواضيعكم في مايخص اندونيسيا .. لي اسبوع .. ماغير احوس .. قرآت كل المواضيع .. بس ماقدرت اطلع في برنامج سفر متكامل .. يلبي
تطلعاتي ويشفي غليل ضمآي الى هاتيك الديار .. ديار العمه .. ..
احيانا اقول السفر من خلال مكاتب سياحيه ... زي ماتفظل اخونا نقطتين وتعجب شكل اخونا نقطتين مخضرم وذويق .. في البرامج السياحيه .. عن طريق البرامج .. يكون ارخص واسهل واظمن ..
واحيانا اقول لا ياعنتر .. ومن يتهيب صعود الجبل .. يعيش باقي سفرته يحوس في جاكرتا .. !
الخلاصه تاريخ السفر .. من 14 - 9
الى 5 - 10
الميزانيه .. تقريبا 24 الف ... من غير التذاكر
حنا زوجين وطفل ..
ودي اقضيها .. 3 أيام في جاكرتا .. ابي الولد يستانس بالملاهي وبأنشول ..وناخذ على جو اندونيسيا ..
ومن ثم من جاكرتا الى بالي .. 7 ايام .. في بالي .. سبع ليالي .. تامات غير منقوصات .. انا من عشاق الطبيعه
وباقي الآيام ..ولا كل الأيام شوركم وهداية الله ..!
شاكرين لكم ومقدرين .. وماعندي لكم الا دعوه في ظهر الغيب .. وكل ما اعجبني شي ان شاء الله بدعي لكم ..